فوتو: قتف
شتۋتگارت WTA 500 ءتۋرنيرى شەڭبەرىندە جارىستى ەكىنشى اينالىمنان باستاعان قازاقستان تەننيسشىسى رەسەيلىك ديانا شنايدەرمەن كورتتا جولىقتى. الەمنىڭ 2-راكەتكاسى سانالاتىن رىباكينا قارسىلاسىنان ايقىن باسىم ءتۇسىپ, ماتچتى ەكى سەتتە اياقتادى.
العاشقى پارتيادا وتانداسىمىز 4:1 ەسەبىمەن العا شىعىپ, ويىن تىزگىنىن تولىق ءوز قولىندا ۇستادى – 6:3. ەكىنشى سەت تارتىستى ءوربىدى. ەسەپ 4:4 بولعان تۇستا رىباكينا شەشۋشى برەيك جاساپ, پارتيانى 6:4 ەسەبىمەن ءوز پايداسىنا شەشتى.
ءبىر ساعات 14 مينۋتقا سوزىلعان كەزدەسۋدە ەلەنا رىباكينا 9 ەيس جاساپ, 4 برەيك-پوينتتىڭ 2-ءىن ءتيىمدى پايدالاندى. ال قارسىلاسى نەبارى 1 ەيسپەن شەكتەلدى.
ەندى قازاقستان تەننيسشىسى جارتىلاي فينال جولداماسى ءۇشىن الەمنىڭ 25-راكەتكاسى, كانادالىق لەيلا فەرناندەس نەمەسە رەيتينگتە 79-ورىندا تۇرعان تۇركيالىق زەينەپ سەنمەزءدىڭ قاي جەڭگەنىمەن كەزدەسەدى.
ايتا كەتەيىك, ەلەنا رىباكينا 2024 جىلى وسى تۋرنيردە توپ جارعان. ال وتكەن ماۋسىمدا قازاقستان قۇراماسى ساپىندا ونەر كورسەتۋىنە بايلانىستى جارىسقا قاتىسا الماعان ەدى. سوندىقتان بيىلعى دودادا رەيتينگىلىك ۇپاي قورىن ەسەلەۋگە مۇمكىندىك مول.
