ەرسىن بالتاعۇل – قازاقتان شىققان تۇڭعىش كاسىبي سۋموشى ءارى قازىرگى تاڭدا جاپونيادا جوعارى ناتيجەلەرگە قول جەتكىزگەن قازاقستاننىڭ جالعىز وكىلى. ول سپورتتىق جولىن قازاق كۇرەسى مەن دزيۋدودان باستاپ, ۇلتتىق مەكتەپتەن شىڭدالىپ, حالىقارالىق دەڭگەيدە تابىسقا جەتكەن.
الماتى قالاسىنىڭ تۋماسى جاپونياداعى نيحون ۋنيۆەرسيتەتىن تامامداعاننان كەيىن كاسىبي سۋمودا كينبوزان حارۋكي لاقاپ اتىمەن تانىمال بولعان. بويى 195 سانتيمەتر, سالماعى 178 كەلى بولاتىن سپورتشى بۇگىنگى تاڭدا سۋمو كۇرەسىنىڭ ەڭ جوعارعى ديۆيزيونى – ماكۋتيدە ونەر كورسەتەدى.
جەكپە جەك سارايىندا جوسپارلانعان كەزدەسۋگە قازاق كۇرەسىنىڭ ءابسوليۋتتى سالماق دارەجەسىندە سىنعا ءتۇسىپ جۇرگەن تۇيە بالۋاندار, سونداي-اق Qazaqstan Barysy رەسپۋبليكالىق ءتۋرنيرىنىڭ جەڭىمپاز-جۇلدەگەرلەرى – ۇلان رىسقۇل, رۋسلان ابدىرازاقوۆ, مۇحيت تۇرسىنوۆ, مارات بايقامۇروۆ, ەراسىل قاجىباەۆ, ماقسات يساعابىلوۆ جانە تاعى باسقالار قاتىسادى.
توكيودا پرەزيدەنت قاسىم-جومارت توقاەۆ كاسىپقوي سۋموشى ەرسىن بالتاعۇلمەن كەزدەستى
شارا بارىسىندا قاتىسۋشىلار سپورتشىنىڭ كاسىبي جولى, جاپونياداعى دايىندىق جۇيەسى, سۋمو مادەنيەتى, سونداي-اق ۇلتتىق سپورتتان حالىقارالىق ارەناعا شىعۋ تاجىريبەسى جونىندە تىڭ اقپارات الۋ مۇمكىندىگىنە يە بولادى.
ايتا كەتسەك, قازاقستاندىق كاسىبي سۋمو شەبەرى جاپونيادا وتكەن «حاتسۋ باسيو – 2025» كۋبوگىندە ءۇشىنشى ورىنعا يە بولىپ, ەل تاريحىنداعى ماڭىزدى جەتىستىككە قول جەتكىزگەن بولاتىن. 15 كۇنگە سوزىلعان تۋرنيردە كينبوزان حارۋكي قارسىلاستارىن 13 رەت جەڭىپ, 2 رەت جەڭىلگەن.
