74 جاستاعى سپورتشى ريو وليمپياداسىنا قاتىسۋعا نيەتتى

استانا. 15 قاڭتار. جەتپىس ءتورت جاستاعى جاپونيالىق شاباندوز 2016 جىلى برازيليانىڭ ريو-دە-جانەيرو قالاسىندا وتەتىن وليمپيادا ويىندارىنا قاتىسىپ, باعىن سىناۋعا نيەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. جاپونيانىڭ ات سپورتى فەدەراتسياسى ءباسپاسوز قىزمەتىنىڭ مالىمدەۋىنشە, جاسى 70-تەن اسقان سپورتشى حيروسي حوكەتسۋ ىرىكتەۋ كەزەڭىنە قاتىسۋ ءۇشىن ءوتىنىش تە جىبەرگەن. ەگەر شاباندوز قورىتىندى بويىنشا ريو-دە-جانەيرو وليمپياداسىنا جولداما جەڭىپ الاتىن بولسا, ويىندار تاريحىنداعى ەڭ جاسى ۇلكەن سپورتشى اتانباق. قازىرگى تاڭدا بۇل اتاق شۆەتسيالىق مەرگەن وسكار سۆانعا تيەسىلى. ول 1920 جىلى بەلگيانىڭ انتۆەرپەن قالاسىندا وتكەن وليمپياداعا 72 جاسىندا قاتىسىپ, كۇمىس مەدالعا قول جەتكىزگەن ەدى. جاپون شاباندوزى حيروسي حوكەتسۋ وليمپيادا ويىندارىنا العاش رەت 1964 جىلى تۋعان ەلى – جاپونيادا قاتىسقان. سپورتتى جانىنا سەرىك ەتكەن شاباندوز وسى ۋاقىتقا دەيىن ءۇش رەت اتالعان دوداعا قاتىسقان ەكەن. سوڭعى رەت 2012 جىلى لوندوندا وتكەن الاماندا باق سىناعان ول سايىس كەزىندە 71 جاستا بولعان. ەلامان قوڭىر. دەرەك: تاسس. سۋرەت: AP Photo.