قازاقستان رەسپۋبليكاسى پرەزيدەنتىنىڭ جارلىعى

قازاقستان رەسپۋبليكاسىندا قۇقىق قورعاۋ قىزمەتى مەن سوت جۇيەسىنىڭ تيىمدىلىگىن ارتتىرۋ جونىندەگى شارالار تۋرالى قازاقستان رەسپۋبليكاسى كونستيتۋتسيا­سى­نىڭ 40-بابىنىڭ 1-تارماعىنا, 44-با­بىنىڭ 3) جانە 5) تار­ماق­شالارىنا سايكەس قاۋلى ەتەمىن: 1. جوعارعى سوتتىڭ, جەرگىلىكتى جانە باس­قا سوت­تار­دىڭ قىزمەتىن ۇيىمداستىرۋشىلىق جانە ماتەريالدىق-تەحنيكالىق قامتاماسىز ەتۋ جونىندەگى ۋاكىلەتتى ورگان رەتىندە وبلىستاردا, استانادا جانە رەسپۋبليكالىق ماڭىزى بار قالالاردا اۋماقتىق بولىمشەلەرى (سوت­تاردىڭ كەڭسەلەرى) بار جوعارعى سوت جانىنان سوت­تار­دىڭ قىزمەتىن قامتاماسىز ەتۋ دەپارتامەنتى (قازاقستان رەس­پۋبليكاسى جوعارعى سوتىنىڭ اپپاراتى) قۇ­رىلسىن. 2. قازاقستان رەسپۋبليكاسى جوعارعى سوتىنىڭ جانىنداعى سوت اكىمشىلىگى ءجونىن­دەگى كوميتەت: اتقارۋشىلىق قۇجاتتاردى ورىنداۋ, جەكەلەگەن نە­گىز­دەر بويىنشا رەسپۋبليكالىق مەنشىككە اينالعان ء(تۇس­كەن) م ۇلىكتى ەسەپكە الۋ, ساقتاۋ, باعالاۋ جانە ودان ءارى پايدالانۋ جونىندەگى فۋنكتسيالارى مەن وكىلەت­تىك­تەرى قازاقستان رەسپۋبليكاسىنىڭ ادىلەت مينيسترلىگىنە; وبلىستىق, اۋداندىق جانە ولارعا تەڭەس­تىرىلگەن سوت­تاردىڭ قىزمەتىن ۇيىمداستىرۋ­شى­لىق, ماتەريالدىق-تەحنيكالىق جانە وزگە دە قامتاماسىز ەتۋ, سوت پريستاۆتارىنىڭ قىز­مەتىنە ۇيىمداستىرۋشىلىق جانە ءادىس­تە­مەلىك باسشىلىق ەتۋ جونىندەگى فۋنكتسيالارى مەن وكىلەتتىكتەرى جوعارعى سوت جانىنان جاڭادان قۇرىلعان سوتتاردىڭ قىزمەتىن قامتاماسىز ەتۋ دەپارتامەنتىنە (قازاقستان رەسپۋبليكاسى جوعارعى سوتىنىڭ اپپارا­تىنا) بەرىلە وتىرىپ, تاراتىلسىن. 3. قازاقستان رەسپۋبليكاسىنىڭ ىشكى ىستەر مينيسترلىگى: – مىناداي: قوعامدىق ءتارتىپتى بۇزۋشىلاردى مەديتسي­نالىق ايىقتىرعىشتارعا جەتكىزۋ جونىندەگى فۋنكتسيالارىن قوسپاعاندا, مەديتسينالىق ايىقتىرعىشتاردىڭ قىزمەتىنە بايلانىستى فۋنكتسيالارى مەن وكىلەتتىكتەرى قازاقستان رەس­پۋبليكاسى دەنساۋلىق ساقتاۋ مينيستر­لى­گى­نىڭ قاراماعىنا; كامەلەتكە تولماعانداردى ۋاقىتشا وق­شاۋ­لاۋ, بەيىم­دەۋ جانە وڭالتۋ ورتالىقتارى­نىڭ قىزمەتىنە بايلانىستى فۋنكتسيالارى مەن وكىلەتتىكتەرى قازاقستان رەسپۋبليكاسى ءبى­لىم جانە عىلىم مينيسترلىگىنىڭ قاراما­عىنا; – ىشكى ىستەر