فوتو: الماتى وبلىسى اكىمدىگى
الماتى وبلىسى اكىمدىگى مالىمەتىنشە, وتكەن جىلى جەڭىستىڭ 80 جىلدىعىنا وراي رەسپۋبليكا بويىنشا 500-دەن استام كوشەگە ارداگەرلەردىڭ ەسىمىن بەرۋ بەكىتىلگەن. سونىڭ ىشىندە 154 ۇسىنىس الماتى وبلىسىنان ءتۇسىپ, وڭىرلەر اراسىندا كوش باستاپ تۇر. قازىرگى تاڭدا 73 ارداگەردىڭ ەسىمى ەلدى مەكەندەردەگى كوشەلەرگە بەرىلگەن, ال قالعان 81 ەسىم الداعى وبلىستىق ونوماستيكالىق كوميسسيا وتىرىسىندا قارالادى.
وتكەن جىلى وبلىستا 678 كوشەگە اتاۋ بەرۋ جانە قايتا اتاۋ جۇمىستارى جۇرگىزىلگەن. ونىڭ 578-ءى ونوماستيكالىق كوميسسيادا تالقىلانىپ, قالعان 100 كوشە اتاۋى 29 ساۋىردەگى وتىرىستا شەشىمىن تابادى. ال 2026-2027 جىلدارعا ارنالعان جول كارتاسىنا سايكەس, وڭىردە 669 كوشەنى قايتا اتاۋ كەزەڭ-كەزەڭىمەن جۇزەگە اسىرىلادى.
ارداگەرلەردىڭ ەسىمىن ۇلىقتاۋ الداعى ۋاقىتتا دا ماڭىزدى باعىتتىڭ ءبىرى بولىپ قالا بەرمەك. ماسەلەن, جەڭىستىڭ 85 جىلدىعىنا وراي 116 ارداگەردىڭ ەسىمىن دارىپتەۋ جوسپارلانعان. سونىمەن قاتار وبلىس اۋماعىندا سوعىس ارداگەرلەرىنە ارنالعان 154 مەموريالدىق تاقتا ورناتىلعان.
ونوماستيكا سالاسىنداعى ماڭىزدى وزگەرىستەردىڭ ءبىرى – ەندى جەكەمەنشىك ءبىلىم بەرۋ ۇيىمدارىنا تۇلعالاردىڭ ەسىمىن بەرۋ نەمەسە اتاۋىن وزگەرتۋ ءۇشىن وبلىستىق ونوماستيكالىق كوميسسيانىڭ مىندەتتى كەلىسىمى قاجەت. بۇل تالاپ ء«تىل تۋرالى» زاڭ اياسىنداعى وزگەرىستەرگە سايكەس ەنگىزىلدى. وسىعان بايلانىستى وبلىستىق ءتىل باسقارماسى ءتيىستى قۇرىلىمدارمەن بىرلەسىپ, جاڭا زاڭ تالاپتارىن ىسكە اسىرۋ جۇمىستارىن باستاپ كەتتى.
قاراعاندىلىق مايدانگەرگە قورعانىس ءمينيسترىنىڭ قۇتتىقتاۋ حاتى تابىستالدى
