سەزدەگى سەرپىلىس – سەنىمگە سەبەپ

كەشە استانا ۋاقىتىمەن ساعات 11-دەن 18-مينۋت كەتكەندە, ءبىزدىڭ ينتەرنەت-سايت ءتىلشىسى «استاناداعى تاۋەلسىزدىك سارايىندا ەلباسى – «نۇر وتان» پارتياسىنىڭ توراعاسى نۇرسۇلتان نازارباەۆتىڭ توراعالىعىمەن پارتيانىڭ كەزەكتەن تىس XVII سەزى باستالدى», دەپ حابارلادى. بۇل كەزدە ەلىمىزدەگى ميلليونداعان ادامدار سەكىلدى ءبىزدىڭ جانارىمىز دا وسى سەزدەن حابار جۇرگىزىپ جاتقان «KZ24» تەلەارناسىنىڭ مونيتورىنا اۋعان ەدى. ويتكەنى, اتالمىش سەزدە ءبىزدىڭ ەلىمىزدە قازىرگى تاڭدا اتقارىلىپ كەلە جاتقان بارشا جۇمىستارعا باعا بەرۋمەن قاتار, جاقىن بولاشاقتاعى باسىم باعىتتارى ايقىندالاتىن ەدى. البەتتە, كوپشىلىكتى «نۇر وتان» پارتياسىنىڭ ءتىزىمى بويىنشا الداعى پارلامەنت ماجىلىسىنە دەپۋتاتتىققا ۇمىتكەر بولىپ كىمدەردىڭ باراتىنى دا قىزىقتىردى. بىلە بىلسەك, بۇل دا ءبىزدىڭ ەلىمىزدىڭ جاقىن جىلدارداعى تاعدىرىنا قاتىستى ماسەلە بولاتىن. ءبىر بايقاعانىمىز, ءبىزدىڭ وقىرماندارىمىز دا وسىنى جەتە سەزىنىپتى. سوندىقتان, ولار جوعارىدا اتاپ كورسەتىلگەن جولدار سايت بەتىندە كورىنىس تاپقان بويدا وزدەرىنىڭ پىكىرلەرىن بىلدىرۋگە كىرىستى. بۇلاردىڭ بارىندە دە سەزدەگى سەرپىلىسكە ءسۇيىنىش ءبىلدىرۋ بار. ءبىز سولاردىڭ الدىڭعى لەكتە تۇسكەن بىرقاتارىن تەرىپ الىپ, وقىرمان نازارىنا ۇسىنىپ وتىرمىز. نۇردوس, بالقاش قالاسى, قاراعاندى وبلىسى: – ءوز باسىم وسى سەزدەن كوپ نارسە كۇتەم. «نۇر وتان» وسى جيىندا ءوزىنىڭ ناعىز لايىقتى مۇشەلەرىن قيىنشىلىقتىڭ مايدانىنا سالۋى كەرەك. حالىقتىڭ سەنىمىمەن ويناماۋ كەرەك, ونى اقتاۋ كەرەك دەپ ويلايمىن. ىزتولەۋ, جەزقازعان قالاسى: – الداعى سايلاۋدا «نۇر وتان» ءوزىنىڭ كۇشتى, كوشباسشى پارتيا ەكەنىن كورسەتۋى كەرەك. سەزد ءوزىنىڭ ناعىز دەگەن كانديداتتارىن دۇرىس تاڭداپ الادى دەپ سەنەمىن. ەلدىڭ سەنىمىن اقتاۋ سەنىڭ مۇراتىڭ, «نۇر وتان»! ەرلان, بايزاق اۋدانى, جامبىل وبلىسى: – ءيا, ءسات! ەلباسىنىڭ بايانداماسى ۇلكەن وزگەرىستەرگە جول اشايىن دەپ تۇر عوي. ءبارى ساتىمەن بولسىن! ەدىل: – جەتەكشى پارتيانىڭ سەزىنەن, وندا وقىلاتىن ەلباسىنىڭ بايانداماسىنان كوپ نارسە كۇتەمىن. مەن پارلامەنت ءماجىلىسىنىڭ كەزەكتەن تىس قايتا سايلانۋىن, «نۇر وتاننىڭ» سەزىن ەلىمىزدىڭ دامۋى ءجو­نىندەگى ماڭىزدى وقيعالار دەپ ەسەپ­تەيمىن. توقتامىس: – پرەزيدەنت داعدارىس كەزىندە ۇنەمدەۋگە قاتىستى جاقسى ايتتى. ىسىراپشىلدىق دەگەن ەڭ جامان نارسە. قازاقتا «تارتا جەسەڭ, تاي قالادى, قورقا جەسەڭ, قوي قالادى, قورىقپاي