استانا. 16 اقپان. رەسەي استاناسى ماسكەۋ قالاسىندا قازاق حالىق پوەزياسىنىڭ ايگىلى تۇلعاسى, جىر الىبى جامبىل جاباي ۇلىنىڭ تۋعانىنا 170 تىل تولۋىنا وراي ادەبي-سازدى كەش ءوتتى. بۇل تۋرالى 24.kz سايتىنا سىلتەمە جاساعان egemen.kz ءتىلشىسى حابارلادى.
ماسكەۋ ۇلتتار ۇيىندە وتكەن كەشتە جامبىل جاباي ۇلىنىڭ ولەڭدەرى وقىلىپ, اقىنعا ارنالعان كۇي تارتىلدى. سونداي-اق, كورەرمەندەر ارنايى تۇسىرىلگەن بەينەۇندەۋدى تاماشالادى. ال مۇنداي يگى شارانى قازاق جاستار وداعى مەن قازاقستاننىڭ رەسەيدەگى ەلشىلىگى بىرلەسىپ ۇيىمداستىردى.
«جامبىل جاباەۆ – تەك قازاقستان تاريحىندا عانا ەمەس, كەڭەس وداعىنا ەڭبەگى سىڭگەن ۇلى تۇلعا. تۋما تالانتىنىڭ ارقاسىندا سول كەزەڭنىڭ ءومىرىن كەرەمەتتەي سۋرەتتەگەن كەمەڭگەر جان», – دەيدى رەسەي جاراتىلىستانۋ عىلىمدار اكادەمياسىنىڭ مۇشەسى دينا امانجولوۆا.
«جامبىل – لەنينگراد پەن ستالينگراد قالالارىن ازات ەتۋگە ايتۋلى ۇلەسىن قوسقان ادام. ونىڭ وتتى شىعارمالارى سول كەزدىڭ وزىندە-اق, ساربازدارعا جىگەر بەرىپ, جەڭىسكە قاراي قۇلشىندىرا تۇسەتىن. سونداي-اق, ەكى ەلدىڭ ىنتىماقتاستىعىن نىعايتۋعا سول كەزدىڭ وزىندە سەپتىگىن تيگىزگەن», – دەيدى رەسەي ادەبي پالاتاسىنىڭ باسشىسى گەورگي برەگمان.
ايان ءابدۋالي.
دەرەك: 24.kz.
سۋرەت: massaget.kz.
