شالعايداعى قازتالوۆ اۋدانى جۇرتشىلىعى جەڭىستىڭ 70 جىلدىعىن لايىقتى قارسى الۋعا ەرتە باستان قام جاسادى. وڭىردە بۇل باعىتتاعى ارنايى ۇيىمداستىرۋ كوميسسياسى وتكەن جىلى قۇرىلعان. قازتالوۆ اۋدانى اكىمىنىڭ ورىنباسارى ءزايلىم ءماجيتوۆا گازەت تىلشىسىنە وسىناۋ قاستەرلى مەرەكەنى قارسىلاي وتىرىپ, سونىمەن ءبىر مەزگىلدە جاس ۇرپاقتىڭ بويىندا وتانشىلدىق سەزىمدى دامىتۋ مەن پاتريوتتىق تاربيە باعىتىنداعى سان الۋان ءىس-شارالار قاتار اتقارىلىپ كەلە جاتقانىن ايتىپ بەردى.
وسى ارادا اتاپ وتەرلىك ماسەلە كسرو اۋماعىندا 4 جىلدان استام ۋاقىتقا سوزىلعان سوعىس كەزىندە قازاق جەرىندە اسكەري ءىس-قيمىلار مەن شايقاستار وتپەگەنىمەن, ەلىمىزدىڭ باتىس وڭىرىندەگى بوكەي وردا, جانىبەك اۋداندارى ستالينگراد مايدانىنىڭ شەبىنە كىردى. وسى قاتارعا جانىبەكپەن كورشىلەس قونىستانعان قازتالوۆ اۋدانىن دا قوسۋعا بولادى. ستالينگراد – قازاق دالاسىنىڭ اتالعان وڭىرلەرىنە وتە جاقىن تۇردى. مىسالى, جانىبەكتەن ۆولگوگراد قالاسىنا اۆتوكولىكپەن بارۋعا ءۇش-ءتورت ساعات قانا ۋاقىت كەتەدى ەكەن.
جوعارىدا ايتىلعانداي ستالينگراد قازاقستانعا ەڭ جاقىن ورنالاسقان مايدان بولعاندىقتان, بۇل شايقاسقا قازاقستاندىقتاردىڭ قاتىسۋ ۇلەسى دە باسقا مايداندارمەن سالىستىرا قاراعاندا كوبىرەك بولعانىنا كوز جەتكىزۋ قيىن ەمەس. قازتالوۆ اۋدانىندا جەڭىس مەرەكەسى قارساڭىندا جۇرگىزىلىپ جاتقان تاربيە جانە پاتريوتتىق جۇمىستارىنىڭ ءبىر تارماعى ءدال وسى تۇستان تامىر تارتادى.
ستالينگراد مايدانىنا قاراستى داڭقتى №62 ارميانىڭ قۇرامىندا ءتورت مىڭعا جۋىق قازاق بولعان ەكەن. ستالينگراد تۇبىندەگى ۇرىستار كەزىندە 112 ادامعا كەڭەس وداعىنىڭ باتىرى اتاعى بەرىلسە, ونىڭ تورتەۋى قازاقستاندىق ەكەنىن دە بىلە جۇرگەننىڭ ارتىقشىلىعى جوق. ولار – ۇشقىش ن.ءابدىروۆ, پولك كومانديرى ت.پوزولوتين, ۆزۆود كومانديرى گ.راماەۆ جانە مينومەتشى ت.سىپاتاەۆ. بۇعان قوسارىمىز ستالينگراد شايقاسىنا قاتىسىپ كوز جۇمعاندار جەڭىستىڭ بولاتىنىنا كامىل سەنگەنىن ولاردىڭ ماماي قورعانى قابىرعاسىنا جازىپ كەتكەن سوزدەرىنەن بايقاۋعا بولادى. ولار قاتەلەسكەن جوق ەدى. ويتكەنى, ستالينگراد شايقاسى ۇلى وتان سوعىسىنىڭ بارىسىنا كۇرت بەتبۇرىس اكەلىپ, ەڭ العاش رەت جەڭىسكە دەگەن سەنىمدى جاقىنداتا تۇسكەنى تاريحتان بەلگىلى.
ستالينگراد شايقاسى كەزىندە قازاقتار ەرلىكتىڭ تاماشا ۇلگىلەرىن كورسەتكەن. ولاردىڭ جۇرەكجۇتقاندىعى مەن باتىلدىعىنا, جاۋمەن ارىستانشا ارپالىسقان شالت ءىس-قيمىلدارىنا ستالينگرادتىقتار دا ءدان ريزا بولعان ەكەن. ستالينگراد-ۆولگوگراد قالاسىنىڭ ءبىر كوشەسىنە قازاق اتاۋىنىڭ بەرىلۋى ولاردىڭ ءبىزدىڭ اتا-اعالارىمىزعا دەگەن سۇيىسپەنشىلىگى مەن ريزاشىلىعىنىڭ ءبىر كورىنىسى.