مينيسترلىگىندە مەملەكەتتىك تەح­نيكالىق تەكسەرۋدەن ۋاقتىلى ءوتۋدى باقىلاۋ فۋنك­تسيا­سىن ساقتاي وتىرىپ, كولىك قۇرالدارىنا مەملەكەتتىك تەحنيكالىق تەكسەرۋدىڭ جۇرگىزىلۋىن باقىلاۋ جونىندەگى وكىلەتتىكتەرى قازاقستان رەسپۋبليكاسىنىڭ كولىك جانە كوممۋنيكاتسيا مينيسترلىگىنە, كورسەتىلگەن تەحنيكالىق تەكسەرۋ جۇرگىزۋ جونىندەگى فۋنكتسيالارى مەن وكىلەت­تىك­تەرى باسەكەلى ورتاعا بەرىلە وتىرىپ; – اسا ماڭىزدى ستراتەگيالىق وبەكتى­لەر­دى كۇزەتۋ جونىندەگى فۋنكتسيالاردى قوس­پا­عاندا, كۇزەت قىزمەتى جونىندەگى فۋنكتسيا­لارى مەن وكىلەتتىكتەرى باسەكەلى ورتاعا بەرىلە وتىرىپ, قايتا ۇيىمداستىرىلسىن. 4. قازاقستان رەسپۋبليكاسىنىڭ باس پروكۋراتۋراسى كولىك پروكۋراتۋراسى جۇيەسىن ءوڭىر­لىك ءۇش كولىك پروكۋراتۋراسىن قازاقستان رەس­پۋبليكاسىنىڭ باس پروكۋراتۋراسى جا­نىن­داعى بىرەۋىنە بىرىكتىرۋ جولىمەن وڭتايلاندىرسىن. 5. قازاقستان رەسپۋبليكاسىنىڭ ۇكىمەتى: 1) مىنالاردى: قازاقستان رەسپۋبليكاسى ىشكى ىستەر مينيسترلىگىنىڭ تەرگەۋ كوميتەتى مەن كري­مي­نال­دىق پوليتسيا كوميتەتىن قازاقستان رەس­پۋب­ليكاسى ىشكى ىستەر مينيسترلىگىنىڭ تەرگەۋ كو­مي­تەتىنە بىرىكتىرۋ ارقىلى قايتا ۇيىم­داس­تىرۋدى; قازاقستان رەسپۋبليكاسى ىشكى ىستەر مينيسترلىگىنىڭ ەسىرتكى بيزنەسىنە قارسى كۇرەس جانە ەسىرتكى اينالىمىن باقىلاۋ كو­مي­تەتى قىزمەتىنىڭ تيىمدىلىگىن ارتتىرۋ ءجو­نىندەگى شارالاردى, ونىڭ ىشىندە ىشكى ىستەر ورگاندارىنىڭ ەسىرتكى بيزنەسىنە قارسى كۇرەستى جۇزەگە اسىراتىن اۋماقتىق ءبولىم­شەلەرىن ونىڭ تىكەلەي باعىنىستىلىعىنا بەرە وتىرىپ قابىلداۋدى; قازاقستان رەسپۋبليكاسى ىشكى ىستەر مي­نيسترلىگىنىڭ كوشى-قون پوليتسياسى كوميتەتىن قۇرۋدى; قازاقستان رەسپۋبليكاسى ىشكى ىستەر مي­نيسترلىگىنىڭ ارناۋلى قابىلداۋ ورىندارىن­دا اكىمشىلىك قاماۋعا الۋ تۇرىندە اكىمشىلىك جازانى ورىنداۋ جانە وسى مەكەمە­لەردىڭ جۇمىس ىستەۋىن قامتاماسىز ەتۋ جونىندەگى فۋنك­تسيالارى مەن وكىلەتتىكتەرىن قازاقستان رەسپۋبليكاسى ادىلەت مينيسترلىگىنىڭ قاراماعىنا كەزەڭ-كەزەڭىمەن بەرۋ جونىندەگى شارالار جۇيەسىن ازىرلەۋدى قامتاماسىز ەتسىن; 2) قازاقستان رەسپۋبليكاسى قۇقىق قورعاۋ ورگان­دا­رى­نىڭ شتات سانىن قىسقارتۋ جونىندە ۇسىنىستار ەنگىزسىن; 3) ءتيىستى مەملەكەتتىك ورگانداردىڭ ورتا­لىق جانە وبلىستىق بۋىنىنىڭ باسقارۋشى اپپاراتىن قىسقارتۋ جانە وزگە دە شارالار ەسەبىنەن قۇقىق قورعاۋ جانە ارنايى ورگانداردىڭ قالالىق جانە اۋداندىق بولىمشەلەرىن كادرمەن جانە ماتەريالدىق-تەحنيكالىق نىعايتۋدى قامتاماسىز ەتسىن; 4) كولىكتەگى ىشكى ىستەر ورگاندارى جۇيەسىن كولىكتەگى وڭىرلىك ءۇش دەپارتامەنتتى قازاق­ستان رەسپۋبليكاسى ىشكى ىستەر مينيستر­لىگى­نىڭ جانىنداعى ءبىر بولىمشەگە بىرىكتىرۋ جولىمەن وڭتايلاندىرسىن; 5) قازاقستان رەسپۋبليكاسى ىشكى ىستەر مينيستر­لىگىنىڭ ۆەدومستۆولىق وقۋ ورىن­دارىنىڭ جۇيەسىن وڭتايلاندىرسىن; 6) سوت ساراپشىلارىن كاسىبي دايارلاۋ جۇيەسىن جەتىلدىرۋ مەن ساراپتامالىق زەرت­تەۋ­لەردىڭ ماتەريال­دىق-تەحنيكالىق جانە عىلىمي-ادىستەمەلىك بازاسىن جاقسارتۋ ارقىلى سوت ءىسىن جۇرگىزۋدى سوت-ساراپتامالىق قامتاماسىز ەتۋ ساپاسىن ارتتىرۋ جونىندەگى شارالاردى قابىلداسىن; 7) 2010 جىلدىڭ سوڭىنا دەيىن وسى جارلىقتىڭ تالاپتارىنان تۋىندايتىن, سونداي-اق: قولدانىستاعى زاڭنامانى 1984 جىلعى 10 جەل­توق­ساندا قابىلدانعان بۇۇ-نىڭ ازاپتاۋلارعا جانە باسقا دا قاتىگەز, ادامگەرشىلىككە جاتپايتىن جانە ار-نامىس­تى قورلايتىن ءىس-ارەكەتتەر مەن جازالاۋ تۇرلەرىنە قارسى كونۆەنتسياسىنىڭ تالاپتارىنا سايكەس كەلتىرۋگە; قىلمىستىق زاڭنامانى ىرىقتاندىرۋعا جانە قوعام­عا ۇلكەن قاۋىپ تۋعىزبايتىن قىلمىستاردى, ونىڭ ىشىندە ەكونوميكا سالاسىنداعى قىلمىستاردى اكىم­شىلىك قۇقىق بۇزۋشىلىقتار ساناتىنا اۋىستىرىپ جانە ولاردى جاساعانى ءۇشىن اكىمشىلىك جاۋاپكەرشىلىكتى, ونىڭ ىشىندە اكىمشىلىك پرەيۋديتسيانى ەنگىزۋ جولىمەن كۇشەيتە وتىرىپ قىلمىستىق سيپاتتان ارىلتۋعا, سونداي-اق جازالاردى جۇمسارتۋ ارقىلى جەكەلەگەن قىلمىستاردىڭ اۋىرلىق دارەجەسىن قايتا باعالاۋعا; شەتەلدىك وزىق تاجىريبەنىڭ نەگىزىندە قۇقىق ءتارتىبى مەن قوعامدىق قاۋىپسىزدىكتى قامتاماسىز ەتۋ جۇيەسىن جەتىلدىرۋگە; قىلمىستىق جازاسىن وتەگەن ادامداردى الەۋمەتتىك بەيىمدەۋ مەن وڭالتۋدى ۇيىمداستىرۋ جانە جۇزەگە اسىرۋ جونىندەگى فۋنكتسيالاردى جەرگىلىكتى اتقارۋشى ورگانداردىڭ قاراماعىنا بەرۋگە; باس بوستاندىعىنان ايىرۋعا بايلانىستى ەمەس جازالاردى, ونىڭ ىشىندە ايىپپۇل, قوعامدىق جۇمىستار جانە باس بوستاندىعىن شەكتەۋ, سونداي-اق قاماۋعا الۋعا بالاما رەتىندە جولىن كەسۋ شارالارى جازالارىن قولدانۋ سالاسىن