كەلىسىمدى كوزدەگەن كەزدەسۋلەر

كەشە قازاقستان حالقى اسسامبلەياسى توراعاسىنىڭ ورىنباسارى –حاتشىلىق مەڭگەرۋشىسى ەرالى توعجانوۆ ەكى بىردەي كەزدەسۋ وتكىزدى. كەزدەسۋلەر استاناداعى ۇلت­تىق اكادەميالىق كىتاپحاناداعى قازاقستان حالقى اسسامبلەياسى زالىندا ۇيىمداستىرىلدى. ە.توعجانوۆ الدىمەن ەۋرو­پا­داعى قاۋىپسىزدىك جانە ىنتى­ماق­تاستىق ۇيىمىنىڭ از ۇلتتار ىستەرى جونىندەگى جوعارعى كوميس­سارىنىڭ اعا ساياسي كەڭەسشىلەرى مارك فۋماگالليمەن جانە دجەن­ني­فەر كروفتپەن كەزدەستى. وعان قا­زاقستان تاراپىنان قازاق­ستان رەسپۋبليكاسى پارلامەن­تى ءماجىلىسىنىڭ 5-ءشى شاقىرى­لىم­داعى دەپۋتاتى يۋري تيمو­ششەنكو, ورتالىق ازيا وڭىرىندەگى ەت­نوسارالىق جانە كونفەسسيا­ارالىق قاتىناستاردى زەرتتەۋ ور­تا­لىعىنىڭ جەتەكشىسى ايگۇل سادۋاقاسوۆا, سونداي-اق, ەۋرو­پادا­عى قاۋىپسىزدىك جانە ىنتى­ماق­تاستىق ۇيىمىنىڭ از ۇلتتار ىستەرى جونىندەگى جوعارعى كوميس­سا­ريا­تىنىڭ ورتالىق ازيا ءوڭىرى بو­يىنشا جوبالارىنىڭ اسسيس­تەنتى گۇلجان ەرمەكباەۆا قاتىسىپ وتىردى. ودان سوڭ ە.توعجانوۆ ازەر­باي­­جان رەس­پۋب­ليكاسىنىڭ قا­زاق­ستانداعى توتەنشە جانە وكى­لەت­تى ەلشىسى راشاد ماممادوۆپەن كەزدەستى. كەزدەسۋگە قاتىسۋشىلار قحا-نىڭ حالىقارالىق سەرىك­تەستىگى شەڭبەرىندە ونىمەن ءىس-قيمىل جاساۋ, قوعامدىق كەلى­سىم مەن جالپىۇلتتىق بىرلىكتىڭ قازاقستاندىق ۇلگىسىنىڭ ەرەكشە­لىكتەرى ماسەلەلەرىن تالقىلادى. سونىمەن قاتار, تاراپتار مەم­لە­كەتتىك ەتنوساياسات سالاسىن ودان ءارى دامىتۋ ماسەلەلەرى بويىنشا پىكىر الماستى. اڭگىمە ارقاۋى نەگىزىنەن ەكى ەل اراسىنداعى مادەنيەتارالىق ۇنقاتىسۋدى ودان ءارى دامىتۋ ماسە­لەلەرى, گۋمانيتارلىق ءوزارا ءىس-قي­مىلدىڭ ماڭىزدى باعىتتارى بول­دى. شەتەلدىكتەر ەتنوسارالىق كەلىسىمدى قامتاماسىز ەتۋدەگى قازاقستاننىڭ وڭ تاجىريبەسىن اي­رىق­شا اتاپ, جۇرگىزىپ وتىرعان بەيبىت­شىلىك پەن كەلىسىم ساياساتىن وتە جوعارى باعالايتىندىقتارىن جەتكىزدى. دينارا بىتىكوۆا, «ەگەمەن قازاقستان». سۋرەتتى تۇسىرگەن ەرلان وماروۆ.