ەلباسى ءتۋرنيرى ەسىك اشادى

بۇگىن استاناداعى “قازاقستان” سپورت كەشەنىندە باستالاتىن قازاقستان رەسپۋبليكاسى پرەزيدەنتى كۋبوگى ءۇشىن تۋرنير وتاندىق حوككەي تاريحىنداعى وسى تەكتەگى ءبىرىنشى جارىس بولعالى تۇر. بۇل سونىمەن بىرگە تمد ەلدەرى ۇزدىك جاساقتارىنىڭ باسىن قوسىپ وتىرعان كونتينەنتالدى حوككەي ليگاسى دەڭگەيىندە دە مۇنداي العاشقى الامان بولىپ تابىلادى. بۇدان بۇرىن حاباردار ەتكەنى­مىز­دەي, اتالمىش تۋرنيرگە ءتورت ەلدەن ءتورت ۇزدىك كوماندا قاتىسادى. ولاردىڭ قاتارىندا قازاقستان اتىنان تۇسەتىن استانانىڭ “بارىسىنان” بولەك, لاتۆيا مەن بەلارۋستەن ريگا مەن مينسكىنىڭ “دينامو” كوماندا­لارى, رەسەيدەن ماسكەۋ وبلىسى­نىڭ “اتلانت” كلۋبى بار. وسىدان باستاپ بۇل تۋرنير جىل سايىن ءوتىپ تۇراتىن ءداستۇرلى سايىسقا اينالادى. كەلەشەكتە وعان قاتىساتىن كوماندالاردىڭ سانى ارتتىرىلا تۇسپەك. وسىنداي ءبىر تۋرنير وتكىزۋ جونىندەگى يدەيانى باسىندا “نۇر وتان” حالىقتىق-دەموكراتيالىق پارتياسى كوتەردى. بۇل باستامانى سوسىن قازاقستان شايبالى حوككەي فەدەراتسياسى قولداپ اكەتتى. ال اقپاراتتىق سەرىكتەستىك مىندەتىن “نۇر-مەديا” مەدياحولدينگى وزىنە جۇكتەپ الدى. تۋرنير تامىزدىڭ 10-14 ارا­لىعىندا وتەدى. مۇندا كوماندا­لار كۇن سايىن ءبىر-ءبىر ويىننان وينايدى. وسى جولعى سياقتى الداعى جىلداردا دا پرەزيدەنت كۋبوگى كەزەكتى تۇراقتى چەمپيو­­ناتتار الدىنداعى كلۋبتاردىڭ ءوز شاما-شارىقتارىن بايقاپ كورە­تىن سىندارلى سىناعىنا اينال­ماقشى. بۇل بيىل كحل چەم­پيوناتىنا قاتىساتىن جوعارى­داعى ءتورت كلۋب ءۇشىن ايرىقشا پايدالى بولماق. تۋرنيرگە ولاردىڭ ءبارى كۇشتى قۇرامدارىمەن كەلىپ وتىر. – مەن پرەزيدەنت كۋبوگى وعان قاتىسۋشىلار ءۇشىن ءوز كۇشتەرىن سىناپ كورىپ, ويىن­شىلاردى تۇراقتى چەمپيونات الدىندا “تەرلەتىپ” الۋدىڭ جاپ-جاقسى جولى بولادى دەپ ويلايمىن, – دەيدى وسى ورايدا قازاقستان حوككەي فەدەراتسيا­سىنىڭ ۆيتسە-پرەزيدەنتى يۋري زۆەرەۆ. – تاريحتا تۇڭعىش وتكەلى تۇرعان تۋرنيرگە دە كىل سايدىڭ تاسىنداي, كۇشى ءبىر دەڭگەيدەگى كوماندالار جينالىپ وتىر. ءبىزدىڭ شاقىرۋىمىزدى دينامولىق كلۋبتار مەن “اتلانت” كومانداسى قۋانا قابىلدادى. بۇل تۋرنير, ءسوز جوق, وسى ويىننىڭ ءبىزدىڭ ەلدە بەدەلى بيىكتەي بەرۋىنە اسەر ەتەدى. “بارىس” كلۋبىنىڭ كحل چەمپيوناتىندا ويناۋى ءبىزدىڭ ەلىمىزدە حوككەيدىڭ كەڭىنەن تارالا باستاۋىنا بىردەن-ءبىر سەبەپكەر ەكەنىن دە باتىل ايتا الامىن. سونىمەن, جانكۇيەر قاۋىم كوپتەن كۇتكەن تۋرنير دە باستالدى. ەندى ءسوز سوڭىندا ءتۋرنيردىڭ كۇنتىزبەسىن نازارلارىڭىزعا ۇسىنامىز. 10 تامىز, سەيسەنبى. 15.00. “دينامو” ر. – “دينامو” من. 19.00. “بارىس” - “اتلانت”. 11 تامىز, سارسەنبى. 15.00. “اتلانت” - “دينامو” من. 19.00. “بارىس” - “دينامو” ر. 13 تامىز, جۇما. 15.00. “اتلانت” - “دينامو” ر. 19.00. “بارىس” -“دينامو” من. 14 تامىز, سەنبى. 13.00. 3-4 ورىندار ءۇشىن. 17.00. 1-2 ورىندار ءۇشىن. سەرىك ءپىرنازار.