كەڭەيتۋگە; قىلمىستىق ىستەر بويىنشا سوتقا دەيىنگى ءىس ءجۇر­گى­زۋ­دى ودان ءارى وڭايلاتۋعا, ونىڭ جەدەلدىگىن, ونىڭ ىشىندە تەر­گەۋمەن ىنتىماقتاستىقتاعى ايىپتالۋشىلارعا قاتىس­تى ىنتالاندىرۋ نورمالارىن ەنگىزۋ ارقىلى ارتتىرۋعا; قىلمىستىق سوت ءىسىن جۇرگىزۋدە بىتىمگەرلىك راسىمدەردى كەڭەيتۋگە, ونىڭ ىشىندە مەدياتسيا ينستيتۋتىن دامى­تۋعا, سونداي-اق جەكە جانە جەكە-اشىق ايىپتاۋدىڭ قىلمىستىق ىستەرىنىڭ ساناتىن كەڭەيتۋگە; مەملەكەتكە زيان كەلگەن جاعدايدا, تاراپتاردىڭ بىتىمگە كەلۋىنە بايلانىستى ادامداردى قىلمىستىق جاۋاپكەرشىلىكتەن بوساتۋ ءتارتىبىن رەتتەۋگە ءارى ونشا اۋىر ەمەس جانە اۋىرلىعى ورتاشا ەكونوميكالىق قىل­مىس جاساعان ادامدارعا قاماۋعا الۋ تۇرىندە جولىن كەسۋ شارالارىن قولدانۋ ءۇشىن شەكتەۋلەر بەلگىلەۋگە, سون­داي-اق كەلتىرىلگەن زياندى ءوز ەركىمەن وتەگەن جاعدايدا ولاردى قىلمىستىق جاۋاپكەرشىلىكتەن بوساتۋعا; جولىن كەسۋ شارالارى رەتىندە ۇيدە قاماۋ نەمەسە ەشقايدا كەتپەۋ تۋرالى قولحات تاڭدالعان ايىپتالۋ­شى­لاردىڭ ءجۇرىپ-تۇرۋىن جانە باس بوستاندىعىن شەكتەۋگە سوتتالعانداردىڭ, شارتتى تۇردە سوتتالعانداردىڭ, شارت­تى-مەرزىمىنەن بۇرىن بوساتىلعانداردىڭ تيىسىنشە ءجۇرىپ-تۇرۋىن, ونىڭ ىشىندە قاداعالاۋدىڭ ەلەكتروندىق قۇرالدارىن كەڭىنەن پايدالانا وتىرىپ باقىلاۋدىڭ نىساندارى مەن ادىستەرىن جەتىلدىرۋگە; پروكۋراتۋرا ورگاندارىنىڭ قۇقىق قورعاۋ قىزمەتىنە قاتىستى ۇيلەستىرۋشى فۋنكتسياسىن كۇشەيتۋگە; پروكۋ­رورعا قىلمىستىق قۋدالاۋدىڭ زاڭدىلىعىن, ونىڭ ىشىندە قىلمىستىق ءىستىڭ قوزعالۋىن قاداعالاۋ جونىندەگى قوسىمشا مىندەتتەر جۇكتەۋ ارقىلى ونىڭ سوتقا دەيىنگى ءىس جۇرگىزۋدەگى ءرولى مەن جاۋاپكەرشىلىگىن ارتتىرۋعا; قۇقىق قورعاۋ ورگاندارى قىزمەتكەرلەرىنىڭ جانە سۋديالاردىڭ قىزمەتتىك جاعدايىن پايدالانا وتىرىپ قىلمىس جاساۋ فاكتىسىن قىلمىستىق جاۋاپكەرشىلىك پەن جازالاۋدى اۋىرلاتاتىن جاعداي دەپ تانۋعا; بالاما تەرگەۋ نۇسقالارىن بارىنشا ازايتۋعا, قىل­مىس­تىق ىستەر بويىنشا بۇل ارەكەتتەر ۇلتتىق قاۋىپ­سىزدىك ورگاندارىنىڭ تەرگەۋىنە جاتاتىن باسقا قىل­مىس­تارمەن جيىنتىعىندا جاسالعان جاعدايلاردا عانا ۇلت­تىق قاۋىپسىزدىك ورگاندارىمەن بالاما تەرگەۋدى ساقتاي وتىرىپ, ونىڭ ىشىندە قازاقستان رەسپۋبليكاسى ىشكى ىستەر مينيسترلىگىنىڭ ايرىقشا