– تاياۋدا قازتالوۆ جانە جانىبەك اۋداندارىنىڭ وكىلدەرى قاھارمان قالا ۆولگوگرادقا بارىپ قايتتى. مۇنى العاشقى ءىزاشار دەپ باعالاعان ورىندى. ويتكەنى, باستى ساپار الدىمىزداعى ءساۋىر ايىنا جوسپارلانعان. بۇل ۇلكەن دەلەگاتسيانىڭ نەگىزگى قۇرامىن ستالينگراد شايقاسىنا اتالعان اۋدانداردان قاتىسقان مايدانگەرلەردىڭ كەيىنگى ۇرپاقتارى قۇرايدى. وسى ارقىلى كەشەگى سۇراپىل سوعىستا شەيىت كەتكەن بوزداقتار مەن اعا ۇرپاقتى رۋحىنا تاعزىم ەتكەندى ويلاستىرىپ وتىرمىز, – دەيدى قازتالوۆ اۋدانى اكىمىنىڭ ورىنباسارى ءزايلىم ءماجيتوۆا.
جۋىردا وبلىس ورتالىعىندا «قازتالوۆ وتتى جىلداردا» اتتى دەرەكتى بەينەتۇسىرىلىمنىڭ تۇساۋكەسەر ءراسىمى وتكىزىلدى. ونىڭ سوڭى «ەرلىك جىرى – ەلدىكتىڭ ەسكەرتكىشى» اتتى تاقىرىپتىق كونتسەرتكە ۇلاستى. بۇل شالعايداعى قازتالوۆ اۋدانىندا بيىلعى جىلدىڭ باسىندا باستالعان « ۇلى ەرلىككە – ماڭگىلىك تاعزىم» اتتى مەكەمە-كاسىپورىن ۇجىمدارى قويعان فەستيۆالدىڭ قورىتىندىسىنداي اسەر قالدىردى. ءتۇيىپ ايتقاندا, ءبىز جەڭىستىڭ 70 جىلدىعىن اتاپ ءوتۋدى مازمۇندى دا ماعىنالى, ءتالىمدى دە تاربيەلى ىستەر ارناسىنا باعىتتاي بىلگەن قازتالوۆ اۋدانى اكىمدىگى مەن جۇرتشىلىعىنىڭ ءتاستۇيىن ازىرلىكتەرىن وقىرماندار نازارىنا ۇسىنعاندى ءجون كوردىك.
تەمىر قۇسايىن,
«ەگەمەن قازاقستان».
باتىس قازاقستان وبلىسى,
قازتالوۆ اۋدانى.
سۋرەتتە: جەڭىس مەرەكەسىنە ازىرلىك ءساتىنەن كورىنىس.
شالعايداعى قازتالوۆ اۋدانى جۇرتشىلىعى جەڭىستىڭ 70 جىلدىعىن لايىقتى قارسى الۋعا ەرتە باستان قام جاسادى. وڭىردە بۇل باعىتتاعى ارنايى ۇيىمداستىرۋ كوميسسياسى وتكەن جىلى قۇرىلعان. قازتالوۆ اۋدانى اكىمىنىڭ ورىنباسارى ءزايلىم ءماجيتوۆا گازەت تىلشىسىنە وسىناۋ قاستەرلى مەرەكەنى قارسىلاي وتىرىپ, سونىمەن ءبىر مەزگىلدە جاس ۇرپاقتىڭ بويىندا وتانشىلدىق سەزىمدى دامىتۋ مەن پاتريوتتىق تاربيە باعىتىنداعى سان الۋان ءىس-شارالار قاتار اتقارىلىپ كەلە جاتقانىن ايتىپ بەردى.
وسى ارادا اتاپ وتەرلىك ماسەلە كسرو اۋماعىندا 4 جىلدان استام ۋاقىتقا سوزىلعان سوعىس كەزىندە قازاق جەرىندە اسكەري ءىس-قيمىلار مەن شايقاستار وتپەگەنىمەن, ەلىمىزدىڭ باتىس وڭىرىندەگى بوكەي وردا, جانىبەك اۋداندارى ستالينگراد مايدانىنىڭ شەبىنە كىردى. وسى قاتارعا جانىبەكپەن كورشىلەس قونىستانعان قازتالوۆ اۋدانىن دا قوسۋعا بولادى. ستالينگراد – قازاق دالاسىنىڭ اتالعان وڭىرلەرىنە وتە جاقىن تۇردى. مىسالى, جانىبەكتەن ۆولگوگراد قالاسىنا اۆتوكولىكپەن بارۋعا ءۇش-ءتورت ساعات قانا ۋاقىت كەتەدى ەكەن.
جوعارىدا ايتىلعانداي ستالينگراد قازاقستانعا ەڭ جاقىن ورنالاسقان مايدان بولعاندىقتان, بۇل شايقاسقا قازاقستاندىقتاردىڭ قاتىسۋ ۇلەسى دە باسقا مايداندارمەن سالىستىرا قاراعاندا كوبىرەك بولعانىنا كوز جەتكىزۋ قيىن ەمەس. قازتالوۆ اۋدانىندا جەڭىس مەرەكەسى قارساڭىندا جۇرگىزىلىپ جاتقان تاربيە جانە پاتريوتتىق جۇمىستارىنىڭ ءبىر تارماعى ءدال وسى تۇستان تامىر تارتادى.
