جاھاندىق باستاماداعى بەلسەندىلىك

پارلامەنت سەناتىنىڭ توراعاسى قاسىم-جومارت توقاەۆ يادرولىق سىناق­تارعا قارسى ءىس-قيمىلدىڭ حالىقارالىق كۇنىنە ارنالعان كونفەرەنتسيا جۇمىسىنا قاتىسۋ ءۇشىن قازاقستانعا كەلگەن يادرولىق سىناقتارعا جالپىعا بىردەي تىيىم سالۋ تۋرالى كەلىسىم ۇيىمى دايىندىق كوميسسياسىنىڭ اتقارۋشى حاتشىسى تيبور توتتى قابىلدادى. كەزدەسۋ بارىسىندا حالىقارالىق قاۋىپسىزدىك جانە يادرولىق قارۋدى تاراتپاۋ سالاسىنداعى ىنتىماقتاستىقتى دامىتۋ ماسەلەلەرى تالقىلاندى, دەپ حابارلادى وسى پالاتانىڭ ءباسپاسوز قىزمەتى. ق.توقاەۆ مەيمانعا قازاقستانعا ساپارى جانە پرەزيدەنت ن.نازار­باەۆ­تىڭ باستاماسى بويىنشا بەل­گى­لەن­­گەن جاپپاي قىرىپ-جويۋ قارۋى­نان باس تارتۋدىڭ بۇكىلدۇنيەجۇزىلىك كۇنىنە ارنالعان كونفەرەنتسياعا قاتىس­قانى ءۇشىن ريزاشىلىعىن ءبىلدىردى. قازاقستاننىڭ وسى حالىقارالىق قۇرىلىممەن ءوزارا ءىس-قيمىلىنىڭ ما­ڭىز­دىلىعىن اتاپ وتە كەلىپ, ق.تو­قاەۆ قارۋدى تاراتپاۋ ءتار­تىبىنىڭ نە­گىزگى بولىگى جانە يادرولىق قارۋ­سىز­دانۋ سا­لا­سىنداعى ءتيىمدى قۇرال رە­تىندە ياسجتسۇ ءرولىن اتاپ ءوتتى. ق.تو­قاەۆ ياد­رو­لىق قارۋدى تاراتپاۋ ءتارتى­بىن نى­عايتۋ جانە حالىقارالىق قاۋىپ­سىزدىك دەڭگەيىن ارتتىرۋعا باعىت­تال­عان ياسجتسۇ قىزمەتىن وڭ باعالا­دى. “قا­­زاقستان ونىڭ قىزمەتىن تولىق قولدايدى جانە كەلىسىمنىڭ تەزىرەك كۇشىنە ەنۋىن جاقتايدى”, – دەدى توراعا. اتقارۋشى حاتشى ت.توت ءوز تاراپىنان ياسجتسۇ-نىڭ قازاق­ستانمەن قالىپتاسقان قاتىناستار دەڭگەيىن جوعارى باعالادى جانە يادرولىق قارۋسىزدانۋ مەن ونى تارات­پاۋدىڭ جاھاندىق ۇدەرىس­تەرىندەگى ءبىزدىڭ ەلىمىزدىڭ ۇلەسىن جوعارى باعالادى. ت.توتتىڭ پىكىرىنشە, يادرولىق قارۋدان باس تارتۋ تۋرالى پرە­زيدەنت نۇرسۇلتان نازارباەۆتىڭ باتىل شەشىمىنە نەگىزدەلگەن, جاپ­پاي قىرىپ-جويۋ قارۋلارىن تارات­پاۋ جانە يادرولىق قارۋسىزدانۋ ماسەلەلەرىندەگى قازاقستاننىڭ كوشباسشىلىعى ەلىمىزدىڭ يادرولىق تەرروريزممەن كۇرەس جونىندەگى جاھاندىق باستاماعا بەلسەندى قاتىسۋىمەن ناقتىلانىپ وتىر.