بىلتىر قازاقستانعا 16 670 ادام كوشىپ كەلدى

استانا. 16 اقپان. بىلتىرعى جىلى ەلىمىزگە 16 670 ادام كوشىپ كەلدى. بۇل تۋرالى كوشى-قون پوليتسياسى ورگاندارىنىڭ اقپارى بويىنشا egemen.kz ءتىلشىسى حابارلادى. 2014 جىلعى مالىمەتپەن سالىستىرعاندا ەلىمىزگە كوشىپ كەلۋشىلەر 0,7%-عا ازايعان.  ال, ەلىمىزدەن كوشىپ كەتكەندەر سانى, كەرىسىنشە, 3,9%-عا كوبەيگەن. بىلتىر قازاقستاننان 30 080 ادام كوشىپ كەتكەن.  ەلىمىزگە كوشىپ كەلگەندەردىڭ كوبىسى تمد ەلدەرىنىڭ ازاماتتارى. قازاقستاننان كوشىپ كەتكەندەر دە نەگىزىنەن تمد ەلدەرىنە بارعان.  ەل ىشىندەگى جاعدايعا كەلسەك, حالىقتىڭ كوبىسى الماتىعا كوشكەن.  بىلتىر الماتى قالاسىنا 41 927 ادام قونىستانعان.  ەكىنشى ورىندا اقمولا وبلىسى تۇر. استانالىق وبلىسقا ەلىمىزدىڭ تۇكپىر-تۇكپىرىنەن 3633 ادام كوشىپ كەلگەن. بۇل رەسمي تۇردە تىركەلگەندەر عانا. وتكەن جىلى قوستاناي وبلىسىنا 1075 ادام, ماڭعىستاۋ وبلىسىنا 575 ادام, پاۆلودار وڭىرىنە 336 ادام كوشىپ كەلسە, باتىس-قازاقستان وبلىسىندا 184 ادام رەسمي تۇردە تىركەلگەن. داستان كەنجالين. دەرەك: قازاقستان رەسپۋبليكاسى ۇلتتىق ەكونوميكا مينيسترلىگى. سۋرەت: egemen.kz