قازاقستان رەسپۋبليكاسى ۇكىمەتىنىڭ قاۋلىسى  №1174 

2015 جىلعى 31 جەلتوقسان, استانا, ۇكىمەت ءۇيى «جەكەشەلەندىرۋ وبەكتىلەرىن ساتۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 9 تامىزداعى № 920 قاۋلىسىنا وزگەرىس ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «جەكەشەلەندىرۋ وبەكتىلەرىن ساتۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 9 تامىزداعى № 920 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 51, 706-قۇجات) مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن جەكەشەلەندىرۋ وبەكتىلەرىن ساتۋ قاعيداسى وسى قاۋلىعا قوسىمشاعا سايكەس جاڭا رەداكتسيادا جازىلسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى №1174 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ 2011 جىلعى 9 تامىزداعى № 920 قاۋلىسىمەن بەكىتىلگەن جەكەشەلەندىرۋ وبەكتىلەرىن ساتۋ قاعيداسى 1. وسى جەكەشەلەندىرۋ وبەكتىلەرىن ساتۋ قاعيداسى (بۇدان ءارى – قاعيدا) «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ (بۇدان ءارى – زاڭ) 100-بابىنىڭ 2-تارماعىنا سايكەس ازىرلەندى جانە اۋكتسيون, تەندەر, جابىق تەندەر جانە ەكى كەزەڭدى راسىمدەر ارقىلى كونكۋرس نىسانىندا ساۋدا-ساتتىقتا جەكەشەلەندىرۋ وبەكتىلەرىن, سونداي-اق قازاقستان رەسپۋبليكاسىنىڭ نەمەسە شەت مەملەكەتتەردىڭ اۋماعىندا جۇمىس ىستەيتىن قور بيرجالارىندا مەملەكەتكە تيەسىلى باعالى قاعازداردى ساتۋ جانە اكتسيونەرلىك قوعامداردىڭ مەملەكەتكە تيەسىلى اكتسيالارىنا قۇقىقتى كۋالاندىراتىن تۋىندى باعالى قاعازداردى ساتۋ ءتارتىبىن رەتتەيدى. 1. جالپى ەرەجەلەر 1. وسى قاعيدادا مىناداي نەگىزگى ۇعىمدار پايدالانىلادى: 1) اعىمداعى باعا – جەكەشەلەندىرۋ وبەكتىسىنىڭ اۋكتسيونداعى ساۋدا-ساتتىق بارىسىندا قالىپتاساتىن باعاسى; 2) العاشقى باعا – مەملەكەتتىك مەنشىك وبەكتىلەرىن جەكەشەلەندىرۋ ماسەلەلەرى جونىندەگى كوميسسيا بەلگىلەيتىن جەكەشەلەندىرۋ وبەكتىسىنىڭ نارىقتىق قۇنىنىڭ نەگىزىندە ايقىندالاتىن باعا; 3) اۋكتسيون – ەلەكتروندىق فورماتتا ءتىزىلىمنىڭ ۆەب-پورتالىن پايدالانا وتىرىپ, قاتىسۋشىلار وزدەرiنiڭ ۇسىنىستارىن جاريا تۇردە مالiمدەيتiن ساۋدا-ساتتىق نىسانى; 4) اۋكتسيون زالى – اۋكتسيوندى وتكىزۋ ءۇشىن قاجەتتى اقپاراتتى ەنگىزۋ, ساقتاۋ جانە وڭدەۋ مۇمكىندىگىن قامتاماسىز ەتەتىن ءتىزىلىم ۆەب-پورتالىنىڭ ءبولىمى; 5) اۋكتسيون ءنومىرى – قازاقستان رەسپۋبليكاسىنىڭ ۇلتتىق كۋالاندىرۋشى ورتالىعى بەرگەن ەلەكتروندىق تسيفرلىق قولتاڭباسى بولعان كەزدە قاتىسۋشىعا اۋكتسيونعا قاتىسۋ ءۇشىن بەرىلەتىن ءنومىر; 6) باستاپقى باعا – ءاربىر جەكەشەلەندىرۋ وبەكتiسi بويىنشا ساۋدا-ساتتىق باستالاتىن باعا; 7) ەكi كەزەڭدi راسiمدەر ارقىلى كونكۋرس – كەزەڭ-كەزەڭiمەن كەلiسسوزدەر جۇرگiزۋ ارقىلى تاۋەلسىز كونسۋلتانتتاردىڭ قاتىسۋىمەن ساتۋشى كونكۋرس جەڭiمپازىن ايقىندايتىن ساۋدا-ساتتىق نىسانى; 8) ەڭ تومەنگى باعا – جەكەشەلەندiرۋ وبەكتiسiن ودان تومەن باعاعا ساتۋعا بولمايتىن باعا; 9) جابىق تەندەر – قاتىسۋشىلاردىڭ شەكتەۋلi توبى قاتىساتىن تەندەر; 10) جەكەشەلەندىرۋ وبەكتىسى – مۇلiكتiك كەشەن رەتiندەگi كاسىپورىن; جەكەشەلەندiرiلۋi تۇيىق تەحنولوگيالىق تىزبەكتى بۇزبايتىن مۇلiكتiك كەشەن رەتiندەگi كاسiپورىننىڭ وندiرiستiك جانە وندiرiستiك ەمەس بولiمشەلەرi مەن قۇرىلىمدىق بiرلiكتەرi; مەملەكەتتىك زاڭدى تۇلعالاردىڭ مۇلكi; اكتسيونەرلىك قوعامداردىڭ اكتسيالارى; جاۋاپكەرشiلiگi شەكتەۋلi سەرiكتەستiكتەردiڭ جارعىلىق كاپيتالىنداعى قاتىسۋ ۇلەستەرى; اكتسيونەرلىك قوعامداردىڭ مەملەكەتكە تيەسىلى اكتسيالارىنا قۇقىقتاردى كۋالاندىراتىن تۋىندى باعالى قاعازدار; 11) جەكەشەلەندىرۋ وبەكتىسىنىڭ نارىقتىق قۇنى – مامىلە تاراپتارى باعالاۋ وبەكتىسى تۋرالى بار­لىق قولجەتىمدى اقپاراتقا يە بولا وتىرىپ, ەسەپپەن جانە ماجبۇرلەۋسىز ارەكەت ەتەتىن باسەكەلەستىك جاع­­­داي­لارىندا, مامىلە نەگىزىندە جەكەشەلەندىرۋ وبەكتىسىن يەلىكتەن شىعارۋعا بولاتىن ەسەپتىك اقشالاي سوما; 12) جەڭiمپاز – جەكەشەلەندiرۋ وبەكتiسi ءۇشiن نەعۇرلىم جوعارى باعا ۇسىنعان اۋكتسيونعا, تەندەرگە جانە جابىق تەندەرگە قاتىسۋشى; ەكi كەزەڭدi راسiمدەر ارقىلى ەڭ ۇزدىك شارتتار ۇسىنعان كونكۋرستىڭ ەكiنشi كەزەڭiنە قاتىسۋشى; 13) كەپىلدىك جارنا – ساۋدا-ساتتىققا قاتىسۋ ءۇشىن جەكەشەلەندىرۋ وبەكتىسىنىڭ العاشقى باعاسىنىڭ 15 %-ى مولشەرىندە جەكە نەمەسە مەملەكەتتىك ەمەس زاڭدى تۇلعا ەنگىزەتىن, بىراق 30 000 ەسەلەنگەن ايلىق ەسەپتىك كورسەتكىشتەن اسپايتىن اقشا سوماسى; 14) قاتىسۋشى – اۋكتسيونعا, تەندەرگە, جابىق تەندەرگە نەمەسە eكi كەزەڭدi ءراسiم ارقىلى كونكۋرسقا قاتىسۋ ءۇشiن بەلگiلەنگەن تارتiپپەن تiركەلگەن جەكە نەمەسە مەملەكەتتىك ەمەس زاڭدى تۇلعا; 15) مەملەكەتتىك مەنشىك وبەكتىلەرىن جەكەشەلەندىرۋ ماسەلەلەرى جونىندەگى كوميسسيا (بۇدان ءارى – كوميسسيا) – زاڭدا كوزدەلگەن جەكەشەلەندىرۋ بويىنشا ساۋدا-ساتتىقتى دايىنداۋ جانە وتكىزۋ ءۇشىن مەملەكەتتىك م ۇلىكتى باسقارۋ جونىندەگى ۋاكىلەتتى ورگان نە جەرگىلىكتى اتقارۋشى ورگان قۇراتىن القالى ورگان; 16) ساتۋ باعاسى – ساۋدا-ساتتىق ناتيجەسىندە بەلگىلەنگەن