تەرگەۋىنە ەسىرتكى قۇ­رال­دارىنىڭ, پسيحوتروپتىق زاتتار مەن پرەكۋرسورلاردىڭ زاڭسىز اينالىمىنا بايلانىستى قىلمىستار تۋرالى قىلمىستىق ىستەردى جاتقىزۋعا, ال قارجى پوليتسياسى ور­گاندارىنىڭ ايرىقشا تەرگەۋىنە ەكونومي­كالىق قىز­مەت سالاسىنداعى قىلمىستار مەن سىبايلاس جەمقورلىق قىلمىستار تۋرالى قىلمىستىق ىستەردى جاتقىزۋعا; قۇقىق قورعاۋ ورگاندارىنىڭ شارۋا­شىلىق جۇرگىزۋ­شى سۋبەكتىلەردىڭ قىزمەتىنە نەگىزسىز ارالاسۋ فاك­تى­لە­رىن, ونىڭ ىشىندە شارۋاشىلىق جۇرگىزۋشى سۋبەكتىلەردى تەكسەرۋدى جۇزەگە اسىرۋعا قۇقىعى بار مەملەكەتتىك ورگان­داردىڭ تىزبەسىن ودان ءارى قىسقارتۋ ارقىلى بولدىرماۋعا; بيزنەس پەن مەنشىكتى زاڭسىز تارتىپ الۋعا (رەيدەرلىككە) قارسى ءىس-قيمىل جاساۋعا; قۇقىق قورعاۋ, وزگە دە الەۋەتتى جانە ار­نايى ورگان­داردىڭ نەگىزگى جانە قامتاماسىز ەتۋشى فۋنكتسيالارىن ايقىنداۋعا; قۇقىق قورعاۋ, الەۋەتتى جانە ارنايى ورگانداردىڭ نەگىزگى مىندەتتەر مەن فۋنكتسيالاردى ورىندايتىن قىز­مەت­كەرلەرىندە اسكەري جانە ارنايى اتاقتاردى, سىنىپ­تىق شەندەردى, پوگونى بار نىساندى كيىمدى كيۋ قۇقى­عىن, وسى ورگانداردىڭ كورسەتىلگەن اتريبۋتتاردان ايى­رىلاتىن قىزمەتكەرلەرىنە بۇرىن بەلگىلەنگەن ۇستەمە­اقىلاردى ەسكەرە وتىرىپ جانە قازىرگىدەن تومەن ەمەس لاۋازىمدىق جالاقى تاعايىنداي وتىرىپ, ساقتاۋعا; وسى جارلىقتىڭ قولدانىلۋ اياسىنا تۇسەتىن ادامدار ءۇشىن زەينەتكەرلىككە شىعۋ كەزىندە الەۋمەتتىك قامسىز­داندىرۋدى, بارلىق جەڭىلدىكتەر مەن ارتىقشىلىق­تار­دى, ال كەمىندە 20 جىل قىزمەت وتكەرگەن ادامدار ءۇشىن قىزمەتىن اتتەستاتتالعان لاۋازىمداردا وتكەرۋىن اياقتاۋ مۇمكىندىگىن ساقتاۋعا; ءتيىستى اسكەري جانە ارنايى اتاقتار, سىنىپتىق شەندەر ءۇشىن وبەكتيۆتى تۇردە سالىستىرمالى ۇستەمە­اقى­لار بەلگىلەۋگە, ولاردىڭ قۇقىق قورعاۋ, وزگە دە الەۋەتتى جانە ارنايى ورگاندارداعى سايكەستىك دەڭگەيىن ايقىنداۋعا; قۇقىق قورعاۋ جانە ارنايى ورگانداردىڭ ورتالىق جانە اۋماقتىق بولىمشەلەرىندەگى اعا باسشى قۇرامنىڭ لاۋازىمدارى مەن ولارعا ساي شەكتى اسكەري جانە ار­نايى اتاقتاردىڭ, سىنىپتىق شەندەردىڭ تىزبەسىن وڭ­تايلاندىرۋعا; قۇقىق قورعاۋ قىزمەتىن وتكەرۋدىڭ بىرىڭعاي قۇ­قىق­تىق ستاندارتتارى مەن نورمالارىن, قۇقىق قورعاۋ ورگاندارى قىزمەتكەرلەرىن الەۋمەتتىك جانە قۇقىقتىق