2026 جىلعى 16 ساۋىردە باستاماشىل توپتىڭ اتىنان ۇسىنىلعان قۇجاتتار پاكەتى ەلدىڭ بارلىق ءوڭىرىن قامتىدى. اتاپ ايتقاندا, بارلىق وبلىستاردان, رەسپۋبليكالىق ماڭىزى بار قالالار مەن استانادان جينالعان 700-دەن استام ازامات جاڭا ساياسي بىرلەستىك قۇرۋعا نيەت ءبىلدىرىپ وتىر. ۇيىمداستىرۋشىلاردىڭ مالىمەتىنشە, قاجەتتى ىلەسپە قۇجاتتاردىڭ بارلىعى زاڭ تالاپتارىنا ساي راسىمدەلىپ, ۋاكىلەتتى ورگانعا تولىق كولەمدە تاپسىرىلعان.
وسىلايشا, «ادىلەت» پارتياسىنىڭ ۇيىمداستىرۋ كوميتەتى رەسمي تۇردە ءوز قىزمەتىنە كىرىستى. الداعى كەزەڭدە قۇرىلىمدىق جۇمىستار جۇرگىزىلىپ, پارتيانىڭ باعدارلامالىق ۇستانىمدارى ناقتىلانباق.
ۇيىمداستىرۋشىلاردىڭ جوسپارىنا سايكەس, 2026 جىلعى مامىر ايىنىڭ باسىندا پارتيانىڭ قۇرىلتاي سەزىن وتكىزۋ كوزدەلىپ وتىر. جيىندا پارتيانىڭ نەگىزگى باعىتتارى بەكىتىلىپ, باسقارۋ ورگاندارى سايلانۋى مۇمكىن. قۇرىلتاي سەزىنىڭ ناقتى كۇنى مەن وتەتىن ورنى تۋرالى قوسىمشا حابارلاناتىنى ايتىلدى.