جەكەشەلەندىرۋ وبەكتىسىنىڭ تۇپكىلىكتى باعاسى; 17) ساتۋشى (م ۇلىكتى يەلىكتەن ايىرۋدى جۇرگىزەتىن ادام) – مەملەكەتتىك م ۇلىك جونىندەگى ۋاكىلەتتى ورگان نە جەرگىلىكتى اتقارۋشى ورگان; 18) ساتىپ الۋشى (يە بولۋشى) – مەملەكەتتiك مۇلiكتi يەلiكتەن شىعارۋ پروتسەسiندە مۇلiكتi ساتىپ الاتىن جەكە تۇلعا نەمەسە مەملەكەتتiك ەمەس زاڭدى تۇلعا; 19) ساۋدا-ساتتىق – جەكەشەلەندىرۋ ءتۇرى; 20) ساۋدا-ساتتىقتىڭ باعانى كوتەرۋ ءادىسى – باستاپقى باعاسى الدىن الا جاريالانعان قاداممەن ارتتىرىلاتىن ساۋدا-ساتتىق ءادiسi; 21) ساۋدا-ساتتىقتىڭ باعانى تومەندەتۋ ءادىسى – باستاپقى باعاسى الدىن الا جاريالانعان قاداممەن تومەندەتiلەتiن ساۋدا-ساتتىق ءادiسi; 22) تاۋەلسىز كونسۋلتانتتار – زاڭدى تۇلعالار, ونىڭ ىشىندە شەتەلدىكتەر نەمەسە ولاردىڭ بىرلەستىكتەرى, ساتۋشى جەكەشەلەندىرۋ وبەكتىسىنىڭ نارىقتىق قۇنىن باعالاۋدى جۇرگىزۋ جانە (نەمەسە) جەكەشەلەندىرۋ وبەكتىلەرى بويىنشا مامىلەنى سۇيەمەلدەۋ ماقساتىندا تارتاتىن, باعالاۋ جانە (نەمەسە) ينۆەستيتسيالىق قىزمەتكە جانە (نەمەسە) قارجىلىق كونسۋلتاتسيا بەرۋگە قاتىسۋشىلار; 23) تەندەر – ءتىزىلىمنىڭ ارنايى بولىنگەن ۆەب-پاراقشاسىندا جابىق ەلەكتروندىق كونۆەرتكە جۇكتەلەتىن, قاتىسۋشىلار وزدەرiنiڭ باعا ۇسىنىستارىن مالiمدەيتiن ساۋدا-ساتتىق نىسانى; 24) ءتىزىلىمنىڭ ۆەب-پورتالى – www.gosreestr.kz مەكەنجايى بويىنشا ينتەرنەت جەلىسىندە ورنالاستىرىلعان, مەملەكەتتىك م ۇلىك ءتىزىلىمىنىڭ (بۇدان ءارى – ءتىزىلىم) ساتۋ وبەكتىلەرى جونىندەگى ەلەكتروندىق دەرەكقورعا بىرىڭعاي قول جەتكىزۋ نۇكتەسىن ۇسىناتىن ينتەرنەت-رەسۋرس; 25) ۇيىمداستىرۋشى – جەكەشەلەندىرۋ وبەكتىلەرىن دايىنداۋدى جانە ساتۋدى ۇيىمداستىراتىن ساتۋ­­­شى نە مەملەكەتتىك ساتىپ الۋ تۋرالى زاڭنامادا ايقىندالعان تارتىپپەن تارتىلاتىن زاڭدى نەمەسە جەكە تۇلعا; 26) ەلەكتروندىق قۇجات – اقپارات ەلەكتروندىق-تسيفرلىق نىساندا بەرىلگەن جانە ەلەكتروندىق تسيفرلىق قولتاڭبا ارقىلى كۋالاندىرىلعان قۇجات; 27) ەلەكتروندىق تسيفرلىق قولتاڭبا (بۇدان ءارى – ەتسق) – ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ دۇرىستىعىن, ونىڭ تيەسىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق نىشاندار تەرىمى. 3. وبەكتىنى جەكەشەلەندىرۋ تۋرالى شەشىمدى مەملەكەتتىك م ۇلىك جونىندەگى ۋاكىلەتتى ورگان نە جەرگىلىكتى اتقارۋشى ورگان قابىلدايدى, ولار 10 كۇن مەرزىمدە جەكەشەلەندىرۋ وبەكتىلەرى تۋرالى اقپاراتتى (ساتۋ كەستەسى) تىزىلىمگە ەنگىزۋدى قامتاماسىز ەتەدى. تابيعي مونوپوليا سۋبەكتىلەرى نەمەسە ءتيىستى تاۋار نارىعىندا باسىم نەمەسە مونوپوليالىق جاعدايعا يە نارىق سۋبەكتىلەرى بولىپ تابىلاتىن ۇيىمداردى جەكەشەلەندىرۋ تۋرالى شەشىمدى قازاقستان رەسپۋبليكاسىنىڭ ۇكىمەتى قابىلدايدى. مەملەكەتتىك م ۇلىك جونىندەگى ۋاكىلەتتى ورگان رەسپۋبليكالىق م ۇلىكتى جەكەشەلەندىرۋدى جۇزەگە اسىرادى, ونىڭ ىشىندە رەسپۋبليكالىق م ۇلىكتى, سونداي-اق نارىقتا ۇستەم نەمەسە مونوپوليالىق جاعدايعا يە تابيعي مونوپوليا سۋبەكتىلەرى نەمەسە نارىق سۋبەكتىلەرى بولىپ تابىلمايتىن م ۇلىكتىك كەشەن رەتىندەگى كاسىپورىنداردى جەكەشەلەندىرۋ تۋرالى شەشىم قابىلدايدى, وبەكتىنى جەكەشەلەندىرۋگە دايىنداۋ پروتسەسىندە رەسپۋبليكالىق م ۇلىكتىڭ ساقتالۋىن قامتاماسىز ەتەدى, جەكەشەلەندىرۋ پروتسەسىن ۇيىمداستىرۋ ءۇشىن دەلدالدى تارتادى, جەكەشەلەندىرۋ وبەكتىسىن باعالاۋدى قامتاماسىز ەتەدى, جەكەشەلەندىرۋ وبەكتىسىن ساتىپ الۋ-ساتۋ شارتتارىن دايىنداۋ مەن جاساسۋدى جانە ساتىپ الۋ-ساتۋ شارتتارى تالاپتارىنىڭ ساقتالۋىن باقىلاۋدى جۇزەگە اسىرادى. جەرگىلىكتى اتقارۋشى ورگاندار وبلىستىق كوممۋنالدىق م ۇلىكتى جەكەشەلەندىرۋدى جۇزەگە اسىرادى, ونىڭ ىشىندە وبلىستىق كوممۋنالدىق م ۇلىكتى, سونداي-اق م ۇلىكتىك كەشەن رەتىندە كاسىپورىنداردى جەكەشەلەندىرۋ تۋرالى شەشىم قابىلدايدى, جەكەشەلەندىرۋ پروتسەسىن ۇيىمداستىرۋ ءۇشىن دەلدالدى تارتادى, جەكەشەلەندىرۋ وبەكتىسىن باعالاۋدى قامتاماسىز ەتەدى, جەكەشەلەندىرۋ وبەكتىسىنىڭ ساتىپ الۋ-ساتۋ شارتتارىن دايىنداۋ مەن جاساسۋدى جانە ساتىپ الۋ-ساتۋ شارتتارى تالاپتارىنىڭ ساقتالۋىن باقىلاۋدى جۇزەگە اسىرادى. كاسىپورىندا مەملەكەتتىك ماتەريالدىق رەزەرۆتىڭ ماتەريالدىق قۇندىلىقتارى بولعان جاعدايدا, كاسىپورىندى م ۇلىكتىك كەشەن رەتىندە جەكەشەلەندىرۋ تۋرالى شەشىم دايىنداۋ كەزىندە شەشىمنىڭ جوباسى مەملەكەتتىك ماتەريالدىق رەزەرۆ, جۇمىلدىرۋ دايارلىعى جانە قورعانىس سالاسىنداعى ۋاكىلەتتى ورگاندارمەن كەلىسىلەدى. 4. جەكەشەلەندىرۋ وبەكتىلەرىن ساتۋ جەكەشەلەندىرۋ وبەكتىسىنىڭ نارىقتىق قۇنى بويىنشا جۇزەگە اسىرىلادى, ول جەكەشەلەندىرۋ وبەكتىسىنىڭ تەڭگەرىمدىك قۇنىنان تومەن بولۋى مۇمكىن. 5. مەملەكەتتىك م ۇلىكتى يەلىكتەن ايىرۋ تۇرلەرىن تاڭداۋ جونىندەگى ولشەمشارتتاردى رەسپۋبليكالىق م ۇلىك بويىنشا – مەملەكەتتىك م ۇلىك جونىندەگى ۋاكىلەتتى ورگان, كوممۋنالدىق م ۇلىك بويىنشا – ءتيىستى جەرگىلىكتى اتقارۋشى ورگاندار ايقىندايدى. 6. ەميسسياسى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلمەگەن اكتسيالاردى ساتۋعا جول بەرىلمەيدى. 