قورعاۋدىڭ بىرىڭعاي ۇستانىمدارىن ەنگىزۋگە; قۇقىق قورعاۋ ورگاندارىنىڭ باسشى قۇرامىن جۇيە­لى كادرلىق روتاتسيالاۋ ارقىلى قۇقىق قورعاۋ ورگان­دارى­نىڭ دەربەس قۇرامىن قالىپتاستىرۋعا; قىلمىستىڭ الدىن الۋ, ازاماتتاردىڭ كونس­تي­تۋتسيالىق قۇقىقتارى مەن بوستاندىق­تارىن, قوعام مەن مەملەكەتتىڭ مۇددەلەرىن قورعاۋ, حالىقتىڭ تاراپىنان سەنىم ارتۋىنا ماسەلەلەرىنە باسىمدىقپەن, وكىلدى ورگاندار مەن جۇرتشىلىق تاراپىنان بەرىلەتىن سىرتقى باعالاۋ تەتىكتەرىن ايقىنداي وتىرىپ, قۇقىق قورعاۋ ورگاندارىنداعى جانە سوتتارداعى سىبايلاس جەمقورلىق دەڭگەيىن رەيتينگتىك باعالاۋدى ەنگىزە وتىرىپ, قۇقىق قورعاۋ ورگاندارىنىڭ ەسەپتىلىگى مەن ولاردىڭ قىزمەتىن باعالاۋ جۇيەسىن جەتىلدىرۋگە; قۇقىق قورعاۋ ورگاندارىنىڭ ازاماتتىق قوعام ينس­تيتۋتتارىمەن ىنتىماقتاستىعى­نىڭ ءتۇرلى نىساندارىن بەلگىلەۋگە; ازاماتتاردىڭ جانە ۇيىمداردىڭ, سونداي-اق مەم­لەكەتتىڭ قۇقىقتارى مەن زاڭدى مۇددەلەرىن جەدەل جانە ءادىل قورعاۋدى قامتاماسىز ەتۋ ماقساتىندا سوت ءىسىن جۇرگىزۋدى جەتىلدىرۋ مەن وڭايلاتۋعا; سوتقا دەيىنگى ءىس جۇرگىزۋدە سوتتىڭ باقىلاۋ شەگىن كەڭەيتۋگە; سوت تورەلىگىن ىسكە اسىرۋدىڭ نەگىزگى پرينتسيپتەرىن ساقتاي وتىرىپ, سوتتارعا سوت تالقىلاۋىنىڭ دايىندىق ساتىلارىندا سوتقا دەيىنگى ءىس جۇرگىزۋدىڭ ولقىلىقتارىن تولتىرۋ جونىندەگى قوسىمشا وكىلەتتىكتەر بەرۋگە; ازاماتتىق-قۇقىقتىق داۋلاردى سوتقا دەيىن رەتتەۋ سا­لاسىن جانە ولاردى شەشۋدىڭ بالاما تاسىلدەرىن كەڭەيتۋگە; سۋديالار مەن سۋديا لاۋازىمىنا كانديداتتار ءۇشىن كوتەرىڭكى ولشەمدەر مەن ستاندارتتار ەنگىزۋگە باعىت­تال­عان زاڭداردىڭ جوبالارىن ازىرلەپ, قازاقستان رەس­پۋب­ليكاسى پارلامەنتى ءماجىلىسىنىڭ قاراۋىنا ەنگىزسىن; 8) وبلىستاردىڭ, استانانىڭ جانە رەسپۋبليكالىق ماڭىزى بار قالالاردىڭ اكىمدەرىمەن بىرلەسىپ: قۇقىق ءتارتىبى مەن قوعامدىق قاۋىپسىزدىكتى قامتا­ماسىز ەتۋدىڭ, قىلمىس جاساۋعا جانە قۇقىق بۇزۋشى­لىق­تارعا ىقپال ەتەتىن سەبەپتەر مەن جاعدايلاردى انىقتاۋدىڭ قازىرگى زامانعى ادىستەرىن كوزدەي وتىرىپ, قۇقىق بۇزۋشىلىقتار پروفيلاكتيكاسىنىڭ سالالىق جانە وڭىرلىك باعدارلامالارىن 2010 جىلدىڭ سوڭىنا دەيىن قابىلداۋدى قامتاماسىز ەتسىن; قۇقىق بۇزۋشىلىقتاردىڭ الدىن الۋ جانە قۇقىقتىق ءتارتىپتى قامتاماسىز ەتۋ سالاسىندا