اسكەري باق: ىنتىماقتاستىق ارتادى

قازاقستان رەسپۋبليكاسىنىڭ قورعانىس مينيسترلىگى اسكەري ءىس-شارالاردان اقپار بەرەتىن جۋرناليستەردى دايارلاۋ بويىنشا ل.ن.گۋميلەۆ اتىنداعى ەۋرازيا ۇلتتىق ۋني­ۆەرسيتەتىمەن ىنتىماقتاستىق تۋرالى مەموراندۋمعا قول قويدى. «اسكەري جۋرناليستەردى دايارلاۋ» – ۋاقىت تالابى. جۋرناليستەرگە بەيبىت جاعدايدا عانا ەمەس, ەكسترەمالدى, جاۋىن­گەرلىك جاعدايدا دا جۇمىس جاساي ءبىلۋدى ۇيرەتۋ قاجەت», – دەپ اتاپ ءوتتى قورعانىس مي­نيسترىنىڭ ورىنباسارى, گەنەرال-مايور تالعات مۇحتاروۆ. مەموراندۋمنىڭ نەگىزگى باعىتى – ەڭبەك نارىعىندا سۇرانىسقا يە اسكەري جۋرناليستەردى دايارلاۋ جونىندەگى بىرلەسكەن ءبىلىم بەرۋ باعدارلامالارىن ىسكە اسىرۋ بولىپ تابىلادى. سونىمەن قاتار, مەموراندۋم قورعانىس ۆەدومستۆوسى جانە جوعارى وقۋ ورنى وكىلدەرىنىڭ ءبى­لىم بەرۋ دەڭگەيى مەن عىلىمي بىلىكتىلىگىن ارتتىرۋدا ءوزارا كومەك كورسەتۋگە ىقپال ەتەدى. مەموراندۋمعا قول قويۋ شەڭبەرىندە العاشقى ءىس-شارا جوسپارلانىپ وتىرعانىن دا ايتا كەتكەن ءجون. بۇقارالىق اقپارات قۇرالدارىنىڭ بولاشاعى ءۇشىن ماڭىزدى بولعان باسقوسۋ بارىسىندا ءسوز العان, اتالمىش وقۋ ورنىندا اشىلعان جۋرناليستيكا ماسەلەلەرىن زەرتتەۋ ينستيتۋتىنىڭ ديرەكتورى نامازا­لى وماشەۆ: – ەۋرازيا ۋنيۆەرسيتەتى مەن قورعانىس مينيسترلىگى قولعا الىپ وتىرعان بۇل كەلى­سىم تىلشىلىك تىرشىلىكتىڭ تىزگىنىن ۇس­تاۋعا نيەتتى جاستاردىڭ كەلەشەگى ءۇشىن كەرەك دۇنيە. جۋرناليست, ەڭ ءبىرىنشى, پاتريوت بولۋى قاجەت. ىشكى رۋحى مىقتى ادام عانا وقىس وقيعا ورنىنان اقپارات تاراتۋدان تايىن­بايدى, – دەدى. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جۋرناليس­تيكا جانە ساياساتتانۋ فاكۋلتەتىنىڭ ستۋدەنتتەرى العاش رەت قورعانىس مي­نيسترلىگىنىڭ ەكسترەمالدى جۋرناليستي­كا بويىنشا «اسكەري ديسكۋرس» پراكتيكالىق سەمينارىنا قاتىسادى. ءۇش كۇن ءىشىن­دە اسكەري قىزمەتشى نۇسقاۋشىلار تەوريا­لىق جانە پراكتيكالىق ساباقتاردا بولاشاق جۋرناليستەرگە قارۋلى قاقتىعىس ايماقتارىندا جۇمىس جاساۋ نەگىزدەرى مەن اسكەري ءىس-قيمىلداردى جاريا ەتۋدى ۇيرەتەدى. راۋان قايدار, «ەگەمەن قازاقستان».