7. اكتسيونەرلىك قوعامداردىڭ مەملەكەتكە تيەسىلى اكتسيالارىن جانە جاۋاپكەرشىلىگى شەكتەۋلى سەرىكتەستىكتەردىڭ جارعىلىق كاپيتالىنداعى مەملەكەتتىڭ قاتىسۋ ۇلەسىن ساتۋ قازاقستان رەسپۋبليكاسىنىڭ «اكتسيونەرلىك قوعامدار تۋرالى», «جاۋاپكەرشىلىگى شەكتەۋلى جانە قوسىمشا سەرىكتەستىكتەر تۋرالى», «باعالى قاعازدار رىنوگى تۋرالى» زاڭدارىندا جانە قازاقستان رەسپۋبليكاسىنىڭ وزگە دە زاڭدارىندا بەلگىلەنگەن تالاپتار ساقتالىپ جۇرگىزىلەدى. 8. مەملەكەتكە تيەسىلى اكتسيالاردى ساتۋ كەزىندە ساتىپ الۋشى اكتسيونەرلىك قوعام ەگەر سوڭعىسى ساتىپ الۋشىنىڭ اكتسيالارىنا يەلىك ەتسە, اكتسيونەرلىك قوعام اكتسيالارىنىڭ جيىرما بەس پايىزدان استامىن ساتىپ الا المايدى. جاۋاپكەرشىلىگى شەكتەۋلى سەرىكتەستىكتەردىڭ جارعىلىق كاپيتالىنداعى مەملەكەتتىڭ قاتىسۋ ۇلەسىن ساتۋ كەزىندە جاۋاپكەرشىلىگى شەكتەۋلى سەرىكتەستىكتەردىڭ قاتىسۋشىلارى زاڭنامالىق اكتىلەردە كوزدەلگەن جاعدايلاردى قوسپاعاندا, قاتىسۋشىلاردىڭ ءبىرى قاتىسۋ ۇلەسىن نەمەسە ونىڭ ءبىر بولىگىن ساتقان كەزدە ءۇشىنشى تۇلعالاردىڭ الدىندا قاتىسۋشىنىڭ ۇلەسىن نەمەسە ونىڭ ءبىر بولىگىن ساتىپ الۋ ارتىقشىلىق قۇقىعىن پايدالانادى. 9. مەملەكەتتىك زاڭدى تۇلعا مەملەكەتتىك م ۇلىكتى ساتۋعا ۇسىنعان كەزدە وسى مەملەكەتتىك زاڭدى تۇلعانى باسقاراتىن مەملەكەتتىك ورگاننىڭ جازباشا كەلىسىمى قاجەت. بۇل رەتتە ساتۋشىعا جەكەشەلەندىرۋ وبەكتىسىنە قۇقىق بەلگىلەيتىن قۇجاتتاردى بەرۋ قاجەت. قاجەت بولعان جاعدايدا ساتۋشى جەكەشەلەندىرۋ وبەكتىسىنىڭ تەحنيكالىق جانە فۋنكتسيونالدىق سيپاتتامالارىن ايقىنداۋعا مۇمكىندىك بەرەتىن قۇجاتتاردى سۇراتادى. مەملەكەتتىك م ۇلىكتىڭ تەڭگەرىم ۇستاۋشىسى جەكەشەلەندىرۋ وبەكتىسىنىڭ ساقتالۋىنا جانە ساتىپ الۋشى­عا مەن­شىك قۇقىقتارى وتكەنگە دەيىن جەكەشەلەندىرۋ وبەكتىسى بويىنشا مالىمەتتەردىڭ دۇرىستىعىنا جاۋاپ بەرەدى. حابارلاما جاريالانعاننان كەيىن تەڭگەرىم ۇستاۋشى جەكەشەلەندىرۋ وبەكتىسىن ساتىپ الۋدى قالاۋشىلاردىڭ جەكەشەلەندىرۋ وبەكتىسىن كورۋگە ەركىن قاتىناۋىن قامتاماسىز ەتەدى. اكتسيونەرلىك قوعام اكتسيالارىنىڭ مەملەكەتتىك پاكەتىن نەمەسە جاۋاپكەرشىلىگى شەكتەۋلى سەرىكتەستىكتىڭ جارعىلىق كاپيتالىنداعى مەملەكەتتىڭ قاتىسۋ ۇلەسىن ساتۋ كەزىندە مالىمەتتەردىڭ دۇرىستىعىنا اكتسيونەرلىك قوعامنىڭ نەمەسە جاۋاپكەرشىلىگى شەكتەۋلى سەرىكتەستىكتىڭ باسشىلىعى جاۋاپ بەرەدى. 10. جىلجىمايتىن م ۇلىكتى جەكەشەلەندىرۋ كەزىندە قازاقستان رەسپۋبليكاسىنىڭ جەر كودەكسىنە سايكەس جەر ۋچاسكەسىنە قۇقىق ساتىپ الۋشىعا وتەدى. جەر ۋچاسكەسىنىڭ كاداسترلىق (باعالاۋ) قۇنىن ساتىپ الۋشى قازاقستان رەسپۋبليكاسىنىڭ جەر كودەكسىنە سايكەس جەكە تولەيدى. 11. ساتۋشى جەكەشەلەندiرۋ وبەكتiلەرiن ساتۋدى زاڭدا جانە وسى قاعيدادا ايقىندالعان تارتiپپەن جۇزەگە اسىرادى. 12. ساتۋشىنىڭ فۋنكتسيالارى: 1) جەكەشەلەندىرۋ وبەكتىسىنىڭ قۇنىنا باعالاۋ جۇرگىزۋدى قامتاماسىز ەتۋ; 2) وسى قاعيدانىڭ 2-تارماعىنىڭ 7) جانەت 9) تارماقشالارىندا كوزدەلگەن جاعدايلاردى قوسپاعاندا, كوميسسيا شەشىمىنىڭ نەگىزىندە ءاربىر جەكەشەلەندىرۋ وبەكتىسى بويىنشا جەكەشەلەندىرۋ جۇرگىزۋ ءتۇرىن, ساۋدا-ساتتىق شارتتارىن جانە نىساندارىن ايقىنداۋ; 3) ساۋدا-ساتتىق وتكىزۋ مەرزiمiن بەلگiلەۋ; 4) ساۋدا-ساتتىقتى دايىنداۋدى جانە وتكىزۋدى جۇزەگە اسىرۋ; 5) كوميسسيا شەشىمىنىڭ نەگىزىندە جەكەشەلەندىرۋ وبەكتىلەرىنىڭ العاشقى باعاسىن ايقىنداۋ; 6) ەكى كەزەڭدى راسىمدەر ارقىلى كونكۋرسقا قاتىسۋشىلاردىڭ كەپىلدىك جارناسىن قابىلداۋ; 7) مەملەكەتكە تيەسىلى باعالى قاعازداردى كوميسسيانىڭ شەشىمى نەگىزىندە قازاقستان رەسپۋبليكاسىنىڭ نەمەسە شەت مەملەكەتتەردىڭ اۋماعىندا جۇمىس ىستەيتىن قور بيرجاسىندا ساتۋدى جۇزەگە اسىرۋ; 8) قازاقستان رەسپۋبليكاسىنىڭ نەمەسە شەت مەملەكەتتەردىڭ اۋماعىندا جۇمىس ىستەيتىن قور بيرجالارىندا مەملەكەتكە تيەسىلى باعالى قاعازداردى ساتۋ كەزىندە بروكەرلىك كومپانيانىڭ ۇسىنىمدارى بويىنشا ساۋدا-ساتتىق جۇرگىزۋ ءادىسىن ايقىنداۋ; 9) بيرجالىق ساۋدا-ساتتىققا اكتسيالاردى قويۋ مەرزىمى مەن ۇزاقتىعىن, ساتۋدىڭ شەكتى مەرزىمدەرى مەن بيرجالىق ساۋدا-ساتتىقتان الۋ كۇنىن ايقىنداۋ; 10) قازاقستان رەسپۋبليكاسىنىڭ ۇكىمەتى ايقىندايتىن تارتىپپەن جەكەشەلەندىرۋ وبەكتىسىنىڭ نارىقتىق قۇنىن باعالاۋدى جۇرگىزۋ جانە (نەمەسە) جەكەشەلەندىرۋ وبەكتىلەرى بويىنشا مامىلەلەردى سۇيەمەلدەۋ ماقساتىندا تاۋەلسىز كونسۋلتانتتاردى تارتۋ; 11) جەكەشەلەندىرۋ وبەكتىلەرىن ساۋدا-ساتتىقتان الۋ تۋرالى شەشىم قابىلداۋ; 12) ساتىپ الۋشىنىڭ تالابى بويىنشا جەكەشەلەندىرۋ وبەكتىلەرىنىڭ اۋىرتپالىقتارى, سونداي-اق ەگەر جەكەشەلەندىرۋ وبەكتىسى م ۇلىكتىك كەشەن رەتىندەگى كاسىپورىن بولىپ تابىلسا, جەكەشەلەندىرىلەتىن كاسىپورىننىڭ جاساسقان شارتتارىنىڭ كرەديتورلىق جانە دەبيتورلىق بەرەشەكتەر سوماسى تۋرالى اقپاراتتى دايىنداۋ جانە ۇسىنۋ; 13) جەكەشەلەندىرۋ وبەكتىسىندە مەملەكەتتىك ماتەريالدىق رەزەرۆتىڭ ماتەريالدىق قۇندىلىقتارى بولعان جاعدايدا, ساتۋ تۋرالى شەشىم قابىلدانعاننان كەيىن بەس جۇمىس كۇنى ىشىندە مەملەكەتتىك ماتەريالدىق رەزەرۆ سالاسىنداعى ۋاكىلەتتى ورگانعا جانە ءتيىستى ورتالىق اتقارۋشى ورگاندارعا حابارلاۋ; 14) تەندەرگە نەمەسە جابىق تەندەرگە قاتىسۋشىلاردىڭ قۇجاتتارىن ولاردىڭ قوسىمشا تالاپتارعا سايكەستىگى تۇرعىسىنان قاراۋ جانە ولاردى ساۋدا-ساتتىققا جىبەرۋ; 15) ۇيىمداستىرۋشى تارتىلعان جاعدايدا ونىمەن ساۋدا-ساتتىقتى ۇيىمداستىرۋعا جانە وتكىزۋگە شارت جاساسۋ; 16) ساۋدا-ساتتىقتى ۇيىمداستىرۋ جانە وتكىزۋ بارىسىن باقىلاۋدى جۇزەگە اسىرۋ; 17) ساۋدا-ساتتىق جەڭىمپازدارىمەن ساتىپ الۋ-ساتۋ شارتتارىن جاساسۋ جانە ولاردىڭ ورىندالۋىن باقىلاۋ; 18) قاتىسۋشىلارمەن, ساتىپ الۋشىلارمەن, ۇيىمداستىرۋشىمەن ساۋدا-ساتتىق وتكىزۋ راسىمدەرىنە بايلانىستى ەسەپتەسۋلەردى جۇزەگە اسىرۋ; 19) جەكەشەلەندىرۋ جۇرگىزۋ ءۇشىن قاجەت باسقا دا ءىس-شارالاردى جۇرگىزۋ بولىپ تابىلادى. 