بىلىكتى مامان – زامان تالابى

قازىرگى تاڭدا مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى مەملەكەتتىك قىزمەت سالاسىنداعى مەملەكەتتىك مەنەدجمەنتتى ەنگىزۋ تۋرالى  ەلباسىنىڭ تاپسىرماسىنا سايكەس زاماناۋي, كاسىبي, دەربەس مەملەكەتتىك اپپاراتتى قۇرۋ جۇمىستارىن جەتىلدىرۋدە. ولار مەملەكەتتىك قىزمەتتىڭ جاڭا مودەلىنىڭ ەكىنشى كەزەڭىندە قويعان تاپسىرمالارىنا سايكەس بولادى. بۇل جونىندە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى سايان احمەتجانوۆ مالىمدەدى. «مەملەكەتتى ءتيىمدى باسقارۋدى دامىتۋ» تاقىرىبىنداعى جيىندا مەملەكەتتىك اپپاراتتاردىڭ كاسىبيلىگىن ارتتىرۋ تەتىكتەرى ءسوز بولدى. قوسىمشا مەملەكەت قىزمەتكەرلەرىنىڭ جالاقىسىن كوتەرۋ مəسەلەسىنە بونۋستىق جۇيەنى قۇرۋ ءۇشىن مەملەكەتتىڭ تولەماقى جۇيەسىن جەتىلدىرۋ مəسەلەسى بويىنشا جارلىق əزىرلەۋدەمىز. Əر مەملەكەتتىك قىزمەتكەر ءوزىنىڭ قىزمەت ەتەتىن جۇمىس ورنىنىڭ تيىمدىلىگىن كۇشەيتۋگە مۇددەلى بولۋى ءتيىس», دەدى س.احمەتجانوۆ. كەلەسى كەزەكتە جەمقورلىققا تاۋەكەلدىلىكتى انىقتاۋ جانە تالداۋ باسقارماسىنىڭ باسشىسى دينارا جانەنوۆا ءسوز الىپ, مەملەكەتتىك قىزمەتكە بايلانىستى بىلىكتىلىك تالابىن ارتتىرۋدى كوزدەيتىندەرىن ايتتى. ونىڭ ايتۋىنشا,  تاپ قازىرگى تاڭدا جۇمىسكەرلەردىڭ تەك جۇمىستىق تاجىريبەسى مەن جوعارى بىلىمىنە عانا ءمان بەرىلەدى. ال ۋاقىت ساناپ مامانداردىڭ بىلىكتىلىگىنە دەگەن سۇرانىستىڭ ارتىپ جاتقاندىعىن تىلگە تيەك ەتكەن ول, مەملەكەتتىك قىزمەتكە ۇمىتكەرلەردە شەتەلدىك ءبىلىمنىڭ بولۋى كەرەك ەكەندىگىن قوسا ايتتى. ءبىز بارلىق مەملەكەتتىك قىزمەتتەرگە فۋنكتسيالىق شولۋ جاساپ كوردىك, وسىنى نازارعا الا وتىرىپ, بەيىندى قۇزىرەتتىلىكتەردى ازىرلەيتىن بولامىز. وسىنىڭ ارقاسىندا  مەملەكەتتىك قىزمەتكە ۇمىتكەرلەردىڭ تالابىن جەتىلدىرە الامىز, دەدى د. جانەنوۆا. سونىمەن قاتار, دينارا تولەگەنقىزى مەملەكەتتىك قىزمەتكە بارىنشا تالانتتى جانە كاسىبي مامانداردى تارتۋعا ىنتالى ەكەندىكتەرىن جەتكىزدى. ايتار بولساق, جۇمىسقا «بولاشاق» تۇلەكتەرىن,  جوعارى وقۋ ورنىن بىتىرگەن دارىندى جاستاردى تارتۋ كەرەكتىگىن ايتىپ ءوتتى. ونىڭ ايتۋىنشا, ءار مەملەكەتتىك قىزمەتكەرگە ءوزىن بولاشاقتا قاي قىزمەتتە كورگىسى كەلەتىندىگىنە بايلانىستى «مانساپ كارتاسى»  جاسالاتىن بولادى. جانە وعان جەتۋ جولىنداعى باعىتتار كورسەتىلەدى. بۇل ماسەلە توڭىرەگىندە ازاماتتاردىڭ ءوزىن ءوزى العا جەتەلەپ, بىلىكتىلىگىن ارتتىرا تۇسۋىنە ۇلكەن دەم بولاتىندىعىنا توقتالدى. سونداي-اق, ولاردىڭ كۇش-قارىمىن ارتتىرۋدا ماماندارعا شەت ەلدەردە تاجىريبەدەن وتۋگە, تالىمگەرلىك جاساۋعا جانە ارنايى باعدارلامالار اياسىندا وقىپ, ءبىلىمىن جەتىلدىرۋگە مول مۇمكىندىكتەر جاسالاتىندىعىن جەتكىزدى. سونداي-اق, اگەنتتىكتىڭ كەلىسىمىمەن ءوتۋى ءتيىس كادرلىق قىزمەتتەردىڭ باسشىلارىن تاعايىنداۋ ماسەلەسى نازاردا, دەگەن ول,  مۇنىڭ تاساسىندا باسشىلاردىڭ قانداي دا ءبىر سۋبەكتيۆتى شەشىم شىعارۋىنا توسقاۋىل بولۋعا ۇلەس قوساتىندىعىن ايتتى. سوندا تۇسىنىسپەۋشىلىك سالدارىنان ورىن الىپ جاتاتىن سەبەپسىز بوساتۋلار مەن بەلگىسىز اۋىستىرۋلارعا دۋشار بولاتىن قىزمەتكەرلەردىڭ قۇقىعىن قورعاۋعا كادرلىق قىزمەت شىنايى سەپتەسەر ەدى, دەپ تۇيىندەدى ول ءسوزىن. ەلميرا ماتىباەۆا, «ەگەمەن قازاقستان».