دايىندىقتارىن پىسىقتادى

كەشە قازاقستان كوممۋنيستىك حالىقتىق پارتياسى (قكحپ) ورتالىق كوميتەتى ۇيىم­نىڭ ەلەكتوراتتىق ناۋقانعا دايىن­دى­عىن پىسىقتاۋ ماقساتىندا ايماقتىق ءبو­لىم­شەلەرىمەن سكايپ-كونفەرەنتسيا وتكىزدى. قكحپ-نىڭ پاۆلودار, اقمولا, وڭتۇستىك قازاقستان, شىعىس قازاقستان, الماتى, قوستا­ناي وبلىستارى مەن الماتى قالاسى فيليال­دارىنىڭ وكىلدەرى قاتىسقان سكايپ-كونفەرەنتسيادا رەسپۋبليكالىق سايلاۋالدى شتابتىڭ جەتەكشىسى ايقىن قوڭىروۆ ۇيىمنىڭ ايماقتىق ءبولىم­شەلەرىنە الداعى ەلەكتوراتتىق ناۋقانعا دايىندىقتى باستاۋ تۋرالى نۇسقاۋ بەردى. «قازاقستان كوممۋنيستىك حالىق پارتياسى الدىندا ماڭىزدى ءارى جاۋاپتى ميسسيا تۇر. ءبىز ءوز جاقتاستارىمىزعا پارتيامىزدىڭ ماقسات-مىندەتتەرىن ءوز دەڭگەيىندە ءتۇسىندىرۋىمىز كەرەك. سوندىقتان, الداعى ناۋقاندا قازاقستان كوممۋنيستەرى ورتالىقتا جانە جەرگىلىكتى جەرلەردە پارتيانىڭ سايلاۋالدى باعدارلاماسى اياسىندا ءتيىمدى جۇمىستار اتقارۋى ءتيىس», – دەدى ا.قوڭىروۆ. ءوز كەزەگىندە قكحپ ورتالىق كوميتەتىنىڭ حاتشىسى تۇرعىن سىزدىقوۆ: «حالىققا ءبىزدىڭ ەلدى جاڭعىرتۋ, ازاماتتىق قوعامدى دامىتۋ, ەكونوميكانىڭ ساپالى ترانسفورماتسيالانۋى جانە رۋحاني قۇندىلىقتارىمىزدى ساقتاۋ باعىتىنداعى ۇستانىمدارىمىزدى جەتكىزۋ اسا ماڭىزدى ءىس», – دەپ مالىمدەدى. سونداي-اق, كونفەرەنتسيا بارىسىندا الداعى سايلاۋالدى ۇگىت-ناسيحات جۇمىستارى كەزىندە باسەكەلەس پارتيالاردىڭ جۇمىسىنا كوبىرەك ءمان بەرۋ قاجەتتىگى دە ايتىلدى. بۇعان قوسا, پارتيانىڭ ۇگiت-ناسيحات جۇمىستارى قولدانىستاعى زاڭ تالاپتارىن قاتاڭ ساقتاۋ ارقىلى جۇرگiزiلەتىنى اتاپ كورسەتىلدi. سونىمەن بىرگە, ۆلاديسلاۆ كوسارەۆ تە وڭiرلiك بولiمشەلەردiڭ ەسەبiن تىڭداپ, سايلاۋ ناۋقانىندا قامتىلۋى ءتيىس جۇمىستار جونىندە اڭگىمەلەپ بەردى. سكايپ-كونفەرەنتسيا قورىتىندىسى بويىنشا وڭiرلiك سايلاۋالدى شتابتارىن قۇرۋ, سەنiم بىلدىرىلەتىن ادامداردى تاڭداۋ, تiركەۋ, ۇگiت-ناسيحات توپتارىن قالىپتاستىرۋ جانە ولاردى وقىتۋ, ەڭبەك ۇجىمدارىمەن كەزدەسۋلەر وتكىزۋ, سونداي-اق, بۇقارالىق سيپاتتاعى ۇگiت-ناسيحات شارالارىن ۇيىمداستىرۋ تۋرالى شەشiمدەر قابىلداندى.  جولدىباي بازار, «ەگەمەن قازاقستان». استانا.