پاپۋا-جاڭا گۆينەيادا ادام ەتىن جەدى دەگەن كۇدىكپەن 54 تۇرعىن قولعا ءتۇستى

استانا. 25 تامىز. پاپۋا-جاڭا گۆينەيادا ادام ەتىن جەۋمەن اينالىستى دەگەن كۇدىكپەن 54 جەرگىلىكتى ازامات قولعا ءتۇستى. بۇل تۋرالى National باسىلىمىنا سىلتەمە جاساعان تاسس حابارلادى. كۇدىكتىلەردى تۇتقىنداۋ وپەراتسياسى دامەر جانە ۆايدابودولو ەلدى مەكەندەرىندە جۇرگىزىلدى. سەبەبى, بۇل اۋىل ونداعان جىل بويى سىرتقى الەمنەن تىس, جابىق ساياسات ۇستانىپ كەلگەن بولاتىن. ارنايى وپەراتسياعا 35 اسكەري جانە پوليتسەي قاتىستى. باتىس ايماعى قۇقىق قورعاۋ ورگاندارى وكىلدەرىنىڭ حابارلاۋىنشا, فلاي وزەنىنىڭ ساعاسىنداعى زاڭسىزدىقتار تۋرالى مالىمەتتەر 2009 جىلدان بەرى كەلىپ تۇسۋدە. «ءبىرىنشى كەزەكتە شاعىمدار كۇندەلىكتى تۇرمىستا ادام ەتىن جەۋ جانە قۇپيا ءدىني جورالعىنىڭ تارالۋى تۋرالى بولدى. كەلىپ تۇسكەن دەرەكتەرگە قاراعاندا, بەلگىسىز نانىم ادامنىڭ باسىن كەسىپ الۋعا جانە ۇيلەردى ورتەپ جىبەرۋگە ۇگىتتەيدى ەكەن», – دەيدى پوليتسيا باسشىسى سيلۆا سيكا. جالپى, كاننيباليزم پاپۋا-جاڭا گۆينەيادا وزەكتى ماسەلەلەردىڭ ءبىرى. وعان حالىقتىڭ باسىم بولىگىنىڭ سيقىردىڭ كۇشىنە سەنەتىنى سەبەپ بولىپ وتىر. ەلامان قوڭىر. دەرەك: تاسس. سۋرەت: reuters.com.