قازاقستاندا داعدارىس سالدارىنان كوتتەدجدەر بولشەكتەنىپ ساتىلۋدا

استانا. 28 قاڭتار. ەكونوميكالىق داعدارىس قازاقستانداعى تۇرعىن ءۇي نارىعىنا ايتارلىقتاي سالقىنىن تيگىزۋدە. سونىڭ سالدارىنان ەندى كوتتەدجدەر مەن تاۋنحاۋستار بولشەكتەنىپ ساتىلۋدا. بۇل تۋرالى profinance.kz سايتىنا سىلتەمە جاساعان egemen.kz ءتىلشىسى حابارلادى. ناقتى ايتقاندا, جوعارىدا اتالعان ۇيلەردىڭ يەلەرى مەنشىگىن تۇتاس كۇيىندە ساتا المايتىندارىنا كوزدەرى جەتىپ, ونى بىرنەشە پاتەر ەتىپ, ءبولىپ ساتۋعا بەل بايلاعان. ءتىپتى, ءار پاتەردىڭ ساتىپ الۋشىسىنا ءتيىستى تەحنيكالىق تولقۇجات تا بەرىلەدى ەكەن. قازىرگى تاڭدا جىلجىمايتىن م ۇلىك جارناماسىنا ارنالعان سايتتاردا وسىنداي حابارلاندىرۋلاردىڭ 100-دەن استام ءتۇرى ىلىنگەن. ولاردىڭ كوبى ەكى قاباتتى, اۋدانى 170-تەن 300 شارشى مەترگە دەيىنگى ۇيلەر. يەلەرى اتالعان باسپانالاردى 2-6 پاتەرگە ءبولىپ ساتۋدا. كەي جاعدايدا جەرتولە قاباتتارى دا تۇرعىن جاي ەسەبىنە قوسىلعان. ءۇي يەلەرى جىلجىمايتىن م ۇلىكتىڭ ءار شارشى مەترىن شامامەن 600 دوللارعا باعالاپ وتىر. مۇنداي كوتتەدجدەردىڭ دەنى الماتى قالاسىندا ساتىلىپ جاتقانىن اتاپ وتكەن ءجون. وسى سالادا قىزمەت كورسەتەتىن فيرما وكىلىنىڭ ايتۋىنشا, باستاپقىدا ساتۋشىلار ءۇيدى سول كۇيىندە ساتۋعا قويعان. الايدا, ول كەزدە تۇتىنۋشى تابۋ وتە قيىنعا سوققان ەكەن. ناتيجەسىندە داعدارىسقا قارسى ساتۋدىڭ جاڭا فورماتىن ەنگىزۋگە ءماجبۇر بولعان. ەلامان قوڭىر. دەرەك: profinance.kz. سۋرەت: silkins.com.