13. مىنالار: 1) قازاقستان رەسپۋبليكاسىنىڭ زاڭنامالىق اكتىلەرىنە نەمەسە قۇرىلتاي قۇجاتتارىنا سايكەس قىزمەتتiڭ جۇزەگە اسىرىلۋى وبەكتiنi ساۋدا-ساتتىقتاردا ساتۋدىڭ شارتى بولىپ تابىلاتىن تۇرلەرiمەن اينالىسۋعا قۇقىعى جوق زاڭدى تۇلعالار; 2) ۇيىمداستىرۋشى; 3) جارعىلىق كاپيتالىنىڭ جيىرما بەس پايىزىنان استام مولشەردەگى اكتسيالارى ساۋدا-ساتتىققا شىعارىلعان اكتسيونەرلىك قوعامعا اكتسيالارى تيەسىلى اكتسيونەرلىك قوعامدار ساۋدا-ساتتىقتىڭ قاتىسۋشىسى رەتىندە تىركەلۋگە جاتپايدى. 2. كوميسسيا 14. ساۋدا-ساتتىقتى ۇيىمداستىرۋ جانە وتكىزۋ ءۇشىن ساتۋشى مىندەتتى تۇردە كوميسسيا قۇرادى, ونىڭ قۇرامىنا ساتۋشىنىڭ جانە باسقا دا مەملەكەتتىك ورگانداردىڭ وكىلدەرى نەمەسە ولاردىڭ اۋماقتىق بولىمشەلەرى, «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسى مەن وڭىرلىك كاسىپكەرلەر پالاتالارىنىڭ (جەرگىلىكتى اتقارۋشى ورگاندار جانىنداعى كوميسسيالارعا) وكىلدەرى ەنگىزىلەدى. كوميسسيا مۇشەلەرىنىڭ سانى كەمىندە 5 ادامدى قۇرايدى. ساتۋشىنىڭ وكىلى كوميسسيا توراعاسى بولىپ تابىلادى. حاتشى كوميسسيا مۇشەسى بولىپ تابىلمايدى. كوميسسيا شەشىمدەرى قاتىسىپ وتىرعان كوميسسيا مۇشەلەرىنىڭ جالپى سانىنان قاراپايىم كوپشىلىك داۋىسپەن قابىلدانادى. داۋىستار تەڭ بولعان كەزدە توراعا داۋىسى شەشۋشى بولىپ تابىلادى. كوميسسيا شەشىمى ساتۋشى ءۇشىن ۇسىنىمدىق سيپاتتا بولادى. 15. كوميسسيا مىناداي فۋنكتسيالاردى جۇزەگە اسىرادى: 1) ءوز جۇمىسىنىڭ رەگلامەنتiن دەربەس ازiرلەيدi; 2) وسى قاعيدانىڭ 2-تارماعىنىڭ 7) جانە 9) تارماقشالارىندا كوزدەلگەن جاعدايلاردى قوسپاعاندا, ءاربىر جەكەشەلەندىرۋ وبەكتىسى بويىنشا جەكەشەلەندىرۋدى جۇرگىزۋ ءتۇرى, ساۋدا-ساتتىق نىساندارى مەن ادىستەرى تۋرالى شەشىم قابىلدايدى; 3) قازاقستان رەسپۋبليكاسىنىڭ نەمەسە شەت مەملەكەتتەردىڭ اۋماعىندا جۇمىس ىستەيتىن قور بيرجالارىندا مەملەكەتكە تيەسىلى باعالى قاعازداردى ساتۋ تۋرالى شەشىم قابىلدايدى; 4) جەكەشەلەندىرۋ وبەكتiسiن باعالاۋ نەگىزىندە جەكەشەلەندىرۋ وبەكتiسiنiڭ العاشقى باعاسىن بەلگىلەۋ تۋرالى شەشىم قابىلدايدى; 5) بيرجالىق ساۋدا-ساتتىققا اكتسيالاردى قويۋ مەرزىمى جانە ۇزاقتىعى, ساتۋدىڭ شەكتى مەرزىمى جانە بيرجالىق ساۋدا-ساتتىقتان الۋ كۇنى تۋرالى شەشىم قابىلدايدى; 6) وسى قاعيدانىڭ 61-تارماعىندا كوزدەلگەن جەكەشەلەندىرۋ وبەكتىلەرىن ساتۋدى قوسپاعاندا, تەندەر شارتتارى تۋرالى شەشىم قابىلدايدى; 7) قاتىسۋشىلارعا (ساتىپ الۋشىعا) قويىلاتىن قوسىمشا تالاپتار تۋرالى شەشىم قابىلدايدى; 8) وسى قاعيدانىڭ 39-تارماعىندا كوزدەلگەن جاعدايلاردى قوسپاعاندا, جەكەشەلەندىرۋ وبەكتىلەرىن كەيىننەن ساۋدا-ساتتىققا قويۋدىڭ ورىندىلىعى تۋرالى شەشىم قابىلدايدى; 9) ەكى كەزەڭدى راسىمدەر ارقىلى كونكۋرسقا قاتىسۋشىلاردىڭ قۇجاتتارىن قارايدى جانە ولاردى ساۋدا-ساتتىققا جىبەرەدى; 10) ەكى كەزەڭدى راسىمدەر ارقىلى كونكۋرس جەڭىمپازىن جاريالايدى. 16. ساۋدا-ساتتىقتى وتكىزۋگە دايىندىقتى ساتۋشى جۇزەگە اسىرادى, ول ساۋدا-ساتتىقتى وتكىزۋ تۋرالى حابارلامانىڭ ۋاقتىلى جاريالانۋىن قامتاماسىز ەتەدى, وتiنiمدەر قابىلداۋدى جانە ەكى كەزەڭدى راسiمدەر جولىمەن وتەتىن كونكۋرسقا قاتىسۋشىلاردى تiركەۋدi جۇرگiزەدi, ەكى كەزەڭدى راسىمدەر ارقىلى كونكۋرستىڭ كەلىپ تۇسكەن ماتەريالدارىن كوميسسيانىڭ قاراۋىنا بەرەدى. 3. ساۋدا-ساتتىقتى وتكىزۋگە دايىندىق 17. ساۋدا-ساتتىقتاردى وتكiزۋگە دايىندىق مىناداي تارتiپپەن جۇزەگە اسىرىلادى: 1) جەكەشەلەندىرۋ وبەكتىسى بويىنشا قاجەتتi ماتەريالداردى جيناۋ جۇرگiزiلەدi; 2) جەكەشەلەندىرۋ وبەكتiسiن باعالاۋ نەگىزىندە جەكەشەلەندىرۋ وبەكتiلەرiنىڭ العاشقى باعاسى ايقىندالادى; 3) ءاربiر جەكەشەلەندiرۋ وبەكتiسiنiڭ ساتىلۋ نىساندارى مەن ءادiسi ايقىندالادى; 4) جەكەشەلەندiرۋ وبەكتiلەرi جەكەلەگەن ساۋدا-ساتتىقتار بويىنشا بولiنەدi; 5) كەپiلدiك جارنانى ەنگiزۋ ءتارتiبi ايقىندالادى; 6) ساۋدا-ساتتىقتى وتكىزۋ مەرزiمى بەلگiلەنەدi; 7) قاجەت بولعان كەزدە ۇيىمداستىرۋشى تارتىلادى; 8) ساۋدا-ساتتىق وتكiزۋ تۋرالى حابارلاما جاريالانادى; 9) كەپiلدiك جارنالار قابىلدانادى; 10) قاتىسۋشىلاردى تiركەۋ جۇرگiزiلەدi; 11) ساتىپ الۋ-ساتۋ شارتىنىڭ جوباسىن دايىنداۋ جۇزەگە اسىرىلادى. 