ستالينگراد مايدانىنا قاراستى داڭقتى №62 ارميانىڭ قۇرامىندا ءتورت مىڭعا جۋىق قازاق بولعان ەكەن. ستالينگراد تۇبىندەگى ۇرىستار كەزىندە 112 ادامعا كەڭەس وداعىنىڭ باتىرى اتاعى بەرىلسە, ونىڭ تورتەۋى قازاقستاندىق ەكەنىن دە بىلە جۇرگەننىڭ ارتىقشىلىعى جوق. ولار – ۇشقىش ن.ءابدىروۆ, پولك كومانديرى ت.پوزولوتين, ۆزۆود كومانديرى گ.راماەۆ جانە مينومەتشى ت.سىپاتاەۆ. بۇعان قوسارىمىز ستالينگراد شايقاسىنا قاتىسىپ كوز جۇمعاندار جەڭىستىڭ بولاتىنىنا كامىل سەنگەنىن ولاردىڭ ماماي قورعانى قابىرعاسىنا جازىپ كەتكەن سوزدەرىنەن بايقاۋعا بولادى. ولار قاتەلەسكەن جوق ەدى. ويتكەنى, ستالينگراد شايقاسى ۇلى وتان سوعىسىنىڭ بارىسىنا كۇرت بەتبۇرىس اكەلىپ, ەڭ العاش رەت جەڭىسكە دەگەن سەنىمدى جاقىنداتا تۇسكەنى تاريحتان بەلگىلى.
ستالينگراد شايقاسى كەزىندە قازاقتار ەرلىكتىڭ تاماشا ۇلگىلەرىن كورسەتكەن. ولاردىڭ جۇرەكجۇتقاندىعى مەن باتىلدىعىنا, جاۋمەن ارىستانشا ارپالىسقان شالت ءىس-قيمىلدارىنا ستالينگرادتىقتار دا ءدان ريزا بولعان ەكەن. ستالينگراد-ۆولگوگراد قالاسىنىڭ ءبىر كوشەسىنە قازاق اتاۋىنىڭ بەرىلۋى ولاردىڭ ءبىزدىڭ اتا-اعالارىمىزعا دەگەن سۇيىسپەنشىلىگى مەن ريزاشىلىعىنىڭ ءبىر كورىنىسى.
– تاياۋدا قازتالوۆ جانە جانىبەك اۋداندارىنىڭ وكىلدەرى قاھارمان قالا ۆولگوگرادقا بارىپ قايتتى. مۇنى العاشقى ءىزاشار دەپ باعالاعان ورىندى. ويتكەنى, باستى ساپار الدىمىزداعى ءساۋىر ايىنا جوسپارلانعان. بۇل ۇلكەن دەلەگاتسيانىڭ نەگىزگى قۇرامىن ستالينگراد شايقاسىنا اتالعان اۋدانداردان قاتىسقان مايدانگەرلەردىڭ كەيىنگى ۇرپاقتارى قۇرايدى. وسى ارقىلى كەشەگى سۇراپىل سوعىستا شەيىت كەتكەن بوزداقتار مەن اعا ۇرپاقتى رۋحىنا تاعزىم ەتكەندى ويلاستىرىپ وتىرمىز, – دەيدى قازتالوۆ اۋدانى اكىمىنىڭ ورىنباسارى ءزايلىم ءماجيتوۆا.
جۋىردا وبلىس ورتالىعىندا «قازتالوۆ وتتى جىلداردا» اتتى دەرەكتى بەينەتۇسىرىلىمنىڭ تۇساۋكەسەر ءراسىمى وتكىزىلدى. ونىڭ سوڭى «ەرلىك جىرى – ەلدىكتىڭ ەسكەرتكىشى» اتتى تاقىرىپتىق كونتسەرتكە ۇلاستى. بۇل شالعايداعى قازتالوۆ اۋدانىندا بيىلعى جىلدىڭ باسىندا باستالعان « ۇلى ەرلىككە – ماڭگىلىك تاعزىم» اتتى مەكەمە-كاسىپورىن ۇجىمدارى قويعان فەستيۆالدىڭ قورىتىندىسىنداي اسەر قالدىردى. ءتۇيىپ ايتقاندا, ءبىز جەڭىستىڭ 70 جىلدىعىن اتاپ ءوتۋدى مازمۇندى دا ماعىنالى, ءتالىمدى دە تاربيەلى ىستەر ارناسىنا باعىتتاي بىلگەن قازتالوۆ اۋدانى اكىمدىگى مەن جۇرتشىلىعىنىڭ ءتاستۇيىن ازىرلىكتەرىن وقىرماندار نازارىنا ۇسىنعاندى ءجون كوردىك.
تەمىر قۇسايىن,
«ەگەمەن قازاقستان».
باتىس قازاقستان وبلىسى,
قازتالوۆ اۋدانى.
سۋرەتتە: جەڭىس مەرەكەسىنە ازىرلىك ءساتىنەن كورىنىس.
سوڭعى جاڭالىقتار
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
