حالىقارالىق Reuters اگەنتتىگى رەفەرەندۋمنىڭ 15 ناۋرىزدا وتەتىنىن حابارلاپ, ۇسىنىلىپ وتىرعان وزگەرىستەر ەلدەگى پارلامەنتتىك جۇيەنى وڭتايلاندىرۋعا باعىتتالعانىن اتاپ ءوتتى. اگەنتتىك ماتەريالىندا كونستيتۋتسيالىق تۇزەتۋلەر بيلىك ينستيتۋتتارىنىڭ قۇرىلىمىن قايتا قاراۋعا جانە ساياسي جۇيەنىڭ تيىمدىلىگىن ارتتىرۋعا نەگىز بولاتىنى كورسەتىلگەن.
ال Euronews ارناسى جاڭا كونستيتۋتسيا قابىلدانعان جاعدايدا ونىڭ 1 شىلدەدەن باستاپ كۇشىنە ەنەتىنىن جازدى. تەلەراديوارنا ءوز ماتەريالىندا رەفەرەندۋمدى قازاقستانداعى ساياسي جاڭعىرۋ ۇدەرىسىنىڭ ماڭىزدى كەزەڭى رەتىندە سيپاتتاعان.
رەفەرەندۋم–2026. ونلاين-مارافون
وڭىرلىك ساراپشىلار دا بۇل باستاماعا نازار اۋدارىپ وتىر. قىرعىزستاندىق زاڭگەر تاتتۋ ەرگەشباەۆا كونستيتۋتسيالىق كوميسسيا جاڭا جوبانى ازىرلەۋ بارىسىندا قوعام تاراپىنان تۇسكەن ۇسىنىستاردى ەسكەرگەنىن اتاپ ءوتتى. ونىڭ ايتۋىنشا, قۇجاتتىڭ رەفەرەندۋمعا شىعارىلۋى ازاماتتاردىڭ پىكىرىن شەشىم قابىلداۋ ۇدەرىسىنە تىكەلەي تارتۋعا باعىتتالعان.
وسىلايشا, ەلىمىزدەگى كونستيتۋتسيالىق رەفورما تەك ىشكى ساياسي وقيعا عانا ەمەس, حالىقارالىق قاۋىمداستىق تاراپىنان دا نازار اۋدارىلعان ماڭىزدى ۇدەرىس رەتىندە باعالانىپ وتىر.