18. تەڭگەرىمدىك قۇنى رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىندا قولدانىلاتىن ايلىق ەسەپتىك كورسەتكىشتىڭ 2500000 ەسەلەنگەن مولشەرىنەن استام بولاتىن جەكەشەلەندىرۋ وبەكتىلەرىن باعالاۋدى حالىقارالىق باعالاۋ ستاندارتتارىنا سايكەس تاۋەلسىز كونسۋلتانتتار جۇزەگە اسىرادى. 19. تەڭگەرىمدىك قۇنى رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىندا قولدانىلاتىن ايلىق ەسەپتىك كورسەتكىشتىڭ 2500000 ەسەلەنگەن مولشەرىنەن از بولاتىن جەكەشەلەندىرۋ وبەكتىلەرىن باعالاۋ قازاقستان رەسپۋبليكاسىنىڭ باعالاۋ قىزمەتى تۋرالى زاڭناماسىنا سايكەس جۇزەگە اسىرىلادى. 20. اۋكتسيونعا, تەندەرگە جانە جابىق تەندەرگە قاتىسۋعا كەپىلدىك جارنا مەملەكەتتىك م ۇلىكتى ەسەپكە الۋ سالاسىنداعى بىرىڭعاي وپەراتوردىڭ (بۇدان ءارى – بىرىڭعاي وپەراتور) دەرەكتەمەلەرىنە حابارلامادا بەلگىلەنگەن نىساندا جانە تارتىپپەن ەنگىزىلەدى. ەكى كەزەڭدى راسىمدەر ارقىلى كونكۋرسقا قاتىسۋ ءۇشىن كەپىلدىك جارنا ساتۋشىنىڭ دەرەكتەمەلەرىنە حابارلامادا بەلگىلەنگەن نىساندا جانە تارتىپپەن ەنگىزىلەدى. كەپىلدىك جارنانى قاتىسۋشى نە قاتىسۋشىنىڭ اتىنان كەز كەلگەن جەكە نەمەسە زاڭدى تۇلعا ەنگىزەدى. 21. قاتىسۋشىلارعا كەپiلدiك جارنانىڭ كەز كەلگەن سانىن ەنگiزۋگە جول بەرىلەدى, بۇل رەتتە ءبىر كەپىلدىك جارنا قاتىسۋشىعا ول بويىنشا ساۋدا-ساتتىققا قاتىسۋ ءۇشىن وسى كەپىلدىك جارنانى ەنگىزگەن جەكەشەلەندىرۋ وبەكتىسىن ساتىپ الۋ قۇقىعىن بەرەدى. 22. ساۋدا-ساتتىقتا جەڭگەن جانە ساتىپ الۋ-ساتۋ شارتىن جاساسقان قاتىسۋشىنىڭ كەپiلدiك جارناسى ساتىپ الۋ-ساتۋ شارتى بويىنشا تيەسىلى تولەمدەر ەسەبىنە جاتقىزىلادى. 23. ساتۋشى مىناداي جاعدايلاردا: 1) جەڭiمپازعا – ول ساۋدا-ساتتىقتاردىڭ ناتيجەلەرi تۋرالى حاتتاماعا نە ساتىپ الۋ-ساتۋ شارتىنا قول قويماعان جاعدايدا; 2) ساتىپ الۋشىعا – ساتىپ الۋ-ساتۋ شارتى بويىنشا مiندەتتەمەلەرiن ورىنداماعان نەمەسە تيiسiنشە ورىنداماعان جاعدايدا كەپiلدiك جارنانى قايتارمايدى. قالعان بارلىق جاعدايلاردا كەپىلدىك جارنالار قاتىسۋشى بىرىڭعاي وپەراتورعا (اۋكتسيونعا, تەندەرگە نەمەسە جابىق تەندەرگە قاتىسۋشى) نەمەسە ساتۋشىعا (ەكى كەزەڭدى راسىمدەر ارقىلى كونكۋرسقا قاتىسۋشى) ءوتىنىش بەرگەن كۇننەن باستاپ ءۇش جۇمىس كۇنىنەن كەشىكتىرىلمەيتىن مەرزىمدە قايتارىلادى. كەپىلدىك جارنالار ساۋدا-ساتتىققا قاتىسۋشى, جەكە نەمەسە مەملەكەتتىك ەمەس زاڭدى تۇلعا كەپىلدىك جارنانى قايتارۋ تۋرالى وتىنىشتە كورسەتەتىن دەرەكتەمەلەرگە قايتارىلادى. 24. ساۋدا-ساتتىق وتكiزiلەتiندiگi تۋرالى حابارلاما ولار وتكiزiلگەنگە دەيiن كەمiندە كۇنتىزبەلىك ون بەس كۇن بۇرىن جاريالانۋى تيiس. حابارلاما قازاق جانە ورىس تiلدەرiندە «مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ زاڭىنا سايكەس ساتۋشى كونكۋرس تاسىلىمەن انىقتاعان مەرزىمدى باسپا باسىلىمدارىندا جانە ءتىزىلىمنىڭ ۆەب-پورتالىندا جاريالانادى. مونوپولياعا قارسى زاڭنامانىڭ تالاپتارىنا جاتاتىن اكتسيالاردى, ۇيىمداردىڭ جارعىلىق كاپيتالدارىنداعى ۇلەستەردى, مەملەكەتتىك كاسىپورىنداردى م ۇلىكتىك كەشەندەر رەتىندە ساتۋ تۋرالى حابارلامانى وبەكتى (ساتۋ كەستەسى) بويىنشا اقپارات تىزىلىمگە ەنگىزىلگەن كۇننەن باستاپ كۇنتىزبەلىك الپىس كۇن وتكەننەن كەيىن جاريالاۋعا جول بەرىلەدى. 25. ساۋدا-ساتتىق وتكىزۋ تۋرالى حابارلامادا مىناداي مالىمەتتەر قامتىلادى: 1) ساۋدا-ساتتىقتىڭ وتكiزiلەتiن كۇنi, ورنى جانە ۋاقىتى; 2) ساۋدا-ساتتىقتىڭ ءتۇرى, نىسانى مەن ءادiسi; 3) جەكەشەلەندiرۋ وبەكتiسi تۋرالى مالiمەتتەر (اكتسيالاردى ساتۋ كەزىندە اكتسيالار ەميتەنتىنىڭ اتاۋى مەن ولار تۋرالى مالىمەتتەر, ساتىلاتىن اكتسيالاردىڭ سانى); 4) ساتۋعا قويىلاتىن جەكەشەلەندىرۋ وبەكتiلەرiنiڭ باستاپقى جانە ەڭ تومەنگى (اۋكتسيون ساۋدا-ساتتىقتىڭ گوللاندتىق ءادiسiن قولدانا وتىرىپ وتكiزiلگەن كەزدە) باعالارى; 5) كەپىلدىك جارنانىڭ مولشەرى مەن ونى اۋدارۋ ءۇشىن بانكتىك دەرەكتەمەلەر; 6) وتiنiمدەردi قابىلداۋ ورنى مەن مەرزىمى; 7) ساۋدا-ساتتىقتاردى وتكiزۋ, ونىڭ ىشىندە ساۋدا-ساتتىققا قاتىسۋدى رەسىمدەۋ, ساۋدا-ساتتىق جەڭىمپازىن انىقتاۋ شارتتارى تۋرالى ءتارتىپ; 8) ساتۋشىنىڭ جانە/نەمەسە ساۋدا-ساتتىقتى ۇيىمداستىرۋشىنىڭ جانە تەڭگەرىم ۇستاۋشىنىڭ تەلەفونى مەن ورنالاسقان جەرi; 9) ساتۋشىنىڭ شەشiمi بويىنشا قوسىمشا اقپارات. قازاقستان رەسپۋبليكاسىنىڭ نەمەسە شەت مەملەكەتتەردىڭ اۋماعىندا جۇمىس ىستەيتىن قور بيرجالارىندا مەملەكەتكە تيەسىلى باعالى قاعازداردى ساتۋ تۋرالى حابارلامادا مىناداي مالىمەتتەر قامتىلادى: 1) ساۋدا-ساتتىقتىڭ باستالاتىن كۇنi مەن ۋاقىتى; 2) ساۋدا-ساتتىقتىڭ وتكىزىلەتىن ورنى; 3) اكتسيالار ەميتەنتىنىڭ اتاۋى; 4) ەميتەنت تۋرالى مالىمەتتەر; 5) ساتىلاتىن اكتسيالاردىڭ سانى; 6) ساۋدا-ساتتىقتى ۇيىمداستىرۋشىنىڭ تەلەفونى مەن ورنالاسقان جەرi; 7) ساتۋشىنىڭ شەشiمi بويىنشا قوسىمشا اقپارات. 