فوتو: Depositphotos.سom
Polisia.kz حابارلاعانداي, جۇمىستاردى پاترۋلدىك پوليتسيانىڭ مامانداندىرىلعان باتالونى نەگىزگى ماگيسترالداردا جۇرگىزگەن. اسىرەسە اپاتتى جاعداي تۋعىزاتىن جانە قاۋىپتى جۇرگىزۋ مانەرىن كورسەتەتىن جۇرگىزۋشىلەردى انىقتاۋعا باسىمدىق بەرىلدى. سونىمەن قاتار اكىمشىلىك پوليتسيانىڭ وزگە دە بولىمشەلەرى رەيدتىك جانە الدىن الۋ شارالارىن قاتار ۇيىمداستىرىپ, جول جاعدايىن كەشەندى باقىلاۋعا الدى.
پوليتسيا مەملەكەتتىك ءنومىرىن جاسىرعان كولىك جۇرگىزۋشىلەرىمەن كۇرەستى باستادى
وسىنداي دەرەكتەردىڭ ءبىرى تۇنگى ۋاقىتتا ءال-فارابي داڭعىلى بويىندا تىركەلدى. ءبىر توپ كولىك جۇرگىزۋشىسى جىلدامدىقتى شامادان تىس ارتتىرۋ, كۇرت جولاق اۋىستىرۋ جانە وزگە قاتىسۋشىلارعا كەدەرگى كەلتىرۋ ارقىلى اگرەسسيۆتى جۇرگىزۋ بەلگىلەرىن كورسەتكەن. جەدەل ارەكەت ناتيجەسىندە اتالعان كولىكتەر توقتاتىلدى.
تەكسەرۋ قورىتىندىسىندا جۇرگىزۋشىلەرگە قاتىستى قاۋىپتى مانەۆر جاساۋ جانە اپاتتى جاعداي قالىپتاستىرعانى ءۇشىن اكىمشىلىك حاتتامالار تولتىرىلدى. ال كولىكتەر ارنايى تۇراققا قويىلدى.
الماتى قالالىق پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى ءابدينۇر تاسىباەۆ اگرەسسيۆتى جۇرگىزۋدىڭ قوعامعا توندىرەتىن قاتەرىنە توقتالدى. ونىڭ ايتۋىنشا, اگرەسسيۆتى جۇرگىزۋ – قاۋىپسىزدىك تالاپتارىن ادەيى ەلەمەۋ, ال مۇنداي ارەكەتتەر ادامداردىڭ ءومىرى مەن دەنساۋلىعىنا تىكەلەي قاۋىپ توندىرەدى.
«مۇنداي قۇقىقبۇزۋشىلىقتار جۇيەلى تۇردە جانە قاتاڭ تۇردە توقتاتىلادى. بىردە-ءبىر دەرەك قۇقىقتىق باعالاۋسىز قالمايدى», دەدى ول.
