ءانى وزىنە ارنالعانىن ول قىز بىلمەيدى...
– «اسپانعا قارايمىن» ءانى وزىنە ارنالعانىن ول قىز بىلمەيدى, – دەيدى ءوزىن سازگەردەن گورى اۋەسقوي كومپوزيتور, اۋەسقوي كومپوزيتوردان گورى اسابا دەپ ەسەپتەيتىن ءداۋىر ساعىندىقوۆ.
– بىردە قاسكەلەڭ اۋدانىنداعى حالىققا قىزمەت كورسەتۋ ورتالىعىنا بارىپ قۇجاتتارىمدى رەتتەپ جۇرگەم. سول جەردە مەن ول قىزدى جولىقتىردىم دا عاشىق بولعانىم سونشالىق, نەگە كەلگەنىمدى ۇمىتىپ قالعانداي بولدىم. ايتا كەتەيىن, ول قىزدىڭ تال بويىندا ءبىر ءمىن جوق, ناعىز حور قىزىنداي كوزىمە وتتاي باسىلدى. سودان ەرتەسىنە قۇجاتتارىمدى ارقالاپ تاعى باردىم. كەشە كورگەن سۇلۋلىق سۇلۋلىق پا, ەكىنشى كورگەنىمدە ول قىز كەشەگىدەن دە قۇلپىرىپ تۇردى. عاشىق بولساڭ اۋزىڭا ءسوز دە تۇسپەيدى ەكەن, ۇندەي الماي, كوركىنە تامسانىپ قايتتىم.
ءۇشىنشى كۇنى تاعى بارۋعا مəجبۇر بولدىم. ءۇشىنشى كورگەن سۇلۋلىعىمدى سوزبەن ايتىپ جەتكىزۋ مۇمكىن ەمەس, الدىندا كورگەنىمنەن دە كورىكتى بولىپ كەتكەندەي كورىندى. نە كەرەك, مەن ول قىزعا كəدىمگىدەي ولەردەي عاشىق بولدىم. اتىن دا سۇراي الماي كەتە باردىم.
سودان سول قىز كوز الدىمنان كەتپەي قينالدىم. مازا كەتىپ, ءتۇن ورتاسى ۇيقىدان ويانىپ دالاعا شىعىپ, بەيتانىس ارۋدى ارمانداپ وتىرىپ: «اسپانعا قارايمىن, جۇلدىزدى سانايمىن. سول جۇلدىزدىڭ ىشىندە, سەن جوقسىڭ ارايلىم. ارمانى تالايدىڭ, باعىما بالايمىن. مەن سەنى سۇيەمىن! مەن سەنى قالايمىن!» دەپ ءبىرىنشى قايىرماسى اۋزىما تۇسە بەردى. ۇيگە كىرگەن بويدا جالعاستىرىپ, شۋماقتارىن دا ءسəتتى جازىپ شىقتىم. سونىمەن, بۇل əن ەكى ساعاتتىڭ ىشىندە جازىلعان تۋىندى بولىپ شىعا كەلدى, – دەيدى ءداۋىر.
ءداۋىر ساعىندىقوۆتىڭ مۇنان باسقا «ايىم-كۇنىم», «ەلىگىم», «و, ماحاببات», «ەركەلە» دەگەن ءاندەرى حالىقتان جاپ-جاقسى باعاسىن العانىن ايتۋ كەرەك.
ايتپەسە, بار بولعانى قىزىلورداداعى بەس جىلدىق دومبىرا مەكتەبىن بىتىرگەن اۋەسقوي سازگەردىڭ وعان دەيىن دە «Əكە», «پاتشايىم», «رەنجىمە» سىندى əندەرى بار. قىسقاسى, بۇل جىگىت ءوزىن سازگەرمىن دەپ ەش اسپەتتەمەيدى. تابيعي تالانت, اللانىڭ بەرگەن قابىلەتى.
ال ەندى ءبىر ءان – ورىنداۋشىلارىمىزدىڭ ابىرويىن ءتۇسىرىپ, ءبىر ءان – كوتەرىپ جاتقان ونەردەگى باسەكە نوپىرىندە اباي بەگەيدىڭ اتىن شىعارعان «اسپانعا قارايمىن» ەكەنىن ءوزى دە مويىندايدى. شوۋ-بيزنەسكە ەرەسەك بولعاندا قوسىلعان ءانشىنىڭ بۇعان دەيىنگى «مۇڭايما, ءۇربيبى» قۇلاققا جاعىمدى ەستىلسە دە, توي-تومالاقتا ءجيى شىرقالاتىن ول ءان «اسپانعا قارايمىنداي» باعى اشىلماعانىن بىلەمىز.
ۇلكەن ونەردىڭ سوقپاعىندا سەگىز جىل سەرگەلدەڭ بولعان ورىنداۋشى, ايتپەسە, 10 جاسىنان باستاپ ءوز ءانىن ىزدەپ كەلگەن. سونىمەن ءبۇگىندە ۇلكەن كونتسەرتتەردىڭ ءدۇرمەگىندە جۇرگەن اباي بەگەي اقتوبە قالاسىنداعى مۋزىكالىق ۋچيليششەنى تامامداعان. ال جۇلدىزىن جاققان «اسپانعا قارايمىننىڭ» ءانى دە, ءسوزى دە قىزىلوردالىق كومپوزيتور ءداۋىر ساعىندىقوۆتىڭ ەنشىسىندە ەكەنىن جوعارىدا جازدىق. ونى ءانشى وسىدان ءۇش جىل بۇرىن اۆتورىنان اتتاي قالاپ, ساتىپ العان.
