ارالاستىق ارتا بەرمەك

سارسەنبى كۇنى ۇكىمەت ۇيىندە پرەمەر-مينيستر كارىم ءماسىموۆ تاتارستان پرەزيدەنتى رۋستام ميننيحانوۆپەن كەزدەستى. كەزدەسۋ بارىسىندا ەكى ەل اراسىنداعى ەكىجاقتى قارىم-قاتىناستى ودان ءارى جەتىلدىرە ءتۇسۋ جايى ايتىلدى. ءوز كەزەگىندە قازاقستان ۇكى­مەتىنىڭ باسشىسى كارىم ءماسىموۆ تاتارستانعا مال ازىعىندىق استىق جەتكىزۋ ماسە­لەسىنە قاتىستى ەكى­جاق­تى كەلىسىمنىڭ ورىندا­لا­تىنىن ايتا كەلە, بۇل رەتتە اتال­عان كەلىسىم بويىنشا قولعا الىن­عان شارالار­دى جۇزەگە اسىراتىن بىرىڭعاي وپە­راتور بەلگىلەنەتىنىن اتاپ كور­سەت­تى. ول “قازاگرو” كومپانياسى بول­ماق. “وسى اپتادا مەملەكەتتىك كوميس­سيانىڭ وتى­رى­سى وتەدى. وندا استىق­تى ساتىپ الۋ مەن ەكسپورتتاۋ ماسە­لەلەرى تولىق ناقتىلانباق. سوندىق­تان دا ءبىز كەلىسكەن ماسەلە­لەردىڭ بار­لىعى جۇزەگە اسادى دەگەن ويدا­مىن”, – دەدى پرەمەر-مينيستر. – كەدەن وداعى اياسىنداعى قازىرگى مۇمكىندىكتەر ەكى ەل اراسىن­داعى ساۋدا-ەكونوميكالىق بايلا­نىس­تاردى دامىتۋعا وڭ ىقپال ەتەدى. ويتكەنى بىزدە كەدەن­دىك نەمەسە وزگە دە كەدەرگىلەر جوق, – دەي كەلىپ, كارىم قاجىم­قان­ ۇلى تاتارستان­مەن اراداعى بايلانىستاردىڭ بولا­شاقتا دا ءوز جالعاسىن تابا بەرەتى­نىن جەتكىزدى. تاتارستان پرەزيدەنتى رۋستام مين­نيحانوۆ ءوز كەزەگىندە وزدەرى­نىڭ قازاقستانعا قوس ەلدىڭ ارا­سىن­داعى ساۋدا-ەكونوميكالىق جانە مادەني بايلانىستاردى ودان ءارى جەتىلدىرە ءتۇسۋ ماقساتىندا كەلگەندىگىن ايتا كەلە, قازاقستان پرەزيدەنتى مەن پرەمەر-مي­نيسترىنە استىق ماسە­لە­­سىن شەشۋ بويىنشا ءتيىستى شارا­لار قولدا­نىپ وتىرعاندىعى ءۇشىن شەكسىز العىس بىلدىرەتىندىگىن جەتكىزدى. ءابدىراحمان قىدىربەك.