ءومىردىڭ 99-شى بەلەسى

ستەپنوگور قالاسىندا تۇراتىن سوعىس جانە تىل ارداگەرى كلاۆديا كوشا­لەۆانى 99 جاسقا تولۋىمەن ارداگەرلەر كەڭەسى مەن مەكتەپ وقۋشىلارى قۇتتىقتادى. بۇل تۋرالى اقمولا وب­لىس­تىق «مەديا ورتالىعىنىڭ» دەرەك­تەرىنە سۇيەنگەن «egemen.kz» ءتىلشىسى حابارلادى. 1917 جىلى ومىرگە كەلگەن كلاۆديا يۆانوۆنا قاڭتار ايىندا ءوزىنىڭ 99 جىلدىق مەرەيتويىن قارسى الدى. وسىنداي اتاۋلى مەرەكەمەن قالالىق ارداگەرلەر كەڭەسىنىڭ ءتورايىمى فا­ريدا ەسجانوۆا مەن ونىڭ ورىنباسارى ەلەنا جيليكوۆا تۋعان كۇن يەسىن ارنايى قۇتتىقتاپ قايتتى. سونىمەن قاتار, كلاۆديا اپايدى قۇتتىقتاۋعا №2 ور­تا مەكتەپ ديرەكتورىنىڭ تاربيە ءىسى بويىنشا ورىنباسارى سۆەتلانا شۆە­تسوۆا مەن مەكتەپ تالىمگەرى ايجان باقبەرگەنوۆا دا باردى. ارداگەرلەر كەڭەسىنىڭ اتىنان توي يەسىنە سىيلىق تارتۋ ەتىلىپ, جىلى لە­بىزدەر ءبىلدىرىلدى. №2 ورتا مەكتەپ ۇستازدارى دا بالالار قولىمەن جا­سال­­عان بۇيىمداردى سىيعا ۇسىنىپ, شا­عىن كونتسەرتتىك باعدارلاما قويدى. كلاۆديا اپاي – ورىنبور ءوڭىرىنىڭ تۋماسى. تۇرمىسقا شىققان ساتتەن باس­تاپ قىرعىزستانعا جەر اۋدارىلعان. ۇلى وتان سوعىسىنىڭ ارداگەرى ەڭ­بەك مايدانىندا دا وزاتتار ساپىندا بولدى. جۇبايى ومىردەن وزعان سوڭ قىرعىزستاننان قازاقستانعا كو­شىپ كەلىپ, 4 بالادان وربىگەن نەمەرە-شوبە­رەلەرىنىڭ قىزىعىن كورۋدە. باقبەرگەن امالبەك, «ەگەمەن قازاقستان». اقمولا وبلىسى.