ورالماندار جايلى اڭگىمە

“نۇر وتان” حدپ پارلامەنتاريزم ينستيتۋتى “يدەيا پليۋس” قوعامدىق قورىمەن بىرلەسىپ “ورال­ماندار: قونىس اۋدارۋ جانە بەيىمدەلۋ پروبلە­مالارى” تاقىرىبىندا دوڭگەلەك ۇستەل وتكىزدى. ماقسات – قانداستارىمىزدىڭ اتاجۇرتىنا ورا­لۋى مەن ولاردىڭ تاريحي وتانىنا بەيىمدە­لۋ­ىن­دەگى ماسەلەلەردى تالقىلاۋ. وعان “نۇر وتان” حدپ باسشىلىعى, پارلامەنت دەپۋتاتتارى, قا­زاق­­ستان حالقى اسسامبلەياسىنىڭ وكىلدەرى, قر ادام قۇقىقتارى ءجو­نىندەگى ۇلتتىق ورتالىعىنىڭ توراعاسى, قر پرەزيدەنتى اكىمشىلىگىنىڭ وكىلدەرى, كوشى-قون جونىندەگى حالىقارالىق ۇيىمنىڭ, سونداي-اق, ۇكىمەتتىك ەمەس ۇيىمداردىڭ وكىلدەرى مەن عالىمدار قاتىستى. دوڭگەلەك ۇستەل وتىرىسىنا قا­تىسۋشىلار ورالماندارعا قولداۋ كورسەتۋ جانە ەتنوستىق كوشى-قوندى رەتتەۋ سالاسىنداعى مەملەكەتتىك ساياساتتى, وسى سالاداعى قۇقىقتىق بازانى جەتىلدىرۋ ماسەلەلەرىن قاراستىرۋدى باستى نازارعا الا وتىرىپ, ورالمانداردى كىرىكتىرۋ مەن ولاردى قولايلى بەيىمدەۋدىڭ ءتيىمدى جولدارىن قاراستىردى. “قازاقستان ورالماندار وداعى” رەس­پۋبليكالىق قوعامدىق بىرلەستىگىنىڭ توراعاسى ارتىقباي ۇكىباي ۇلى “كو­شى-قون ساياساتىن قالىپتاستىرۋداعى ازاماتتىق قوعامنىڭ ءرولى” اتتى با­يانداماسىندا ورالمانداردىڭ ءبۇ­گىنگى باستى ماسەلەلەرىنە جەكە توق­تالدى. “ورالمانداردىڭ جاعدايى جالپى جامان ەمەس. ورالماندار ماسەلەلەرىن شەشۋ ءۇشىن ەلىمىزدە ولاردى ۋاقىتشا ورنالاستىراتىن 14 ورتالىق جۇمىس ىستەيدى. ولار قۇ­قىق­تىق ماسەلەلەر بويىنشا كون­سۋل­تاتسيا بەرۋ, قازاق جانە ورىس ءتىل­دەرىن ۇيرەتۋ, كاسىبي دايىندىق, قاي­تا دايارلاۋ جانە بىلىكتىلىكتى ارت­تىرۋ جۇمىستارىمەن اينالىسادى. سونىمەن قاتار, ورالماندارعا قازاقستاندىق ازاماتتىقتى بەرۋ راسىمدەرى جەڭىلدەتىلدى, ولارعا وزدەرى كەلگەن ەلىنىڭ ازاماتتىعىنان شىعۋ تالاپ ەتىلمەيدى”, – دەپ ءوز ويىن قورىتىندىلادى. ەستەرىڭىزگە سالا كەتەيىك, 2009-2011 جىلدارعا ارنالعان “نۇرلى كوش” مەملەكەتتىك باعدارلاماسىنا سايكەس, ورالمانداردىڭ تۇرعىن ءۇي ماسەلەسىن شەشۋ ءۇشىن بيۋدجەت ەسە­بىنەن 7,2 ملرد. تەڭگە قاراجات ءبو­لىن­سە, 9,164 ملرد. تەڭگەمەن نەسيە­لەن­دىرۋ قاراستىرىلعان بولاتىن. سو­نىمەن قاتار, ءاربىر وتباسىنىڭ كو­شۋى مەن جۇكتەرىن تاسىمالداۋىنا كە­تەتىن شىعىنداردى وتەۋ ءۇشىن ءبىر­جولعى جاردەماقى بولىنەدى. مە­دي­تسينالىق قىزمەت, ءبىلىم الۋ, جۇ­مىسقا ورنالاسۋ جايى دا كوزدەلگەن. دوڭگەلەك ۇستەل ەتنوستىق كوشى-قون جانە ورالمانداردىڭ تاريحي وتانىنا بەيىمدەلۋ ماسەلەلەرىن شە­شۋدىڭ ىقتيمال جولدارىن تال­قىلاۋعا مۇمكىندىك بەردى. وتىرىس قورىتىندىسى بويىنشا, قازاقتار­دى اتاجۇرتقا كوشىرۋ جانە ولاردىڭ قازاقستاندىق قوعامعا كىرىگۋى سالاسىنداعى احۋالدى جاقسارتۋ جونىندە مەملەكەتتىك ورگاندار مەن ازاماتتىق قوعام ينستيتۋتتارىنا ارنالعان ۇسىنىستار تالداندى. جۇلدىز ءبايدىلدا, ەۇۋ ستۋدەنتى.