فوتو: ۆيدەودان الىنعان كادر
ورتالىق ساياباقتى باسقاراتىن كومپانيا ديرەكتورى عاني حاسەنوۆتىڭ ايتۋىنشا, اتتراكتسيون تەتىكتەرىنىڭ اراسىنا بوگدە زات ءتۇسىپ كەتكەن. سونىڭ سالدارىنان مەحانيزم ىستەن شىعىپ, كابينا قۇلاعان.
«مەحانيزمگە بوگدە زات تۇسكەن. قازىر ونىڭ تولىق تەحنيكالىق شەشىمىن تاپتىق, ەندى مۇنداي جاعداي قايتالانبايدى. اتتراكتسيون شاعىن بولعاندىقتان, ەشكىم اۋىر جاراقات العان جوق», دەدى ول.
باسشىلىقتىڭ مالىمەتىنشە, وسىعان ۇقساس اقاۋ اتالعان قۇرىلعىدا بۇرىن-سوڭدى تىركەلمەگەن. قازىرگى ۋاقىتتا اتتراكتسيوننىڭ جۇمىسى توقتاتىلدى, قايتا تولىق تەحنيكالىق تەكسەرىستەن وتكەننەن كەيىن عانا ىسكە قوسىلادى. اكىمشىلىك بارلىق اتتراكتسيون كۇن سايىن تاڭەرتەڭ مىندەتتى تەكسەرىستەن وتەتىنىن اتاپ ءوتتى.
وقيعا تۋرالى اقپارات الدىمەن الەۋمەتتىك جەلىلەردە تاراعان. قالا تۇرعىنىنىڭ ايتۋىنشا, 25 ءساۋىر كۇنى ساعات 17:10 شاماسىندا بىرنەشە اينالىم جاساعاننان كەيىن ەكى قىزى وتىرعان كابينا كەنەت ءۇزىلىپ كەتكەن.
«قىزدارىمدى باسىپ قالا جازدادى» دەپ جازعان تۇرعىن قالاداعى بارلىق اتتراكتسيوننىڭ تەحنيكالىق جاعدايىن تەكسەرۋدى تالاپ ەتتى.
