فوتو: Shutterstosk
O Globo باسىلىمىنىڭ حابارلاۋىنشا, وقيعا 14 ءساۋىر كۇنى برازيليانىڭ باس شاھارى ريو-دە-جانەيرودا بولعان. جەرگىلىكتى دەرەكتەرگە سايكەس, كۇدىكتى بىرنەشە سىبايلاسىمەن بىرگە تۋريستىك ايماقتاردا جۇمىس ىستەپ, شەتەلدىكتەرگە كوشە تاعامدارىن ۇسىنىپ جۇرگەن. وسى جولى ولاردىڭ قۇربانى ۇلىبريتانيادان كەلگەن ايەل بولعان. العاشىندا تاعام باعاسى 100 رەال دەپ كورسەتىلگەنىمەن, تولەم جاساۋ كەزىندە تەرمينالدا مۇلدەم باسقا – 10 مىڭ رەال سوماسى شىققان.
پوليتسيانىڭ مالىمەتىنشە, ۇستالعان ساتۋشى بۇرىن دا قۇقىق قورعاۋ ورگاندارىنىڭ نازارىنا ىلىككەن. قىلمىستىق توپ تۋريستەر كوپ شوعىرلاناتىن جەرلەردە ادەيى شەتەلدىكتەردى نىساناعا العان. ۆەدومستۆو وكىلدەرى كوشە ساۋداگەرلەرىنىڭ جەتكىلىكتى دەڭگەيدە باقىلانباۋى وسىنداي قۇقىقبۇزۋشىلىقتارعا جول اشىپ وتىرعانىن اتاپ ءوتتى.
برازيليادا الەم چەمپيوناتى كەزىندە ستاديون ورتەندى: سپورتشىلار امان با؟
تەرگەۋ بارىسىندا الاياقتىقتىڭ نەگىزگى ءتاسىلى انىقتالدى. ساتۋشىلار تولەم تەرمينالىنداعى سومانى ادەيى وزگەرتىپ, ساتىپ الۋشىنى جاڭىلىستىرعان. اسىعىس ارەكەت ەتكەن تۋريستەر ەكرانداعى مالىمەتتى تەكسەرمەستەن PIN-كود ەنگىزىپ, ءىرى سومادان ايىرىلىپ قالعان.
ماماندار ساياحاتشىلارعا قاراپايىم قاۋىپسىزدىك ەرەجەلەرىن ساقتاۋدى ۇسىنادى. اتاپ ايتقاندا, تولەم الدىندا تەرمينالداعى سومانى مۇقيات تەكسەرۋ, بانك حابارلامالارىن قوسۋ, كۇماندى ساتۋشىلارعا كارتامەن تولەم جاساماۋ جانە قۇجاتتاردى قاۋىپسىز جەردە ساقتاۋ قاجەت.
