28 تامىز، 2010

كاسىپكەرلىك كەدەرگىسىز دامۋى ءتيىس

383 رەت كورسەتىلدى
اقتوبەدە  ەكونوميكالىق دامۋ جانە ساۋدا مينيسترلىگى، اقتوبە وبلىسىنىڭ اكىمدىگى جانە “دامۋ” كا­سىپكەرلىكتى دامىتۋ قورىنىڭ ۇيىم­داستىرۋىمەن “بيزنەستىڭ جول كارتاسى-2020” باعدارلاماسىن جۇزەگە اسىرۋ بارىسى جانە اكىمشىلىك كەدەر­گىلەردى قىسقارتۋ” اتتى رەسپۋبلي­كا­لىق كوشپەلى كەڭەس ءوتتى. وعان  پرە­مەر-ءمينيستردىڭ ورىنباسارى ەر­بول ورىنباەۆ، وبلىستىق اكىمدىك­تەر­دىڭ وكىلدەرى، اۋدان اكىمدەرىنىڭ ورىن­باسارلارى، جەكە كاسىپكەرلەر، قارجى جانە بانك سالاسىنىڭ قىز­مەت­كەرلەرى قاتىستى. كەڭەستى وبلىس اكىمى ەلەۋسىن ساعىندىقوۆ كىرىسپە ءسوز سويلەپ اشتى. وبلىس باسشىسى­نىڭ ايتۋىنشا، ءوڭىردىڭ ەكونومي­كا­لىق دامۋ قارقىنى ءتاۋىر. ۇستىمىزدەگى جىلدىڭ جەتى ايىندا ءونىم ءوندىرۋ اناعۇرلىم ارتتى. سونداي-اق، سالىق جانە باسقا تولەمدەردىڭ ءتۇسىمى دە ارتا تۇسكەن. وبلىستا تۇرعىن ءۇيدى پايدالانۋعا بەرۋدە دە ىلگەرىلەۋشىلىك بار. تۇتىنۋ باعالارىنىڭ يندەكسى دە رەسپۋبليكالىق دەڭگەيدەن ءبىراز تومەن. بيىل وبلىس ىشكى جالپى ءونىم ءوندىرۋدى 6 ملرد. اقش دوللارىنا جەت­كىزۋگە باعىت ۇستاۋدا. وبلىستا “بيزنەستىڭ جول كارتاسى-2020” باع­دارلاماسىن جۇزەگە اسىرۋعا تىڭعى­لىقتى دايىندىقتار بار. بيىل 43 يندۋستريالىق-يننوۆاتسيالىق جوبا جۇزەگە اسىرىلادى دەپ كۇتىلۋدە. ورتا جانە شاعىن بيزنەستى دامىتۋ، ين­دۋس­تريالىق-يننوۆاتسيالىق جوبالاردى جۇزەگە اسىرۋ ارقىلى 25 مىڭ جاڭا جۇمىس ورىندارىن اشۋ كوزدەلۋدە. كەڭەستە ءسوز العان  پرەمەر-ءمينيستردىڭ ورىنباسارى ەربول ورىنباەۆ رەسپۋبليكالىق كەڭەستى  وتكىزۋگە اقتوبەنىڭ تاڭدالۋىنىڭ  وزىندىك ءمانى بار ەكەنىن اتاپ ءوتتى. وبلىس “بيزنەستىڭ جول كارتاسى-2020” باعدارلاماسىن جۇزەگە اسىرۋدا  ەلىمىزدەگى بىردەن-ءبىر كوشباسشى ءوڭىر، دەدى ول. بيىل وسى ماقساتقا بولىنگەن 629 ملن. تەڭگە قارجىنىڭ 405 ملن. تەڭگەسىن يگەرۋ كوزدەلۋدە. ەكونوميكالىق دامۋ جانە ساۋدا  ۆيتسە-ءمينيسترى مارات قۇسايىنوۆ­تىڭ ايتۋىنشا، “بيزنەستىڭ جول كارتاسى-2020”  باعدارلاماسىن ءجۇ­زەگە اسىرۋ جاڭا بيزنەس باستاما­لاردى قولداۋ، كاسىپكەرلىك سەكتوردى ساۋىقتىرۋ جانە ەكسپورتقا باعدار­لانعان ءوندىرىستى قولداۋ باعىتتارى بويىنشا  جۇرگىزىلمەك. باعدارلامانىڭ ءۇش باعىتى بوي­ىن­شا ەكىنشى دەڭگەيدەگى بانكتەردىڭ قا­راۋى­نا جالپى سوماسى 231،4 ملرد. تەڭگە قۇ­رايتىن 481 ءوتىنىم ءتۇسىپتى. بۇگىنگى كۇن­گە دەيىن بارلىق ءۇش باعىت بويىنشا جال­­پى قۇنى 41،14 ملرد. تەڭگە مولشە­رىن­دەگى 55 ءوتىنىم ومىرگە جولداما الىپتى. سودان كەيىن ءسوز العان “دامۋ” كاسىپكەرلىكتى دامىتۋ قورى” اق باسقارما توراعاسىنىڭ ورىنباسارى ءلاززات يبراگيموۆا قوردىڭ جۇمىسى جانە ونىڭ مۇمكىندىكتەرى تۋرالى ءاڭ­گىمە ءوربىتتى. باعدارلامانى جۇزەگە اس­ىرۋدىڭ كەيبىر ماسەلەلەرىن قوز­عا­عان قازاقستان قارجىگەرلەرى اسسو­تسيا­تسياسىنىڭ توراعاسى سەرىك احا­نوۆ شاعىن جانە ورتا بيزنەستى قار­جى­لاندىرۋعا توقتالدى. جيىندا ەكىن­شى دەڭگەيدەگى بانك وكىلدەرى جانە ماقۇلدانعان جوبالاردىڭ باسشى­لا­رى دا ءوز ويلارىمەن ءبولىستى. سودان كەي­ىن  استانا جانە الماتى قالالا­رى مەن وبلىستار اكىمدەرىنىڭ ورىن­با­سارلارى­نىڭ باعدارلامانى جۇزەگە اسىرۋ بارىسى تۋرالى ەسەپتەرى تىڭدالدى. كەڭەستە ۇكىمەتتىڭ اكىمشىلىك كەدەر­گىلەردى قىسقارتۋ جانە بيزنەس احۋالدى جاقسارتۋ باعىتىندا جۇرگىزىپ وتىرعان جۇمىستارى دا  جان-جاقتى اڭگىمە وزەگىنە اينالدى. ساتىبالدى ءساۋىرباي.
سوڭعى جاڭالىقتار

