جىلقى دەگەن جانۋار ادامدى ەمەۋرىنىنەن تۇسىنەدى ەكەن

قازاق جەتى قازىنانىڭ بىرىنە بالاپ, قاسيەتتى جانۋار سانايتىن جىلقى جارىقتىق ادامنىڭ ويى مەن نيەتىن بەت قۇبىلىسىنىڭ وزگەرىسىنە قاراپ-اق تۇسىنە بەرەتىن بولىپ شىق­تى. ونى ۇلىبريتانياداعى ساس­سەكس ۋنيۆەرسيتەتىنىڭ پسيحولوگتارى تاياۋدا عىلىمي نەگىزدە دالەلدەپ بەردى. مۇنىڭ الدىندا وقىمىستىلار ادام ميميكالارىنان قۇرالعان «سوزدىكتى» قۇراستىرىپ الىپتى. وندا ءبىر ادامنىڭ ءتۇسىن كورسەتىپ, ىرجيىپ تۇرعانىن باستاپ, اشۋ شاقىرعانعا دەيىنگى ءتۇرىن تولىق قامتيتىن ىمدار مەن يشارالار بار. مىنە, وسى كورىنىستەردى بەينەلەيتىن سۋرەتتەر سوسىن ساسسەكس پەن سۋررەيدىڭ 5 ات قوراسىندا تۇرعان 28 جىلقىعا كورسەتىلەدى. سوندا زەرتتەۋشىلەر ءتۇرى الەم-تاپىرىق بولىپ تۇرعان كىسىنىڭ ءراسىمىن كورگەن كەزدە جىلقىلاردىڭ جۇرەكتەرى اتقاقتاپ, ءجيى سوعىپ كەتەتىنىن بايقاعان. بۇعان قوسا, جىل­­قىلار وسىنداي ز ۇلىم تەكتى ادامداردىڭ سۋرەتتەرىنە تەك سول كو­ز­دەرىمەن عانا قارايتىن بولعان. اشۋلى ادامدارعا يتتەر دە تاپ وسىلاي قارايدى ەكەن. عالىمدار مۇنى قورقىنىش تۋعىزاتىن نەمەسە وتە قورقىنىشتى كەسكىن-كەلبەتتەر ءجو­نىندەگى اقپارلار جانۋارلار ميى­نىڭ وڭ جاق جارتى شارىندا وڭدەلىپ شىعاتىنىمەن تۇسىندىرەدى. «جىلقىلاردىڭ ادام بەت قۇبى­لىسىنا قاراي يكەمدەلۋى ولاردىڭ ءتۋابىتتى قالىپتاساتىن قاسيەتتەرى بولۋى دا مۇمكىن. ويتكەنى, ولاردىڭ ەۆوليۋتسياسى ادام ءومىر جولىمەن تىعىز بايلانىستى»», – دەدى زەرتتەۋ اۆتورلارىنىڭ ءبىرى كارەن ماككومب. عالىمدار جىلقىلاردىڭ الەۋ­مەتتىك ءتۇر بولىپ تابىلاتىنىن بۇ­دان بۇرىن دا بىلگەن. الايدا, جاڭا جۇمىستىڭ ناتيجەلەرى ادامنىڭ كوڭىل-كۇيى ولارعا قانشالىقتى تىكە­لەي اسەر ەتەتىنىن ايقىنداپ بەردى. وسىعان وراي بۇل جانۋارلار دا وزدە­رىنىڭ بەت پىشىندەرىن وزگەرتىپ تۇرا­تىن بولىپ شىقتى. زەرتتەۋشىلەر جىلقىلاردا مۇنىڭ 17 ءتۇرلى نۇسقاسى بار ەكەنىن ايتىپ وتىر. رۋسلان يگىلىك.