اۋا رايى • بۇگىن, 09:20

ەلىمىزدىڭ بىرنەشە وبلىسىندا تۇندە ۇسىك جۇرەدى: 28 ساۋىرگە ارنالعان اۋا رايى بولجامى

20 رەت
كورسەتىلدى
1 مين
وقۋ ءۇشىن

28 ءساۋىر رەسپۋبليكانىڭ باسىم بولىگىندە اۋا رايى قۇبىلمالى بولادى. كەي وڭىرلەردە جاڭبىر جاۋىپ, نايزاعاي وينايدى دەپ كۇتىلەدى, دەپ حابارلايدى Egemen.kz.

ەلىمىزدىڭ بىرنەشە وبلىسىندا تۇندە ۇسىك جۇرەدى: 28 ساۋىرگە ارنالعان اۋا رايى بولجامى

قازگيدرومەتتىڭ مالىمەتىنشە, سولتۇستىك جانە ورتالىق وبلىستاردا جاۋىن-شاشىنسىز اشىق اۋا رايى ساقتالادى. رەسپۋبليكانىڭ وڭتۇستىك-باتىسىندا جانە وڭتۇستىگىندە شاڭدى داۋىل بولجانادى. باتىستا, سولتۇستىك-باتىستا, سولتۇستىكتە, شىعىستا, سونداي-اق 28 ساۋىردە ەلدىڭ ورتالىعىندا تۇنگى ۋاقىتتا 3°س-قا دەيىن ۇسىك جۇرەدى دەپ كۇتىلەدى.

كۇندىز رەسپۋبليكا بويىنشا اۋا تەمپەراتۋراسى بىرتىندەپ جوعارىلايدى:

  • باتىستا – +15...+20°س دەيىن;
  • سولتۇستىك-باتىستا – +17...+25°س دەيىن;
  • سولتۇستىكتە – +21...+26°س دەيىن;
  • ورتالىقتا – +21...+30°س دەيىن;
  • شىعىستا – +19...+27°س دەيىن;
  • وڭتۇستىكتە – +25...+34°س دەيىن;
  • وڭتۇستىك-شىعىستا – +22...+27°س دەيىن.

استانادا كۇن اشىق بولىپ, جاۋىن-شاشىن كۇتىلمەيدى, اۋا تەمپەراتۋراسى كۇندىز شامامەن +17…+18°C, ال تۇندە +7…+8°C جىلى بولادى.

الماتىدا كۇن اشىق, كۇندىز +18…+20°C شاماسىندا, تۇندە +7…+10°C ساقتالادى.

ال شىمكەنتتە اۋا رايى جىلى ءارى قۇرعاق بولىپ, كۇندىز تەمپەراتۋرا +25…+28°C دەيىن كوتەرىلەدى, تۇندە +14…+16°C بولادى. كەي جەرلەردە جەل كۇشەيۋى مۇمكىن.

سوڭعى جاڭالىقتار