ماجىلىسكە تەراپيالىق باعىتتاعى تاجىريبەلى ماماندارعا قوسا, جاس كادرلار دا قاتىستى.
ەلىمىزدىڭ جەتەكشى رەۆماتولوگ, تەراپەۆت, پۋلمونولوگ, نەفرولوگ, گاستروەنتەرولوگ, ەندوكرينولوگ سىندى ماماندارىنىڭ باسىن قوسقان جيىنعا كارديولوگيا جانە ىشكى اۋرۋلار عىلىمي-زەرتتەۋ ينستيتۋتى مەن قازاقستان رەۆماتولوگتار القاسى ۇيىتقى بولدى.
كىاعزي باسقارما توراعاسى رۇستەم تولەۋتاەۆ: ء«بىز وڭىرلىك مەديتسينالىق ۇيىمدارعا ۇيىمداستىرۋشىلىق-ادىستەمەلىك كومەك كورسەتىپ كەلەمىز. رەۆماتولوگيادا پانارالىق ءتاسىل اسا قاجەت, سەبەبى يممۋندىق-قابىنۋ اۋرۋلارى جۇيەلى سيپاتقا يە جانە ءجيى كوموربيدتى پاتولوگيالارمەن قاتار جۇرەدى. رەۆماتولوگتاردىڭ كارديولوگ, نەفرولوگ, پۋلمونولوگ سياقتى باسقا دا ماماندارمەن بىرىگە ارەكەت ەتۋى پاتسيەنتتەردى ساراپتامالىق دەڭگەيدە جۇرگىزۋگە, اۋرۋ بەلسەندىلىگىن باقىلاي وتىرىپ, قاۋىپ-قاتەرلەردى تومەندەتۋگە مۇمكىندىك بەرەدى. سونىمەن قاتار, ينستيتۋت ماماندارىنىڭ وڭىرلىك ارىپتەستەرمەن ءوزارا بايلانىسى ماڭىزدى ءرول اتقارادى», دەپ اتاپ ءوتتى.
ينستيتۋتتىڭ تەراپيالىق قىزمەت جونىندەگى باسقارما توراعاسىنىڭ ورىنباسارى عالىمجان توعىزباەۆ تا ءتۇرلى باعىتتاعى مامانداردىڭ كۇش-جىگەرىن بىرىكتىرۋ پانارالىق ءوزارا ءىس-قيمىلدى جەتىلدىرۋگە, رەۆماتولوگيالىق اۋرۋلارى بار پاتسيەنتتەردى دياگنوستيكالاۋ مەن ەمدەۋ ساپاسىن ارتتىرۋعا ىقپال ەتەتىنىن ناقتى مىسالدارمەن دايەكتەدى.
عىلىمي باعدارلامادا اۋتويممۋندىق رەۆماتولوگيالىق اۋرۋلار كەزىندەگى وكپەنىڭ ينتەرستيتسيالدى دەرتتەرى, سوزىلمالى بۇيرەك اۋرۋىن پانارالىق جۇرگىزۋ, رەۆماتيكالىق پاتولوگيالارداعى ەندوكريندىك بۇزىلىستار, گاستروەنتەرولوگيالىق اسقىنۋلاردىڭ كلينيكالىق اسپەكتىلەرى, سونداي-اق پسوريازدىق ءارتريتتى, انكيلوزدى سپونديلوارتريت پەن جۇيەلى قىزىل جەگىنى ەمدەۋدىڭ زاماناۋي ستراتەگيالارى ەرەكشە نازارعا الىندى.
كونفەرەنتسيا بارىسىندا وتاندىق ساراپشىلار جۇيەلى اۋتويممۋندىق اۋرۋلاردىڭ جىكتەلۋىن, دياگنوستيكاسى, ەمدەلۋى جونىندەگى سوڭعى دەرەكتەردى, كۇردەلى كوموربيدتى پاتسيەنتتەردى جۇرگىزۋدىڭ قازىرگى كلينيكالىق تاسىلدەرىن, ناقتى كلينيكالىق جاعدايلار مەن تاجىريبەلىك شەشىم قابىلداۋ الگوريتمدەرىن تالقىلاندى.
