«اتامەكەن» ۇكپ-نىڭ مەملەكەت باسشىسىنىڭ جارلىعىن قولداۋ تۋرالى مالىمدەمەسى

قازاقستان رەسپۋبليكاسى پارلامەنتى ءماجىلىسىنىڭ كەزەكتەن تىس سايلاۋىن وتكىزۋ تۋرالى جارلىقتى قولداي وتىرىپ, ءبىز ەلباسىنا ەلىمىزگە بۇگىنگىدەي قۇبىلمالى زاماندا الدىن الا ءىس-قيمىل تانىتۋعا مۇمكىندىك بەرەتىن ۋاقتىلى جانە قاجەتتى قادامعا بارعانى ءۇشىن ءوزىمىزدىڭ ريزاشىلىعىمىزدى بىلدىرەمىز. سوزىلا ءتۇسىپ وتىرعان جاھاندىق ەكونوميكالىق داعدارىس مەملەكەتتەن جاڭا سىن-قاتەرلەرگە, سونداي-اق جۇرگىزىلىپ جاتقان رەفورمالار باعىتىن تەرەڭدەتۋگە قاتىستى جەدەل شارالاردى تالاپ ەتەدى. بيزنەس وكىلدەرى V شاقىرىلىمداعى دەپۋتاتتاردىڭ ۇيلەسىمدى جۇمىسىن جوعارى باعالاسا, سونىڭ ارقاسىندا «100 ناقتى قادام» ۇلت جوسپارى شەڭبەرىندە ەلىمىزدى جەدەل جاڭعىرتۋدىڭ زاماناۋي زاڭنامالىق ارقاۋى قابىلداندى. ءبىز كەزەكتەن تىس سايلاۋ كەڭ كولەمدى قوعامدىق پىكىرتالاس وتكىزىپ, كاسىپكەرلەردى قوسا العاندا, بارلىق مۇددەلى قوعامدىق توپتاردىڭ تالابىن ەسكەرە وتىرىپ, رەفورمالاردى ءارى قاراي ىلگەرىلەتۋدە اسا وڭتايلى ستراتەگيا تاڭداۋعا مۇمكىندىك بەرەتىنىنە سەنىمدىمىز. جاڭارعان پارلامەنت قوعامدى توپتاستىرىپ, داعدارىسقا قارسى شەشىمدى ءىس-قيمىل ءۇشىن ءتيىمدى جالپىۇلتتىق تۇعىرناما قالىپتاستىرۋعا مۇمكىندىك بەرەتىنىنە سەنىمىمىز كامىل.