ساۋىردە سەنات تىڭداۋ وتكىزەدى

بيىلعى ءساۋىر ايىندا سەناتتا «ەۋرازيالىق ەكونوميكالىق وداق جانە دۇنيەجۇزىلىك ساۋدا ۇيىمى جاعدايىندا وتاندىق اگرارلىق سەكتوردىڭ باسەكەگە قابىلەتتىلىگىن ارتتىرۋ – زاڭنامالىق رەتتەۋ جانە ونى تاجىريبەلىك تۇرعىدان ىسكە اسى­رۋ» تاقىرىبىندا پارلامەنتتىك تىڭداۋ وتەتىن بولدى. بۇل تۋ­رالى شەشىم 15 اقپاندا بولعان سەنات بيۋروسىندا قابىل­داندى. پالاتا توراعاسى قاسىم-جو­مارت توقاەۆ اتاپ وتكەندەي, پارلا­مەنتتىك تىڭداۋلار قابىل­دانعان زاڭداردىڭ ىسكە اسىرىلۋ با­رىسى تۋرالى جان-جاقتى جانە تولىق اقپارات الىپ, ءتۇيىندى ماسە­لەلەردى تەرەڭ زەردەلەۋگە مۇمكىن­دىك بەرەدى. «وتكەن جىلى ۇلت جوس­پارى شەڭبەرىندە اۋىل شارۋا­شىلىعىن جانداندىرۋعا باعىت­تالعان بىرقاتار زاڭدار قابىل­داندى. سول زاڭداردىڭ ورىن­دالۋ بارىسى ءاردايىم دەپۋتات­تاردىڭ نازارىندا بولۋى قاجەت. سونى­مەن قاتار, ەلىمىزدىڭ ەۋرازيالىق ەكونوميكالىق وداقتاعى جانە دۇنيەجۇزىلىك ساۋدا ۇيىمىنداعى مۇشەلىگى جاعدايىندا اگرو­ونەر­كاسىپتىك كەشەننىڭ باسەكەگە قابىلەتتىلىگىن قامتاماسىز ەتۋ وزەك­تى ماسەلەلەردىڭ ءبىرى بولىپ تابىلادى», – دەدى ق.توقاەۆ. پارلامەنتتىك تىڭ­داۋدى وتكىزۋدى ۇيىمداستىرۋ اگ­­رارلىق ماسەلەلەر, تابيعاتتى پاي­­دالانۋ جانە اۋىلدىق اۋ­ماق­تار­دى دامىتۋ كوميتەتىنە جۇك­تەلدى. سەنات بيۋروسى جوعارعى پالا­تانىڭ 2016 جىلعى 18 اقپاندا بو­لاتىن كەزەكتى وتىرىسىنىڭ كۇن ءتارتىبىن دە كەلىستى. بيۋرودا, سونداي-اق, ۇكىمەتتەن كەلگەن زاڭ جوبالارى سەناتتىڭ تۇراقتى كوميتەتتەرىنە ءبولىندى. كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى ادامداردىڭ رەادميسسياسى تۋرالى قازاقستان مەن نورۆەگيانىڭ ۇكىمەتارالىق كەلىسىمىن راتيفيكاتسيالاۋ تۋرالى زاڭ جوباسى بويىنشا باس كوميتەت بولىپ بەلگىلەندى. ال قارجى جانە بيۋدجەت كوميتەتىنە قازاقستان ۇكىمەتى مەن حالىقارالىق كور­مەلەر بيۋروسى اراسىنداعى استا­نا قالاسىندا ەكسپو-2017 حالىق­ارالىق مامانداندىرىلعان كورمە­سىن وتكىزۋگە بايلانىستى رەسمي قاتىسۋشىلارعا ارنالعان جەڭىل­دىكتەر مەن پرەفەرەنتسيالار تۋرالى كەلىسىمدى راتيفيكاتسيالاۋ تۋرالى زاڭ جوباسىن جۇرگىزۋ تاپسىرىلدى, دەپ حابارلادى پارلامەنت سەناتىنىڭ ءباسپاسوز قىزمەتى.