جامبىل وبلىسىندا جول-كولىك وقيعاسى 41 پايىزعا ازايدى

تاراز. 28 قاڭتار. جامبىل وبلىسىنىڭ وڭىرلىك كوممۋنيكاتسيا قىزمەتىندە جامبىل وبلىسى جەرگىلىكتى پوليتسيا قىزمەتىنىڭ باسشىسى باقىتجان بەيسەەۆ بريفينگ وتكىزىپ, جەرگىلىكتى پوليتسيا جۇمىسىن ءتۇسىندىردى. بۇل تۋرالى egemen.kz ءتىلشىسى حابارلادى. ەسكەرە كەتەتىن جايت, قازاقستاننىڭ بارلىق وڭىرىندە جاڭا جىلدان باستاپ جەرگىلىكتى پوليتسيا قىزمەتى ءوز جۇمىسىن باستادى. ەلباسىنىڭ تاپسىرماسىنا سايكەس, 5 ينستيتۋتسيونالدى رەفورماسى جانە «100 ناقتى قادام» جاڭا ۇلتتىق جوسپارىن ورىنداۋ, بۇل جاڭا تاريحي جاعدايدا بۇگىنگى سىرتقى مەن ىشكى جاعدايعا شىعار ءتيىمدى جول ءارى 30 دامىعان مەملەكەت قاتارىنا جوسپارلى تۇردە ەنۋ بولىپ تابىلادى. ەلباسىنىڭ تاپسىرماسىن ورىنداۋ بارىسىندا ۇلتتىق جوسپاردىڭ 30 باعىتىنا سايكەس, جامبىل وبلىسىندا جەرگىلىكتى پوليتسيا قىزمەتى قۇرىلدى. اتالعان قىزمەت فۋنكتسياسىنا قوعامدىق ءتارتىپ كۇزەتى, جول قاۋىپسىزدىگى مەن تۇرمىستىق قىلمىستىڭ الدىن-الۋ مىندەتتەرى كىرەدى. جامبىل وبلىسىندا وسى ۋاقىت ارالىعىندا قر اكىمشىلىك قۇقىقتىق بۇزۋشىلىقتار زاڭناماسىنا سايكەس, 2015 اكىمشىلىك قۇقىقتىق بۇزۋشىلىقتار, جول پوليتسياسى بويىنشا 2016 جىلدىڭ 1 قاڭتارىنان 9 مىڭنان اسا جول ءجۇرۋ ەرەجەلەرى بۇزىلعانى انىقتالدى. جۇرگىزىلگەن پروفيلاكتيكالىق جۇمىستار ناتيجەسىندە جامبىل وبلىسىندا اۆتوجولداعى جول-كولىك وقيعاسىنىڭ سانى 41 پايىزعا تومەندەدى, دەيدى جەرگىلىكتى پوليتسيا باسشىسى باقىتجان بەيسەەۆ. جەرگىلىكتى پوليتسياعا وتكەن قىزمەتكەرلەردىڭ شتاتتىق سانى 1 110 ادامدى قۇرايدى. جىل باسىنان بەرى جامبىل وبلىسىندا 2027 اكىمشىلىكتىك قۇقىق بۇزۋ فاكتىسى تىركەلدى. ورالحان ءداۋىت. دەرەك, سۋرەت: egemen.kz