فوتو: پرەمەر-ءمينيستردىڭ رەسمي اقپاراتتىق رەسۋرسى
پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا اشىق ساباق بارىسىندا جاڭا جۇيەنىڭ مۇمكىندىكتەرىمەن تانىستى. ساباقتا يننوۆاتسيالىق سىنىپتىڭ نەگىزگى فۋنكتسيالارى مەن ءبىلىم بەرۋ پروتسەسىندەگى پراكتيكالىق الەۋەتى كورسەتىلدى.
TopIQ Smart Class – ءوزارا بايلانىستا جۇمىس ىستەيتىن سمارت ۇستەل, سمارت پارتالار مەن سمارت تاقتادان تۇراتىن ءبىرتۇتاس تسيفرلىق ەكوجۇيە. جۇيەدە وقۋ پروتسەسىن اۆتوماتتاندىرۋعا جانە ونى ءار وقۋشىنىڭ ءبىلىم دەڭگەيى مەن جەكە ەرەكشەلىگىنە قاراي بەيىمدەۋگە مۇمكىندىك بەرەتىن جاساندى ينتەللەكت تەحنولوگيالارى دا قولدانىلادى. مۇنىڭ ءبارى ءتيىمدى, ينتەراكتيۆتى ءارى دەربەس ءبىلىم بەرۋ ورتاسىن قالىپتاستىرۋعا باعىتتالعان.
ايدا بالاەۆا نۇرجاس سادىرباەۆتى حالىقارالىق جوباداعى جەڭىسىمەن قۇتتىقتادى
ايدا بالاەۆا ءبىلىم بەرۋ پروتسەسىنە يننوۆاتسيالىق تەحنولوگيالار مەن جاساندى ينتەللەكت قۇرالدارىن ەنگىزۋ ماسەلەسىنە جان-جاقتى ءارى بايىپپەن قاراۋ قاجەت ەكەنىن اتاپ ءوتتى. ونىڭ ايتۋىنشا, ەڭ الدىمەن مۇنداي شەشىمدەردىڭ بالالاردىڭ ءبىلىم ساپاسىنا اسەرى ەسكەرىلۋى ءتيىس.
«مۇنداي ويىن جانە تسيفرلىق فورماتتاردىڭ وقۋ پروتسەسىنە قالاي ىقپال ەتەتىنىن ناقتى ءتۇسىنۋ ماڭىزدى. ءداستۇرلى وقىتۋ جۇيەسى دە ءوز ءمانىن ساقتاۋى كەرەك. پاندەردى وقىتۋدا سارالانعان ءتاسىل قولدانىلىپ, ءار بالانىڭ جەكە ەرەكشەلىگى ەسكەرىلۋى قاجەت. ۇستازدىڭ باستى مىندەتى – تەك ءبىلىم بەرۋ عانا ەمەس, سونىمەن قاتار تۇلعا قالىپتاستىرۋ, جاۋاپتى ءارى لايىقتى ازامات تاربيەلەۋ. وسىعان بايلانىستى مۇنداي تەحنولوگيالاردىڭ ارتىقشىلىقتارى مەن ىقتيمال تاۋەكەلدەرىنە كەشەندى تالداۋ جۇرگىزۋ ماڭىزدى», دەدى ۇكىمەت باسشىسىنىڭ ورىنباسارى.
يننوۆاتسيالىق سىنىپ 25 سمارت پارتامەن جابدىقتالعان. ءار پارتا وقۋشىعا جەكە تسيفرلىق جۇمىس كەڭىستىگىن ۇسىنادى. وقۋشىلار وسى قۇرىلعىلار ارقىلى ەلەكتروندى وقۋلىقتارمەن جۇمىس ىستەپ, تاپسىرمالار ورىندايدى, مۋزىكالىق اسپاپتاردى مەڭگەرەدى, سونداي-اق 3D سۋرەت سالۋ جانە مودەلدەۋ داعدىلارىن دامىتادى.
جاساندى ينتەللەكت جۇيەسى وقۋشىلاردىڭ ۇلگەرىمىن تالداپ, ولاردىڭ دايىندىق دەڭگەيىنە قاراي تاپسىرمالاردى اۆتوماتتى تۇردە بەيىمدەيدى. ال, پەداگوگ سمارت ۇستەل ارقىلى ءار وقۋشىنىڭ جۇمىسىن ناقتى ۋاقىت رەجيمىندە باقىلاپ, وقۋ قارقىنىن رەتتەي الادى جانە قاجەت كەزدە قولداۋ كورسەتەدى. سونىمەن قاتار AI نەگىزىندەگى اناليتيكالىق دەرەكتەر ءار بالانىڭ وقۋ ديناميكاسىن وبەكتيۆتى باعالاۋعا مۇمكىندىك بەرەدى.
ايدا بالاەۆا: كرەاتيۆتى ەكونوميكا تەك شابىت پەن يدەياعا عانا سۇيەنىپ دامي المايدى
سمارت تاقتا ساباقتاردى تولىق ينتەراكتيۆتى فورماتتا وتكىزۋگە جول اشادى. ونىڭ كومەگىمەن وقۋ ماتەريالدارىن تسيفرلىق فورماتتا ساقتاپ, قايتا پايدالانۋعا, سونداي-اق ويىن جانە جارىس ەلەمەنتتەرى بار ساباقتار ۇيىمداستىرۋعا بولادى.
جوبا زاماناۋي ينتەراكتيۆتى ءبىلىم بەرۋ ورتاسىن قالىپتاستىرۋعا, ءبىلىم ساپاسىن ارتتىرۋعا جانە جاڭا بۋىننىڭ تسيفرلىق قۇزىرەتتەرىن دامىتۋعا باعىتتالعان.
ايدا بالاەۆا: بالالاردىڭ جازعى دەمالىسى قاۋىپسىز ءارى ساپالى ءوتۋى ءتيىس
