شىعىس قازاقستاننىڭ سپورتشىلارى وليمپيادادان ولجالى ورالدى

وسكەمەن. 25 تامىز. ەلىمىزدىڭ تاريحىندا العاش رەت وتانداستارىمىز اقش-تا وتكەن XIV ارنايى جازعى وليمپيادا ويىندارىنا ات ويىندارى بويىنشا قاتىستى. مارتەبەلى جارىستا شىعىسقازاقستاندىق ءتورت سپورتشى 8 مەدال جەڭىپ الدى. ونىڭ ىشىندە 2 التىن, 5 كۇمىس جانە 1 قولا مەدال بار. بۇل تۋرالى egemen.kz ءتىلشىسى حابارلادى. بىلتىر شىعىس وڭىرىنەن شىققان تۇلپارتەراپياشىلار توبى ماسكەۋدە وتكەن جارىستان دا جۇلدەلى قايتقان بولاتىن. وليمپيادادان دا ولجالى ورالعان سپورتشىلاردى جەرلەستەرى اۋەجايدان ۇلكەن قوشەمەتپەن كۇتىپ الدى. «سىزدەر وليمپيادا ويىندارىندا مەملەكەت مارتەبەسىن كوتەردىڭىزدەر. العاشقى كۇنى-اق التىن مەدال ولجالاي وتىرىپ, سپورتشىلارىمىزعا دەم بەردىڭىزدەر. ءبىز ءاردايىم جەڭىمپازدارىمىزبەن ماقتانامىز! سىزدەرگە جاڭا شىڭداردى باعىندىرۋلارىڭىزعا تىلەكتەسپىز», – دەدى پارلامەنت ءماجىلىسىنىڭ دەپۋتاتى نيكولاي كۋزمين. لوس-اندجەلەس قالاسىندا وتكەن ارنايى وليمپيادا ويىندارى ەكى اپتاعا سوزىلعان بولاتىن. اتالعان ۋاقىتتا جەرلەستەرىمىز الەمنىڭ ءار تۇكپىرىنەن كەلگەن 125 سپورتشى-شاباندوزبەن «ءجۇرىس», «سوقپاق» سىندى ارنايى باعدارلامالار بويىنشا سايىسقا ءتۇستى. جاتتىقتىرۋشىلاردىڭ ايتۋىنشا, وليمپيادا كەزىندە قازاقستاندىق سپورتشىلار بوگدە جىلقىلارعا مىنسە دە, جانۋارلاردى جاتسىنباي, جەڭىسكە بىرگە جەتە ءبىلدى. ايتا كەتەيىك, وليمپياداعا جەر-جاھاننىڭ بارلىق تۇكپىرىنەن سپورتتىڭ 15 ءتۇرى بويىنشا 7 مىڭ سپورتشى قاتىسسا, ونىڭ ىشىندە 72 قازاقستاندىق ەل ابىرويىن لايىقتى قورعادى. دۋمان اناش. دەرەك, سۋرەت: egemen.kz.