26. ءاربiر جەكەشەلەندىرۋ وبەكتiسى بويىنشا ساتۋ تۋرالى حابارلاما جاريالانعانعا دەيiن ساتۋشى تىزىلىمگە مىناداي قۇجاتتاردىڭ: 1) جەكەشەلەندىرۋ وبەكتىسىنىڭ قۇنىن باعالاۋ تۋرالى ەسەپتىڭ; 2) تەحنيكالىق جاعدايى تۋرالى كورىنىستى قامتاماسىز ەتەتىن, كەمىندە 5 دانا جەكەشەلەندىرۋ وبەكتىسى فوتوسۋرەتىنىڭ (تەك جىلجىمايتىن م ۇلىك, كولىك, جابدىق جانە باسقا دا ماتەريالدىق م ۇلىك ءۇشىن); 3) ساتىپ الۋ-ساتۋ شارتى جوباسىنىڭ ەلەكتروندىق كوشiرمەلەرىنىڭ تىزىلىمگە ەنگىزىلۋىن قامتاماسىز ەتەدى. جەكەشەلەندىرۋ وبەكتiسىن ساتۋ تۋرالى حابارلاما جاريالانعاننان كەيiن ساتۋشى ءتىزىلىمنىڭ ۆەب-پورتالى ارقىلى بارلىق قالاۋشىلاردىڭ جەكەشەلەندiرۋ وبەكتiسi تۋرالى اقپاراتقا ەركىن قول جەتكىزۋىن قامتاماسىز ەتەدى. 27. ساۋدا-ساتتىققا قاتىسۋشىلاردى تىركەۋ حابارلاما جاريالانعان كۇننەن باستاپ جۇرگىزىلەدى جانە اۋكتسيون, تەندەر, جابىق تەندەر باستالعانعا دەيىن ەكى ساعات بۇرىن جانە ەكى كەزەڭدە ەتەتىن راسىمدەر ارقىلى كونكۋرس باستالعانعا دەيىن جيىرما ءتورت ساعات بۇرىن اياقتالادى, سودان سوڭ قاتىسۋشىلار بەرگەن وتىنىمدەرىن كەرى قايتارا المايدى. 28. اۋكتسيونعا تەندەرگە جانە جابىق تەندەرگە قاتىسۋ ءۇشىن مىنالاردى: 1) جەكە تۇلعالار ءۇشىن: جەكە سايكەستەندىرۋ ءنومىرىن (بۇدان ءارى – جسن), تەگىن, اتىن, اكەسىنىڭ اتىن (بار بولسا); 2) زاڭدى تۇلعالار ءۇشىن: بيزنەس سايكەستەندىرۋ ءنومىرىن (بۇدان ءارى – بسن), تولىق اتاۋىن, ءبىرىنشى باسشىنىڭ تەگىن, اتىن, اكەسىنىڭ اتىن (بار بولسا); 3) كەپىلدىك جارنانى قايتارۋ ءۇشىن ەكىنشى دەڭگەيدەگى بانكتەگى ەسەپ ايىرىسۋ شوتىنىڭ دەرەكتەمەلەرىن; 4) بايلانىس دەرەكتەرىن (پوچتالىق مەكەنجايى, تەلەفونى, فاكس, ە-mail) كورسەتە وتىرىپ, ءتىزىلىمنىڭ ۆەب-پورتالىندا الدىن الا تىركەلۋ قاجەت. جوعارىدا كورسەتىلگەن دەرەكتەر وزگەرگەن كەزدە قاتىسۋشى ءبىر جۇمىس كۇنى ىشىندە ءتىزىلىمنىڭ ۆەب-پورتالىنا ەنگىزىلگەن دەرەكتەردى وزگەرتەدى. 29. اۋكتسيونعا, تەندەرگە جانە جابىق تەندەرگە قاتىسۋشى رەتىندە تىركەلۋ ءۇشىن وسى قاعيداعا قوسىمشاعا سايكەس نىسان بويىنشا قاتىسۋشىنىڭ ەتسق قويىلعان ساۋدا-ساتتىققا قاتىسۋعا ءوتىنىمدى ءتىزىلىمنىڭ ۆەب-پورتالىندا تىركەۋ قاجەت. تەندەرگە جانە جابىق تەندەرگە قاتىسۋشىلار: 1) تەندەرگە قاتىسۋشى قول قويعان, ءتىزىلىمنىڭ ارنايى بولىنگەن ۆەب-پاراقشاسىندا ەلەكتروندىق كونۆەرتكە جۇكتەلەتىن باعا ۇسىنىسىنىڭ; 2) ساۋدا-ساتتىقتى وتكىزۋ تۋرالى حابارلامادا كورسەتىلگەن قاتىسۋشىلارعا (ساتىپ الۋشىعا) قويىلاتىن قوسىمشا تالاپتارعا سايكەستىگىن راستايتىن قۇجاتتاردىڭ ەلەكتروندىق (سكانەرلەنگەن) كوشىرمەلەرىن قوسا بەرە وتىرىپ, ساۋدا-ساتتىق شارتىمەن كەلىسۋدى قامتيتىن ءوتىنىمدى تىركەيدى. 30. اۋكتسيوننىڭ, تەندەردىڭ جانە جابىق تەندەردىڭ جەڭىمپازى ساتىپ الۋ-ساتۋ شارتىنا قول قويعان كەزدە ساتۋشىعا سالىستىرىپ تەكسەرۋ ءۇشىن مىناداي قۇجاتتاردىڭ: 1) جەكە تۇلعالار ءۇشىن: پاسپورتتىڭ نەمەسە جەكە تۇلعانىڭ جەكە باسىن كۋالاندىراتىن قۇجاتتىڭ; 2) زاڭدى تۇلعالار ءۇشىن: زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ نە انىقتامانىڭ; زاڭدى تۇلعا وكىلىنىڭ وكىلەتتىكتەرىن كۋالاندىراتىن قۇجاتتىڭ, سونداي-اق زاڭدى تۇلعانىڭ وكىلى پاسپورتىنىڭ نەمەسە ونىڭ جەكە باسىن كۋالاندىراتىن قۇجاتتىڭ; مەملەكەتكە تيەسىلى اكتسيالاردى ساتۋ كەزىندە – قاتىسۋشىنىڭ اكتسيالارىنا يەلىك ەتەتىن اكتسيونەرلىك قوعامدار تۋرالى اقپاراتتى قامتيتىن اكتسيونەرلەر تىزىلىمىنەن (حابارلامانىڭ جاريالانۋ ساتىندە) ءۇزىندى-كوشىرمەنىڭ تۇپنۇسقالارىن مىندەتتى تۇردە كورسەتە وتىرىپ, ولاردىڭ كوشىرمەلەرىن نە نوتاريات كۋالاندىرعان كوشىرمەلەرىن ۇسىنادى. شەتەلدىك زاڭدى تۇلعالار قازاق جانە/نەمەسە ورىس تىلدەرىندە نوتاريات كۋالاندىرعان اۋدارماسى بار قۇرىلتاي قۇجاتتارىنىڭ نوتاريات راستاعان كوشىرمەلەرىن ۇسىنادى. تەندەردىڭ جانە جابىق تەندەردىڭ جەڭىمپازى دا ساتۋشىعا ساتىپ الۋ-ساتۋ شارتىنا قول قويعان كەزدە وتىنىمگە قوسا بەرىلگەن قۇجاتتاردىڭ تۇپنۇسقالارىن نە نوتاريات كۋالاندىرعان كوشiرمەلەرىن ۇسىنادى. قۇجاتتاردىڭ تۇپنۇسقالارى سالىستىرىلىپ تەكسەرىلگەننەن كەيىن ءبىر جۇمىس ساعاتى ىشىندە قايتارىلادى. 31. ساتۋشى مەن ۇيىمداستىرۋشىعا مىنالارعا: 1) قازاقستان رەسپۋبليكاسىنىڭ زاڭنامالىق اكتىلەرىندە كوزدەلگەن جاعدايلاردى قوسپاعاندا, ساۋدا-ساتتىقتى دايىنداۋ جانە ولاردى وتكىزۋدىڭ بۇكىل كەزەڭىنىڭ ىشىندە ساۋدا-ساتتىققا قاتىسۋشىلارعا قاتىسى بار اقپاراتتى جاريالاۋعا; 2) وسى قاعيدانىڭ 29-تارماعىندا كورسەتىلگەندەردەن باسقا, قوسىمشا قۇجاتتار ۇسىنۋدى تالاپ ەتۋگە جول بەرىلمەيدى. 32. تەندەرگە جانە جابىق تەندەرگە قاتىسۋشىلاردىڭ وتىنىمدەرى جانە ولارعا قوسا بەرىلەتىن ەلەكتروندىق (سكانەرلەنگەن) قۇجاتتاردىڭ كوشىرمەلەرى ءتىزىلىمنىڭ دەرەكقورىندا ساقتالادى جانە ساۋدا-ساتتىقتى وتكىزۋ تۋرالى حابارلامادا كورسەتىلگەن كۇن مەن ۋاقىتقا دەيىن جۇكتەۋ جانە قاراۋ ءۇشىن قولجەتىمسىز بولادى. 