جەسەڭ نەڭ قالادى؟» دەگەن ءسوز بار عوي. ەلباسىنىڭ سەزدە سويلەگەن ءسوزى وسى قاناتتى سوزگە سايا­تىنداي. كارىم, پەتروپاۆل: – بۇل داعدارىستى دا ەڭسە­رە­تىنىمىز انىق. ونىڭ جولدارىن ەلباسى «نۇر وتان» پارتياسىنىڭ كەزەكتەن تىس سەزىندە تاعى ءبىر ايقىنداپ بەردى. تاۋەكەلدەردى ەڭسەرۋ ءۇشىن, دامۋ مۇمكىندىكتەرىن تابۋ ءۇشىن, پرەزيدەنت ايتقانداي, ۇكىمەتتەن باستاپ اۋىلعا دەيىن ءبىر كىسىدەي جۇمىلىپ, بەلسەندىلىكپەن ەڭبەك ەتۋ كەرەك. مارعۇلان, وڭتۇستىك قازاقستان وبلىسى: – «نۇر وتان» پارتياسىنىڭ كەزەكتەن تىس XVII سەزىندە ەلباسى ەستى جان ۇعارلىقتاي, ودان قورىتىندى شىعارارلىقتاي وي ايتتى. مۇناي باعاسى كوتەرىلەدى, باياعى زامان قايتىپ كەلەدى, دەپ ءوزىڭدى-ءوزىڭ الداۋعا بولمايدى. جاڭا جاعدايعا بەيىمدەلىپ, ءومىر ءسۇرۋ كەرەك. جاقىن-تۋعانىم جۇمىسقا ورنالاستىرادى, اكە-شە­شەم تۇرمىسىما كومەكتەسەدى دەۋ – ناعىز ماسىلدىق. وزىڭە-ءوزىڭ قيانات جاسايسىڭ. جاقسى وقىپ, جاقسى مامان بولساڭ, باقىتىڭ قولىڭدا. ال داعدارىس قورقىنىشتى ەمەس. مەملەكەت باسشىسى ونى جەڭەتىن رەسۋرستار بارىن ايتىپ وتىر. جازيرا, وڭتۇستىك قازاقستان وبلىسى: – ادامدا وتان – بىرەۋ عانا. وتانىن گۇلدەندىرۋگە ءاربىر قازاق­ستاندىق اتسالىسسا, ەلىمىزدىڭ كەلە­شەگى كەمەل بولادى. «نۇر وتان» پارتياسى سەزىندە ەلباسى وسىنداي وي ايتتى. راسىندا, ەلدىڭ نەسىبەسىن جەپ, مەملەكەتتى الداعانداردىڭ وڭعانى جوق. شەتەلدە يتقورلىقپەن ءومىر ءسۇرىپ ءجۇر. ۇرلاعان اقشاسى ونىڭ بويىنا جۇقپايدى. ەلىمىز, سول ەلدىڭ كوشباسشىسى – ەلباسىمىز امان بولسىنشى. ءوز باسىم قازاقستاننىڭ كەلەشەگى مىقتى ەكەنىنە سەنەمىن. بايماعانبەت, اقتاۋ: – سەزدە جاريا ەتىلگەن دەپۋ­تاتتىققا ۇمىتكەرلەردىڭ تىزىمىمەن تانىسىپ جاتىرمىز. مىڭنان وزىپ شى­عۋلارىنا تىلەكتەسپىز جانە پار­لا­مەنت ورىنتاعىنا جايعاسقان سوڭ, ەلگە بەلسەندى قىزمەت ەتۋگە سەنىم ءبىل­دى­رەمىز. ەرەكە اسىلتاي: – وسى جولى ەلباسى جاستار ماسەلەسىنە كوپ كوڭىل ءبولدى. جاستار دا سول سەنىمنەن شىعىپ, قولدارىنان ءىس كەلەتىندەرىن ساياساتقا ارالاس­تىرعان, سىناعان دۇرىس. بىراق پارتيالىق تىزىمدە سپورتشى مەن ءانشى تىم كوپ... سول قالاي بولادى؟ باعدات بەرىكباي ۇلى: – «نۇر وتان» پارتياسى ساڭ­لاقتارىن ساقاداي سايلاپ, ءماجى­لىستىڭ ورىنتاعىنا قونجيتا سالاتىن ۇمىتكەرلەرىن سايلاۋ دوداسىنا قوسىپتى. دۇرىس-اق. اسىرەسە, تىزىمدە قايرات نۇرتاس, جانار, سەرىك, گەننادي, نۇرلان سەكىلدى ونەر ورداسىندا جۇرگەن سپورتشى-انشىلەر بارلىعى قۋانتتى. دەمەك, بۇل ادامدار سپورت پەن ءان الەمىنىڭ پروبلەمالارىن بيلىككە جەتكىزىپ, اقساپ تۇرعان تۇسىن جەتىلدىرۋگە اتسالىسادى. مەن پارلامەنتتىڭ جاڭارعان, جاسارعان, جاڭاشا بولعانىن قالايمىن, قۇپتايمىن. تۇرار سەيدىقۇل: – تىزىمگە بەلگىلى, حالىقتىڭ الدىندا جۇرگەن ازاماتتار ەنىپتى. ونەر مەن سپورت سالالارىنىڭ ناعىز مايتالماندارى ەندىگى كەزەكتە ەلدىڭ قامىن جەپ, قيىنشىلىقتى ەڭسەرۋگە ەلەۋلى ۇلەستەرىن تيگىزەدى دەگەن ۇمىتتەمىز. جانار جورابەكوۆا: – قازاقستاننىڭ ساياساتى, ەلبا­سىمىزدىڭ ۇستانىمى, جەتەكشى پارتيانىڭ باستاماسى – ءبارى مەنىڭ كوڭىلىمنەن شىعىپ وتىر. بۇگىنگى «نۇروتاندىقتاردىڭ» ۇمىتكەرلەر ءتىزىمىن كورىپ, رەسەيدىڭ دۋماسى كوز الدىما كەلدى. ءبىز بۇعان دەيىن ماجىلىسكە ەكونوميست, قۇرىلىسشى, ساياساتكەر, جازۋشى سەكىلدى سالانىڭ مايتالماندارىن توپتاستىردىق. ەندى وسى قاتارعا سپورتشىلار مەن انشىلەر قوسىلدى. مۇنىڭ ءوزى ساياسات. ادەتتە ءبىز انشىلەر مەن سپورتشىلارعا دەپۋتاتتىقتا نە بار دەپ شوشيمىز. قاراپ وتىرساق, بۇل سالانىڭ ادامدارى دا بيلىككە جاقىن بولعانى دۇرىس. جوعارىدان پروبلەمالاردى كوتەرىپ, ەلدىڭ قامىن ويلاۋى ءتيىس. جارايسىڭدار! نۇرلان ەرمەكباي, قىزىلوردا وبلىسى: – جەتەكشى پارتيانىڭ بۇل جول­عى باستاماسى, دەپۋتاتتىققا ۇمىتكەرلەر قۇرامى 50-60 پايىزعا جاڭارعان ەكەن. اسىرەسە, ونەر ادامدارىن قاتارعا قوسىپ, سايلاۋ دوداسىنا تۇسىرمەك. مەنىڭشە, وسىنداي پارتيانىڭ باستاماسىن قولداپ, ۇمىتكەرلەرگە داۋىس بەرگەن دۇرىس. ءبارى دە حالىقتىڭ الدىندا جۇرگەن, حالىق ارقىلى ونەرى باعالانىپ, ەلىمىز ارقىلى سايىستاردا توپ جارىپ جۇرگەن جاندار. ەندى ولار ەلىنىڭ قولداۋىنا وسى جولى دا ءزارۋ. راۋان: – «حالىق ايتسا, قالپ ايتپايدى» نەمەسە «جەل تۇرماسا, ءشوپ­تىڭ باسى قيمىلدامايدى» دە­گەن راس-اۋ. وسىدان بىرنەشە كۇن بۇ­رىن ەل دەپۋتاتتىققا يليا, سەرىك, جانار, قايرات, گەنا سە­كىلدى سپورت پەن ونەر ادامدارى ءتۇسىپ, باقتارىن سىنايدى دەپ شۋلاپ ەدى. ەندى, مىنە «نۇر وتان» پارتياسىنىڭ تىزىمىندە ولاردىڭ ەسىمدەرى جاريالاندى. جارايسىڭ, «نۇر وتان», العا, قازاقستان! سامال: – ە, ءماجىلىس تورىنەن ءانشى مەن سپورت­شىلاردى ءجيى كورىپ, ەندى «ءبا­رە­كەلدى» دەيتىن بولدىق! ايت­پاقشى, بۇل جۇلدىزدار دەپۋتات بولسا كاسىپتەرىن دوعاراتىن شى­عار. نە بولسا دا, بۇل ءتىزىم كوڭى­لىمنەن شىقتى. ارمان بەيسەنعالي: ۇمىتكەرلەر اراسىنان لايىقتى جاندار سايلانىپ, ماسەلەنىڭ ءتيىمدى جولدارىن قاراستىرادى دەپ سەنەمىز. مىناداي الماعايىپ زاماندا جاڭا­شىل جاندار وتە قاجەت.