جەرگىلىكتى ات­قارۋشى ورگانداردىڭ جاۋاپكەرشىلىگىن ارتتىرۋ ءجو­نىندەگى شارالار­دى, ونىڭ ىشىندە ءتيىستى دەڭگەيدەگى اكىمدەردىڭ ەسەپتەرىن قازاقستان رەسپۋبليكاسى ۇكى­مەتىنىڭ جانە اكىمدىكتەردىڭ وتىرىستارىندا تۇراقتى قاراۋ ارقىلى قابىلداسىن; 9) قۇقىق قورعاۋ ورگاندارى مەن سوتتار قىزمەتىنىڭ قولجەتىمدىلىگىن جانە اشىقتى­عىن قامتاماسىز ەتۋ ماق­ساتىندا ولاردىڭ قىزمەتىنە يننوۆاتسيالىق تەحنولو­گيا­لارعا نەگىزدەلگەن وزىق الەمدىك تاجىريبەنى ەنگىزۋدى قامتاماسىز ەتسىن; 10) مۇددەلى مەملەكەتتىك ورگاندارمەن بىرلەسىپ رەس­پۋب­ليكادا جەكە دەتەكتيۆتىك قىزمەت ينستيتۋتىن ەنگىزۋ تۋرالى ۇسىنىستار بەرسىن; 11) قازاقستان رەسپۋبليكاسىنىڭ تاراتىلاتىن جانە قايتا ۇيىمداستىرىلاتىن مەملەكەتتىك ورگاندارىنىڭ شتات سانىن قايتا ءبولۋدى قامتاماسىز ەتسىن. 6. “قازاقستان رەسپۋبليكاسىندا قىلمىسقا جانە سىبايلاس جەمقورلىققا قارسى كۇرەستى كۇشەيتۋ جانە قۇقىق قورعاۋ قىزمەتىن ودان ءارى جەتىلدىرۋ جونىندەگى قو­سىمشا شارالار تۋرالى” قازاقستان رەسپۋبليكاسى پرەزيدەنتىنىڭ 2009 جىلعى 22 ساۋىردەگى №793 جارلىعىنا (قازاقستان رەسپۋبليكاسىنىڭ ءپۇاج-ى, 2009 ج., №19, 166-قۇجات) مىناداي وزگەرىس ەنگىزىلسىن: 5-تارماقتىڭ 1) تارماقشاسى الىپ تاستالسىن. 7. قازاقستان رەسپۋبليكاسىنىڭ قاۋىپسىزدىك كەڭەسى الەۋەتتى ورگانداردىڭ جۇمىسىن ۇيلەستىرۋدى جۇزەگە اسىرسىن. 8. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسى پرەزيدەنتىنىڭ اكىمشىلىگىمەن بىرلەسىپ, وسى جارلىقتى ىسكە اسىرۋ جونىندەگى ءىس-شارالار جوس­پا­رىن ءبىر اي مەرزىمدە ازىرلەپ, بەكىتسىن جانە ونىڭ ورىن­دالۋى جونىندە ەگجەي-تەگجەيلى شارالار قابىلداسىن. 9. قازاقستان رەسپۋبليكاسىندا اكىمشىلىك رەفورما جۇرگىزۋ جونىندەگى ۆەدومستۆوارالىق كوميسسيا قۇقىق قورعاۋ جانە سوت جۇيەلەرىن جاڭعىرتۋمەن بايلانىستى جۇمىستى جالعاستىرسىن. 10. وسى جارلىق, قاجەتتى زاڭنامالىق بازانى مۇمكىندىگىنشە قالىپتاستىرۋ جانە ونىڭ پراكتيكادا سىناقتان وتكىزىلۋىنە قاراي, بىراق 2012 جىلعى 1 قاڭتاردان كەشىكتىرىلمەي قولدانىسقا ەنگىزىلەتىن قازاقستان رەسپۋبليكاسى ىشكى ىستەر مينيسترلىگىنىڭ تەرگەۋ كوميتەتىن قۇرۋ تۋرالى ەرەجەسىن قوسپاعاندا, قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى  تامىزدىڭ 17-ءسى.          №1039.