بىرلەسىپ اتقارعان جۇمىس ناتيجەلى

بيىلعى جىلدىڭ 13 اق­پانىندا سايلاۋدى بايقاۋ ءجونىن­دەگى رەسپۋبليكالىق قوعام­دىق كەڭەس (سبرقك) مۇشە­لەرى جال­پى­ۇلتتىق سوتسيال-دەموكراتيالىق پارتيانىڭ (جسدپ) سايلاۋالدى شتابىندا بولىپ, اتالعان شتابتىڭ وكىلدەرىمەن كەزدەستى. كەزدەسۋ شەڭبەرىندە سبرقك توراعاسى نۇرلان ەرىمبەتوۆ پەن جسدپ وكىلى سەرىكباي الىباەۆ ءجا­نە اسحات راحىمجانوۆ سايلاۋ ۇدەرىستەرىنىڭ بارلىق كەزەڭ­ىن­دە بارىنشا اشىقتىق پەن ءمول­دىرلىكتى قامتاماسىز ەتۋ, ساي­لاۋدا سايلاۋشىلار مەن كاندي­داتتاردىڭ كونستيتۋتسيالىق قۇقىق­تارىن ساقتاۋ ماسەلەلەرى بويىن­شا پىكىر الماسىپ, سايلاۋ ناۋ­قانى كەزىندە سبرقك-نىڭ بايقاۋشىلارى مەن جسدپ-نىڭ ساي­لاۋالدى شتابىنىڭ ءوزارا ءىس-قيمىلىن ۇيلەستىرۋ تەتىكتەرى تۋرالى ورتاق ۇستانىمعا كەلدى. سبرقك توراعاسى نۇر­لان ەرىم­­بەتوۆ كەزدەسۋگە قاتىسۋ­شى­لار­عا كوميسسيانىڭ قىزمەتى مەن ءمىن­­دەت­تەرى تۋرالى اڭگىمەلەپ بەردى: – ءبىزدىڭ كوميسسيا وسى كەزگە دەيىن وتكەن بارلىق سايلاۋ ناۋقاندارىنا بەلسەندى قاتىسىپ, ۇلكەن تاجىريبە جيناقتادى. ءبىزدىڭ مىندەتىمىز – سايلاۋ ۇدەرىستەرىنىڭ بارلىق كەزەڭدەرىنە جان-جاقتى مونيتورينگ جۇرگىزۋ. وعان ۇگىت ماتەريالدارىن جيناۋ مەن تالداۋ, سايلاۋدىڭ ەلىمىزدىڭ سايلاۋ زاڭناماسى مەن حالىقارالىق قۇقىق نورمالارىنىڭ بارلىق تالاپتارىنا سايكەس جۇرگىزىلۋىن بايقاۋ كىرەدى. سايلاۋدى بايقاۋ ءجو­نىندەگى رەسپۋبليكالىق قوعام­دىق كەڭەستىڭ قىزمەتى, وزگە دە باي­قاۋ ميسسيالارى سەكىلدى, ەلەكتورالدى ۇدەرىسكە, حالىقتىڭ سايا­سي-قۇقىقتىق مادەنيەتىنىڭ جوعا­رىلاۋىنا وڭ ىقپال ەتەدى. سبرقك-نىڭ قازىرگى قۇرامىندا ەلىمىزگە بەلگىلى جانە قۇرمەتتى ادام­دار: قۇقىقتانۋشى-زاڭگەر­لەر, تاۋەلسىز باق-تار مەن ۇەۇ-لا­ر­دىڭ, شىعارماشىل ينتەللي­گەن­تسيانىڭ وكىلدەرى, قوعام قاي­رات­كەرلەرى بار, – دەدى ن.ەرىمبەتوۆ. ءوز كەزەگىندە جسدپ وكىلى سە­رىك­­باي الىباەۆ سبرقك وكىلدەرى­نە ءوزىنىڭ ريزاشىلىعىن بىلدىرە كەلىپ, قوعامدىق بايقاۋ تەتىگىنىڭ ءۇل­كەن ماڭىزعا يە ەكەنىن اتاپ كورسەتتى: – سىزدەر سايلاۋدى بايقاۋ بو­يىنشا جاۋاپتى ميسسيانى جۇزە­گە اسىراسىزدار. سايلاۋالدى ناۋ­قان بارىسىندا سبرقك سياقتى قوعامدىق قۇرىلىمنىڭ جۇمىس ىستەگەنى وتە ماڭىزدى. ءبىزدىڭ پارتيا سبرقك-مەن ىنتى­ماقتاستىققا دايىن. تەك بىرلەسىپ اتقارعان جۇمىستار مەن سىندارلى ءوزارا ءىس-قيمىل عانا سايلاۋ ناۋقانىنىڭ مولدىرلىگىن, ءادىل­دىگى مەن اشىقتىعىن قامتا­ماسىز ەتۋگە قاۋقارلى, – دەدى س.الىباەۆ. ساۋلەبەك ءبىرجان.