33. اۋكتسيونعا, تەندەرگە جانە جابىق تەندەرگە قاتىسۋعا ءوتىنىم تىركەلگەننەن كەيىن ءتىزىلىمنىڭ ۆەب-پورتالى ءۇش مينۋت ىشىندە ءوتىنىم بەرىلگەن ساتۋ وبەكتىسى بويىنشا كەپىلدى جارنانىڭ ءتۇسۋى تۋرالى مالىمەتتەردىڭ ءتىزىلىمنىڭ دەرەكقورىندا بولۋى تۇرعىسىنان اۆتوماتتى تۇردە تەكسەرۋ جۇرگىزەدى. قاتىسۋشىنىڭ وسى قاعيدانىڭ 28 جانە 29-تارماقتارىندا كورسەتىلگەن تالاپتاردى ساقتاماۋى, سونداي-اق بىرىڭعاي وپەراتوردىڭ ارنايى ترانزيتتىك شوتىنا ساۋدا-ساتتىقتى وتكىزۋ تۋرالى حابارلامادا كورسەتىلگەن كەپىلدى جارنانىڭ ساۋدا-ساتتىق باستالعانعا دەيىن ەكى ساعات بۇرىن تۇسپەۋى ءتىزىلىم ۆەب-پورتالىنىڭ ءوتىنىمدى قابىلداۋدان باس تارتۋى ءۇشىن نەگىز بولىپ تابىلادى. ءتىزىلىمنىڭ دەرەكقورىندا بىرىڭعاي وپەراتوردىڭ ارنايى ترانزيتتىك شوتىنا كەپىلدى جارنانىڭ تۇسكەنى تۋرالى مالىمەتتەر بولعان جاعدايدا, ءتىزىلىمنىڭ ۆەب-پورتالى ءوتىنىمدى قابىلداۋ جانە قاتىسۋشىنى اۋكتسيونعا, تەندەرگە جانە جابىق تەندەرگە جىبەرۋدى جۇزەگە اسىرادى. ءتىزىلىمنىڭ دەرەكقورىندا بىرىڭعاي وپەراتوردىڭ ارنايى ترانزيتتىك شوتىنا كەپىلدى جارنانىڭ تۇسكەنى تۋرالى مالىمەت بولماعان جاعدايدا, ءتىزىلىم ۆەب-پورتالى قاتىسۋشىنىڭ ءوتىنىمىن كەرى قايتارادى. ءتىزىلىمنىڭ ۆەب-پورتالى اۆتوماتتى تەكسەرۋ ناتيجەلەرى بويىنشا ءتىزىلىمنىڭ ۆەب-پورتالىندا كورسەتىلگەن قاتىسۋشىنىڭ ەلەكتروندىق مەكەنجايىنا ءوتىنىمدى قابىلداۋ نە ءوتىنىمدى قابىلداۋدان باس تارتۋ سەبەپتەرى تۋرالى ەلەكتروندىق حابارلاما جىبەرەدى. 34. ءتىزىلىمنىڭ ۆەب-پورتالى اۋكتسيونعا قاتىسۋ ءۇشىن ەلەكتروندىق ءوتىنىمدى كەرى قايتارعان قاتىسۋشىنىڭ اۋكتسيون ءنومىرىن ساۋدا-ساتتىقتى وتكىزۋ باستالعانعا دەيىن كەمىندە ەكى ساعات بۇرىن جويادى. 35. ەكى كەزەڭدى راسىمدەر ارقىلى كونكۋرسقا قاتىسۋشى رەتىندە تىركەلۋ ءۇشىن مىنالاردى ۇسىنۋ قاجەت: 1) وسى قاعيداعا قوسىمشاعا سايكەس نىسان بويىنشا ساۋدا-ساتتىققا قاتىسۋعا ءوتىنىم; 2) جەكە تۇلعالار ءۇشiن: سالىستىرۋ ءۇشiن تۇپنۇسقاسىن مiندەتتi تۇردە كورسەتە وتىرىپ, پاسپورتتىڭ نەمەسە جەكە تۇلعانىڭ جەكە باسىن كۋالاندىراتىن قۇجاتتىڭ كوشiرمەسi نە كورسەتىلگەن قۇجاتتىڭ نوتاريات كۋالاندىرعان كوشiرمەسi; بانكتەن اعىمداعى شوتتىڭ بار-جوعىن راستايتىن انىقتامانىڭ تۇپنۇسقاسى; زاڭدى تۇلعالار ءۇشiن: سالىستىرۋ ءۇشiن تۇپنۇسقاسىن مiندەتتi تۇردە كورسەتە وتىرىپ, جارعىنىڭ كوشiرمەسi نەمەسە كورسەتىلگەن قۇجاتتىڭ نوتاريات كۋالاندىرعان كوشiرمەسi; سالىستىرۋ ءۇشiن تۇپنۇسقاسىن مiندەتتi تۇردە كورسەتە وتىرىپ, زاڭدى تۇلعانى مەملەكەتتiك تiركەۋ (قايتا تىركەۋ) تۋرالى كۋالىكتىڭ كوشىرمەسى نەمەسە كورسەتىلگەن قۇجاتتىڭ نوتاريات كۋالاندىرعان كوشiرمەسi نە زاڭدى تۇلعانى مەملەكەتتىك تىركەۋ (قايتا تىركەۋ) تۋرالى انىقتاما; بانكتەن بانكتىك شوتتىڭ بار-جوعىن راستايتىن انىقتامانىڭ تۇپنۇسقاسى. قۇجاتتاردىڭ تۇپنۇسقالارى سالىستىرعاننان كەيىن ءبىر جۇمىس ساعاتى ىشىندە قايتارىپ بەرىلەدى. اكتسيونەرلىك قوعامدار مەملەكەتكە تيەسىلى اكتسيالاردى ساتۋ بويىنشا ەكى كەزەڭدى راسىمدەر ارقىلى كونكۋرسقا قاتىسۋ كەزىندە وزدەرىنىڭ اكتسيالارىنا يەلىك ەتەتىن اكتسيونەرلىك قوعامدار تۋرالى اقپاراتتى قامتيتىن اكتسيونەرلەر تىزىلىمىنەن (اقپاراتتىق حابارلاما جاريالاۋ ساتىندەگى) ءۇزىندى-كوشىرمەنىڭ تۇپنۇسقاسىن ۇسىنادى; 3) كەپىلدىك جارنانىڭ ەنگىزىلگەنىن راستايتىن تولەم قۇجاتىنىڭ تۇپنۇسقاسى مەن كوشىرمەسى. قاتىسۋشى ساۋدا-ساتتىق وتكىزىلگەننەن كەيىن جۇگىنگەن كەزدە تولەم قۇجاتىنىڭ تۇپنۇسقاسى قايتارىلادى; 4) زاڭدى تۇلعا وكىلىنىڭ وكىلەتتىكتەرىن كۋالاندىراتىن قۇجاتتىڭ تۇپنۇسقاسى, سونداي-اق سالىستىرعاننان كەيىن قايتارىلىپ بەرىلەتىن تۇپنۇسقاسىن قوسا بەرە وتىرىپ, زاڭدى تۇلعانىڭ وكىلى پاسپورتىنىڭ نەمەسە ونىڭ جەكە باسىن كۋالاندىراتىن قۇجاتتىڭ كوشىرمەسى نە زاڭدى تۇلعانىڭ وكىلى پاسپورتىنىڭ نەمەسە ونىڭ جەكە باسىن كۋالاندىراتىن قۇجاتتىڭ نوتاريات كۋالاندىرعان كوشىرمەسى. ەكى كەزەڭدى راسىمدەر ارقىلى كونكۋرسقا قاتىسۋ ءۇشىن ۇسىنىستار جابىق كونۆەرتتە جازباشا ۇسىنىلادى. 36. شەتەلدىك زاڭدى تۇلعالار قازاق جانە/نەمەسە ورىس تىلدەرىندە نوتاريات كۋالاندىرعان اۋدارماسى بار قۇرىلتاي قۇجاتتارىنىڭ نوتاريات راستاعان كوشىرمەلەرىن ۇسىنادى. 37. ەكى كەزەڭدى راسىمدەر ارقىلى كونكۋرسقا قاتىسۋدى قالايتىن تۇلعالاردىڭ وتىنىمدەرىن قابىلداۋ جانە ولاردى تiركەۋ تالاپ ەتىلەتىن قۇجاتتاردىڭ تولىق جيىنتىعى بولعان كەزدە جۇرگىزىلەدى. ءوتىنىم قولما-قول تاسىلمەن بەرىلگەن كەزدە تالاپ ەتىلەتىن قۇجاتتاردىڭ بار-جوعىن تەكسەرۋدى ساتۋشى سول جەردە, ءبىر جۇمىس ساعاتى ىشىندە جۇزەگە اسىرادى جانە وسى قاعيدانىڭ 35-تارماعىندا كورسەتىلگەن قۇجاتتاردىڭ بىرەۋى بولماعان جاعدايدا ۇسىنىلعان ءوتىنىم تىركەلمەيدى. ءوتىنىم پوشتامەن كەلىپ تۇسكەن كەزدە وسى قاعيدانىڭ 35-تارماعىندا كورسەتىلگەن قۇجاتتاردىڭ بىرەۋى بولماعان جاعدايدا, ۇسىنىلعان ءوتىنىم تىركەلمەيدى, بۇل تۋرالى ساتۋشى ءوتىنىم بەرگەن تۇلعاعا ءبىر جۇمىس كۇنى ىشىندە جازباشا نىساندا حابارلايدى. 38. ەكى كەزەڭدى راسىمدەر ارقىلى كونكۋرسقا قاتىسۋشىلاردىڭ قۇجاتتارى جۋرنالدا تىركەلگەننەن كەيىن سەيفتە ساقتالادى جانە ونى وتكiزەتiن كۇنى كوميسسياعا قاراۋ جانە ەكى كەزەڭدى راسىمدەر ارقىلى كونكۋرسقا جىبەرۋ ءۇشىن بەرiلەدi. 39. ەگەر م ۇلىكتىك كەشەن رەتىندەگى مەملەكەتتىك كاسىپورىن جانە مەملەكەتتىڭ قاتىسۋى ءجۇز پايىزدى قۇرايتىن اكتسيونەرلىك قوعامداردىڭ اكتسيالارى جانە جاۋاپكەرشىلىگى شەكتەۋلى سەرىكتەستىكتەردىڭ جارعىلىق كاپيتالدارىنداعى قاتىسۋ ۇلەستەرى وتكىزىلگەن ءۇش ساۋدا-ساتتىق ناتيجەلەرى بويىنشا ساتىلماعان بولسا, وسى زاڭدى تۇلعالار تاراتىلۋعا جاتادى. 