باراك وباما الياسكانىڭ قورىق بولعانىن قالايدى

استانا. 4 ءساۋىر. اقش پرەزيدەنتى باراك وباما الياسكا شتاتىن تۇتاستاي قورىققا اينالدىرۋدى ۇسىندى. بۇل تۋرالى bbc.co.uk حابارلادى. پرەزيدەنت اكىمشىلىگى وسى ماسەلەگە قاتىستى پالاتا سپيكەرىنە ارنايى حات جولدادى. وندا شتاتتىڭ اسەم تابيعاتىن قاز قالپىندا ساقتاۋ ءۇشىن وسىنداي باستامالاردى جۇزەگە اسىرۋ كەرەكتىگى ايتىلعان. بۇگىندە الياسكادا جويىلىپ كەتۋ قاۋپى تونگەن جانۋارلار مەن وسىمدىكتەر الەمى بار. قازىر مەملەكەت سول قاۋىپتىڭ بەتىن قايتارۋ ءۇشىن كوپتەگەن جۇمىستاردى قولعا الۋدا. ەگەر اقش كونگرەسى پرەزيدەنتتىڭ باستاماسىن ماقۇلداپ, شتاتتى قورىققا اينالدىرۋ تۋرالى شەشىم شىعارسا, ول جاقتا پايدالى قازبالاردى ىزدەستىرۋ جۇمىستارى توقتايدى. ال الياسكادا قازىرگى كۇنى مۇناي مەن گاز كەن ورىندارىن تابۋ ماقساتىندا بۇرعىلاۋ جۇمىستارى قارقىندى جۇرۋدە. جالپى, اتالعان شتاتتىڭ باسقا دا پايدالى قازبالارعا باي ەكەنى بەلگىلى. ەلامان قوڭىر. دەرەك: bbc.co.uk. Cۋرەت: zn.ua.