ءمانى ەرەكشە سەمينار

ساياسات • بۇگىن، 08:28

قاراۋسىز بالا قايدان شىعادى؟

ساياسات • بۇگىن، 08:26

قوعامدىق باقىلاۋ كۇشەيەدى

ساياسات • بۇگىن، 08:24

Fitch راستادى

ەكونوميكا • بۇگىن، 08:22

جەكە تۇلعا بانكروتتىعى

قوعام • بۇگىن، 08:14

بارلىق ۇيگە جىلۋ بەرىلدى

ايماقتار • بۇگىن، 08:12

جىلىتۋ قۇرالدارى جونەلتىلدى

ايماقتار • بۇگىن، 08:10

ەڭبەك پەن تاربيە – ەگىز ۇعىم

ايماقتار • بۇگىن، 08:06

قايتا كۇشەيگەن كوروناۆيرۋس

كوروناۆيرۋس • بۇگىن، 08:04

وقۋ ورداسىنىڭ بەلەسى

ايماقتار • بۇگىن، 08:02

تاريحى تەرەڭ، ءبىلىمى بەرەن

ءبىلىم • بۇگىن، 08:00

سىرباز سۋرەتكەر

ادەبيەت • بۇگىن، 07:59

قاجىمۇقان مەن كارل

ادەبيەت • بۇگىن، 07:56

اڭىزعا بەرگىسىز عۇمىر

قوعام • بۇگىن، 07:54

قۇندىزعا قۇرىلعان فوتوتۇزاق

ايماقتار • بۇگىن، 07:48

تاۋ-تاۋ قوقىس كادەگە جاراسا...

ەكولوگيا • بۇگىن، 07:46

مادەني دەمالىس

قوعام • بۇگىن، 07:44

سۋرەتتەگى وي ساۋلەسى

ونەر • بۇگىن، 07:40

جۇلدەگەر اتاندى

سپورت • بۇگىن، 07:38

كىشى «كۇمىسكە» يە بولدى

سپورت • بۇگىن، 07:36

جەڭىس جالعاسىن تاپتى

سپورت • بۇگىن، 07:34

تارتىسقا تولى تۋرنير

سپورت • بۇگىن، 07:30

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار