ازامات قۇقىقتارىن قورعاۋ جايىمەن تانىستى

كەشە استانا قالاسىندا قر-داعى ادام قۇقىقتارى جونىندەگى ۋاكىل اسقار شاكىروۆ كëربەر اتىنداعى گەرماندىق قوردىڭ وكىلدەرىمەن كەزدەستى. بۇل قور بۋندەستاگ اپپاراتى مەن ونىڭ فراكتسيا­لارىندا, فە­دەرالدى كانتسلەردىڭ ۆەدومستۆوسىندا, فەدەرالدى سىرتقى ءىس­تەر مەن قورعانىس مينيسترلىكتەرىندە, بىرقاتار ەلشىلىكتەردە جۇ­مىس ىستەيتىن جانە گەرمانيا مەن ەۋروپانىڭ سىرتقى سايا­سا­تى ماسەلەلەرىندە مامانداندىرىلعان جاس ساياساتكەرلەردى بىرىكتىردى. قازاقستاندىق ومبۋدسمەن قوناقتاردى ادام قۇقىقتارى جونىندەگى ۋاكىل مەكەمەسى جۇمىسىنىڭ ەرەكشەلىكتەرىمەن, شا­عىمداردىڭ قارالۋ تارتىبىمەن, حالىقارالىق قۇقىق قورعاۋشى كونۆەنتسيالار مەن كەلىسىم-شارتتار ىسكە اسىرىلعاندا  مەملەكەتتىك ورگاندار مەن ۇكىمەتتىك ەمەس ۇيىمدارمەن ءوزارا ارەكەتتەسۋدىڭ تاجىريبەسىمەن, سونداي-اق ازاماتتاردىڭ قۇقىقتارى مەن ەركىندىكتەرىن قامتاماسىز ەتۋ سالاسىندا مەملەكەت قىزمەتىنىڭ نەگىزگى باعىتتارىمەن تانىستىرىپ ءوتتى. رەسپۋبليكانىڭ دەموكراتيا باعىتىن ۇستانۋى جانە ەقىۇ-دا قازىرگى توراعالىق ەتۋ ماتىنىندە ادام قۇقىقتارىن قورعاۋ سالاسىندا وتكىزىلىپ جاتقان ءىس-شارالاردىڭ ماڭىزدىلىعى جونىندە ورتاق پىكىر ءبىلدىرىلدى. ادام قۇقىقتارى جونىندەگى ۋاكىل  اپپاراتىنىڭ ءباسپاسوز قىزمەتى.