ءبىز «اسپانعا قارايمىن» ءانىن كۋبا ەلىنىڭ «Sin Frontera» اتتى تانىمال توبى اباي بەگەيمەن قوسىلا شىرقاعانىن كوردىك. ءبىراز ۋاقىت قازاق ەستراداسىنىڭ حيتىنا اينالعان ءاندى ارقايسىسى ءبىر كەزدەرى كۋباداعى تانىمال توپتاردىڭ مۇشەسى بولعان – Rodyn Fernandez, Omar Arango Torres, Efrain Yohandi Fuentes قازاق ءانشىسى اباي بەگەيمەن بىرگە ورىندادى.
ايتقانداي, كۋبالىقتار قازاقستانعا كەلىپ-كەتىپ, ونەر كورسەتىپ جۇرگەنىنە 4-5 جىلداي بولدى. ال ولار «اسپانعا قارايمىندى» تىڭداپ الىپ, ءوز بەتتەرىنشە وعان ارانجيروۆكا جاساپ, اباي بەگەيدى تاۋىپ العانشا دا ەكى اي وتەدى. وسىلايشا, قىزۋقاندى كۋبالىق موتيۆكە يە بولعان ءان بۇرىنعىدان دا حيت بولا ءتۇسكەنىن مويىنداۋ كەرەك.
بۇل ءانسىز قازاقتىڭ تويى ءوتپەي تۇرعان تۇستا, «اسپانعا قارايمىننىڭ» ىرعاعى قىرعىز كورشىلەرىمىزگە دە وتە-موتە ۇناپ, ءانىمىزگە جيەندىك جاساعان...
سول سياقتى رەسەي ءانشىسى تيماتي دە كونتسەرتتەرىن «اسپانعا قارايمىن» ءانىنىڭ كومپوزيتسياسىمەن اشىپ, سونىڭ مۋزىكاسىمەن جاپقانى دا كەشە.
الەۋمەتتىك جەلىلەردە وتىرعان اعايىندار ءتيماتيدىڭ استانادا, باكۋ مەن تۇركيادا ءوتكەن كونتسەرتتەرىن اباي بەگەيدىڭ ورىنداۋىنداعى نۇسقامەن باستاعانىن بىلەدى.
– ەلدىڭ ايتۋىنشا, «اسپانعا قارايمىن» ءتيماتيدىڭ قازىرگى سۇيىكتى ءانى كورىنەدى. بىرەۋلەر ونى تالعامى جوق دەپ كۇستانالاعىسى كەلسە دە, ەشكىم ونى تيماتيگە كۇشتەپ تاڭعان جوق. ءبىزدىڭ جىگىتتەر تيماتيمەن بايلانىسقا شىققان. كۋبالىقتار دا ءوز ەلىندە وسى انگە كليپ جاساپ, ءبىر شۋماعىن ءوز ءتىلدەرىندە شىرقاپ ءجۇر. ولار بۇل ءاندى وزدەرىنىڭ «باتا» دەيتىن باراباندارىنا سالىپ ايتادى, – دەيدى ءانشى اباي بەگەي.
قالاي دەسەك تە, ءداۋىر ساعىندىقوۆتىڭ ءبىراز داۋرەنى ءجۇردى. ءبىر جاعىنان وسىناۋ ءاننىڭ تانىمال بولۋىنا 1 تەلەكانالدىڭ «دۋ قول شوكولاد» يۋمورلىق شوۋى جاساعان روليكتەن كەيىن قازاق راديوسىنان روتاتسيالانۋى دا جاقسى سەپتىگىن تيگىزدى. رەجيسسەر نۇرىم اداي وسى باعدارلامادا قازاق ءانىن Beyonce مەن رەپەر Jay-Z Drunk in Love كليپىمەن «بۋدانداستىرىپ», روليك بىردەن تانىمال سايتتار مەن الەۋمەتتىك جەلىلەردى كەزىپ كەتكەن بولاتىن. بەيونسەنىڭ ءبيىمەن وتە ۇيلەسە كەتكەن ءان وزگە ءتىلدە ءسويلەيتىن الەۋمەتتى دە جالت قاراتتى.
ايتپەسە, اباي بەگەيدىڭ ءان قورجىنىندا ۇلىقپان جولداسوۆتىڭ «اڭساعانىم», نۇرلان ەسپانوۆتىڭ «سەزىم قامالى», «باعالىم» ء(سوزى رينات زايىتوۆتىكى) سياقتى بىرقاتار ءتاپ-ءتاۋىر اندەر بار.
ال تابيعي تالانت ءداۋىر ساعىندىقوۆ جۋىردا «شانس» دەگەن ءəنى جارىققا شىققالى تۇرعانىن ايتادى. اماندىق بولسا, وسى ءانىم دە حيت بولادى, دەيدى اۋەسقوي سازگەر ءازىل-شىنىن ارالاستىرىپ.
ايناش ەسالي,
«ەگەمەن قازاقستان».
الماتى.
