ورايى كەلگەن وڭدى ءىس

كەشە قازاقستان رەسپۋبليكاسى ورتالىق سايلاۋ كوميسسياسىنىڭ (وسك) وتىرىسى ءوتتى. وسك توراعاسى قۋاندىق تۇرعانقۇلوۆتىڭ باسقارۋىمەن وتكەن جيىندا 2016 جىلعى 20 ناۋرىزعا قازاقستان رەسپۋبليكاسى ءماسليxاتتارى دەپۋتاتتارىنىڭ كەزەكتەن تىس سايلاۋىن تاعايىنداۋ جانە پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ ءتيىستى كۇنتىزبەلىك جوسپارلارىن بەكىتۋ تۋرالى قاۋلى قابىلداندى. سونىمەن, ورتالىق سايلاۋ كوميسسياسى مۇشەلەرىنىڭ داۋىسقا سالۋىمەن مەملەكەت باسشىسىنىڭ جارلىعىمەن تاعايىندالعان پارتيالىق تىزىمدەر بويىنشا سايلاناتىن پارلامەنت ءماجىلىسى دەپۋتاتتارىن سايلاۋدىڭ جانە قازاقستان حالقى اسسامبلەياسى سايلايتىن پارلامەنت ءماجىلىسى دەپۋتاتتارىن سايلاۋدىڭ كۇنتىزبەلىك جوسپارلارى, سونداي-اق, اتالعان ناۋقاندى ۇيىمداستىرۋعا قاجەتتى سايلاۋ قۇجاتتارىنىڭ ۇلگىلەرى بەكىتىلدى. سونداي-اق, وتىرىستا پارلامەنت ءماجىلىسى وكىلەتتىلىگىنىڭ مەرزىمىنەن بۇرىن توقتاتىلۋىنا بايلانىستى مەملەكەت باسشىسى ءوزىنىڭ جارلىعىمەن پارتيالىق تىزىمدەر بويىنشا سايلاناتىن پارلامەنت ءماجىلىسى دەپۋتاتتارىنىڭ كەزەكتى سايلاۋىن 2016 جىلعى 20 ناۋرىزعا جانە قازاقستان xالقى اسسامبلەياسى سايلايتىن پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن 2016 جىلعى 21 ناۋرىزعا تاعايىنداعانى اتاپ ءوتىلدى. ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ ءوز كەزەگىندە: «ءبىز بۇگىن ءماسليxاتتار دەپۋتاتتارىنىڭ سايلاۋىن تاعايىنداۋ تۋرالى قاۋلى قابىلدادىق. بۇعان قوسا, ءبىز ءماجىلىس پەن ءماسليxاتتاردىڭ سايلاۋ­لارىنا قاتىستى قالىپتى قۇجاتتاردى بەكىتتىك. ولاردىڭ بارلىعى ستاندارتتى قۇجاتتار», – دەدى. جولدىباي بازار, «ەگەمەن قازاقستان».