4. اۋكتسيون وتكiزۋ 40. اۋكتسيون ساۋدا-ساتتىقتىڭ ەكى ادىسىمەن وتكىزىلەدى: باعانى كوتەرۋ جانە باعانى تومەندەتۋ ارقىلى. اۋكتسيوندى وتكiزۋ كەزiندە جەكەشەلەندiرۋ وبەكتiسiنiڭ باستاپقى باعاسى جەكەشەلەندىرۋ وبەكتىسىنىڭ العاشقى باعاسىنا تەڭ بولادى. جەكەشەلەندىرۋ وبەكتىسىنىڭ العاشقى باعاسى جەكەشەلەندىرۋ وبەكتىسىنىڭ نارىقتىق قۇنىنىڭ نەگىزىندە ايقىندالادى جانە ونى كوميسسيا بەلگىلەيدى. 41. جەكەشەلەندiرۋ وبەكتiسi ءبىرىنشى ساۋدا-ساتتىققا اۋكتسيونعا باعانى كوتەرۋ ءادىسى قولدانىلا وتىرىپ شىعارىلادى. جەكەشەلەندiرۋ وبەكتiسi ەكىنشى ساۋدا-ساتتىققا اۋكتسيونعا باعانى تومەندەتۋ ءادiسi قولدانىلا وتىرىپ, العاشقى باعانىڭ ەلۋ پايىزى مولشەرىندەگى ەڭ تومەن باعا بەلگىلەنىپ شىعارىلادى. جەكەشەلەندiرۋ وبەكتiسi ءۇشىنشى ساۋدا-ساتتىققا اۋكتسيونعا باعانى تومەندەتۋ ءادiسi قولدانىلا وتىرىپ, ەڭ تومەن باعا بەلگىلەنبەي شىعارىلادى. كەيىنگى ءاربىر ساۋدا-ساتتىق ءاربiر جيىرما جۇمىس كۇنى سايىن جۇزەگە اسىرىلادى. 42. اۋكتسيونعا جىبەرىلگەن قاتىسۋشىعا ءتىزىلىمنىڭ ۆەب-پورتالى بەرەتىن اۋكتسيون ءنومىرى بويىنشا اۋكتسيون زالىنا كىرۋگە رۇقسات بەرىلەدى. اۋكتسيونعا قاتىسۋشىلار اۋكتسيون باستالعانعا دەيىن ءبىر ساعات ىشىندە ەتسق مەن اۋكتسيون ءنومىرىن پايدالانا وتىرىپ, اۋكتسيون زالىنا كىرەدى. اۋكتسيون جەكەشەلەندىرۋ وبەكتىسىنىڭ باستاپقى قۇنىن اۋكتسيون زالىندا اۆتوماتتى تۇردە ورنالاستىرۋ جولىمەن ساۋدا-ساتتىقتى وتكىزۋ تۋرالى حابارلامادا كورسەتىلگەن استانا قالاسىنىڭ ۋاقىتى بويىنشا باستالادى. 43. اۋكتسيون زالىندا اۋكتسيون قازاقستان رەسپۋبليكاسىنىڭ زاڭناماسىندا كوزدەلگەن مەرەكە جانە دەمالىس كۇندەرىن قوسپاعاندا, سەيسەنبى – جۇما ارالىعىندا وتەدى. اۋكتسيون استانا قالاسىنىڭ ۋاقىتى بويىنشا ساعات 10:00-دەن باستاپ ساعات 17:00-گە دەيىنگى كەزەڭدە وتكىزىلەدى, بۇل رەتتە اۋكتسيون استانا قالاسىنىڭ ۋاقىتى بويىنشا ساعات 15:00-دەن كەشىكتىرىلمەي باستالادى. 44. ەگەر باعانى كوتەرۋ اۋكتسيونى اياقتالاتىن ساتتە ساعات 17:00-دە اۋكتسيون جەڭىمپازى ايقىندالماسا, وندا جەكەشەلەندىرۋ وبەكتىسىن ساتىپ الۋعا ءوزىنىڭ نيەتىن راستاعان سوڭعى قاتىسۋشى جەڭىمپاز دەپ تانىلادى جانە وسى جەكەشەلەندىرۋ وبەكتىسى بويىنشا اۋكتسيون وتكىزىلگەن بولىپ تانىلادى. ەگەر باعانى تومەندەتۋ اۋكتسيونى اياقتالاتىن ساتتە ساعات 17:00-دە اۋكتسيون جەڭىمپازى ايقىندالماسا, وندا وسى جەكەشەلەندىرۋ وبەكتىسى بويىنشا اۋكتسيون وتپەدى دەپ تانىلادى. 45. ەگەر اۋكتسيون باستالعان ساتتە جەكەشەلەندىرۋ وبەكتىسى بويىنشا اۋكتسيون زالىندا ەكى قاتىسۋشىدان از تىركەلسە جانە بولسا (جەكەشەلەندىرۋ وبەكتىسىن جالعىز قاتىسۋشىعا ساتۋعا جول بەرىلەتىن اۋكتسيون بويىنشا ءۇشىنشى جانە كەلەسى ساۋدا-ساتتىقتاردى قوسپاعاندا), وسى جەكەشەلەندىرۋ وبەكتىسى بويىنشا اۋكتسيون وتكىزىلمەگەن بولىپ تانىلادى. 46. باعانى وزگەرتۋ قادامى بىلايشا بەلگىلەنەدى: 1) جەكەشەلەندiرۋ وبەكتiسiنiڭ باستاپقى نەمەسە اعىمداعى باعاسى ايلىق ەسەپتىك كورسەتكىش مولشەرىنىڭ 20 000 ەسەلەنگەنگە دەيىنگى مولشەرىندە بولعان كەزىندە وزگەرتۋ قادامى باعانى كوتەرۋ اۋكتسيونىندا – 10 پايىز مولشەرىندە جانە باعانى تومەندەتۋ اۋكتسيونىندا 5 پايىز مولشەرىندە بەلگiلەنەدi; 2) جەكەشەلەندiرۋ وبەكتiسiنiڭ باستاپقى نەمەسە اعىمداعى باعاسى ايلىق ەسەپتىك كورسەتكىش مولشەرىنىڭ 20 000 ەسەلەنگەننەن باستاپ 50 000 ەسەلەنگەنگە دەيىنگى مولشەرىندە بولعان كەزىندە وزگەرتۋ قادامى باعانى كوتەرۋ اۋكتسيونىندا – 7 پايىز مولشەرىندە جانە باعانى تومەندەتۋ اۋكتسيونىندا 5 پايىز مولشەرىندە; 3) جەكەشەلەندiرۋ وبەكتiسiنiڭ باستاپقى نەمەسە اعىمداعى باعاسى ايلىق ەسەپتىك كورسەتكىش مولشەرىنىڭ 50 000 ەسەلەنگەننەن باستاپ 100 000 ەسەلەنگەنگە دەيىنگى مولشەرىندە بولعان كەزدە وزگەرتۋ قادامى 5 پايىز مولشەرىندە بەلگiلەنەدi; 4) جەكەشەلەندىرۋ وبەكتىسىنىڭ باستاپقى نەمەسە اعىمداعى باعاسى ايلىق ەسەپتىك كورسەتكىش مولشەرىنىڭ 100 000 ەسەلەنگەننەن باستاپ 250 000 ەسەلەنگەنگە دەيىنگى مولشەرىندە بولعان كەزدە وزگەرتۋ قادامى باعانى كوتەرۋ اۋكتسيونىندا – 2,5 پايىز مولشەرىندە جانە باعانى تومەندەتۋ اۋكتسيونىندا 5 پايىز مولشەرىندە بەلگىلەنەدى; 5) جەكەشەلەندىرۋ وبەكتىسىنىڭ باستاپقى نەمەسە اعىمداعى باعاسى ايلىق ەسەپتىك كورسەتكىش مولشەرىنىڭ 250 000 ەسەلەنگەننەن باستاپ 500 000 ەسەلەنگەنگە دەيىنگى مولشەرىندە بولعان كەزدە وزگەرتۋ قادامى باعانى كوتەرۋ اۋكتسيونىندا 1 پايىز مولشەرىندە جانە باعانى تومەندەتۋ اۋكتسيونىندا 5 پايىز مولشەرىندە بەلگىلەنەدى; 6) جەكەشەلەندىرۋ وبەكتىسىنىڭ باستاپقى نەمەسە اعىمداعى باعاسى ايلىق ەسەپتىك كورسەتكىش مولشەرىنىڭ 500 000 ەسەلەنگەن مولشەرىندە جانە ودان جوعارى بولعان كەزدە وزگەرتۋ قادامى باعانى كوتەرۋ اۋكتسيونىندا 0,5 پايىز مولشەرىندە جانە باعانى تومەندەتۋ اۋكتسيونىندا 5 پايىز مولشەرىندە بەلگىلەنەدى. اۋكتسيون تومەندە كورسەتىلگەن ەكى ءادىستىڭ بىرەۋى بويىنشا جۇرگىزىلەدى. 47. باعانى كوتەرۋ اۋكتسيونى: 1) ەگەر اۋكتسيون زالىندا اۋكتسيون باستالعان ساتتەن باستاپ جيىرما مينۋت ىشىندە قاتىسۋشىلاردىڭ بىردە-ءبىرى و