ەلباسىمىز ن.نازارباەۆ جاقىندا عانا جامبىل وبلىسىنا كەلگەن ساپارىندا تاراز حيميا-تەحنيكالىق كوللەدجىنىڭ جۇمىسىمەن تانىسىپ, دۋالدى جۇيەگە مەيلىنشە دەن قويۋدى اتاپ وتكەن بولاتىن. شىنىندا, ۇدەمەلى يندۋستريالىق-يننوۆاتسيالىق دامۋ جونىندەگى باعدارلامانىڭ ءجۇزەگە اسىرىلۋى الدىمەن ونەركاسىپ ورىندارىنا بايلانىستى دەسەك, كاسىپورىنداردىڭ دامۋى تەحنيكالىق جانە كاسىپتىك ءبىلىمى بار بىلىكتى ماماندارعا تاۋەلدى. ايتالىق, اۆستراليا, بەلگيا, نيدەرلاندىدا وقۋشىلاردىڭ 70 پايىزى جۇمىسشى ماماندىعىن مەڭگەرەتىن بولسا, گەرمانيا, شۆەيتساريا, نورۆەگيا, شۆەتسيا ەلدەرىندە بۇل كورسەتكىش 60 پايىزدى قۇرايدى. ياعني, دامىعان ەۋروپالىق مەملەكەتتەردە جۇمىسشى ماماندىقتارىنا كوڭىل بولىنەدى.
ەلىمىزدە كاسىپتىك-تەحنيكالىق ماماندىقتاردى تاڭداۋشىلار قاتارى 10 پايىزدان اسپاي وتىرعاندىقتان وقىتۋدىڭ دۋالدى جۇيەسىن ەنگىزۋدىڭ ۇلتتىق مودەلىن قالىپتاستىرۋ مەن مەملەكەت ەكونوميكاسىنىڭ يننوۆاتسياسىنا بىلىكتى مامانداردى دايارلاۋدىڭ ماڭىزدىلىعى, ونەركاسىپ پەن وقۋ ورىندارىنىڭ اراسىنداعى بايلانىستى نىعايتۋ تەحنيكالىق جانە كاسىپتىك ءبىلىم بەرۋدە تۋىنداپ وتىرعان ماسەلەلەردىڭ ءبىرى. قازىرگى قازاقستان ءۇشىن بۇل وزەكتى ماسەلەنى شەشۋ تەحنيكالىق جانە كاسىپتىك ءبىلىم بەرۋ ۇيىمدارىنىڭ وقىتۋ پەداگوگتارىنىڭ ارنايى كاسىپتىك دايىندىعىن قاجەت ەتەدى. وسىعان وراي, «ورلەۋ» باۇو» اق فيليالى جامبىل وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى دۋالدى وقىتۋ جۇيەسى تۋرالى جوعارى كاسىپتىك قۇزىرەتتىلىگىن ارتتىرۋعا, تاجىريبە الماسۋ, ماسەلەلەردىڭ شەشۋ جولدارىن قاراستىرۋعا باعىتتالعان تەحنيكالىق جانە كاسىپتىك ءبىلىم بەرۋ مەكەمەلەرىنىڭ وقىتۋشىلارىنىڭ بىلىكتىلىگىن ارتتىرۋ كۋرستارىن ۇيىمداستىرۋدا. وبلىسىمىزدا وتكەن جىلدىڭ 1 قىركۇيەگىنەن باستاپ دۋالدى وقىتۋ جۇيەسىن ەنگىزۋدە ەكسپەريمەنتتىك الاڭ مارتەبەسىن 25 تەحنيكالىق جانە كاسىپتىك ءبىلىم مەكەمەلەرى الدى. وسى كوللەدجدەردىڭ جۇمىستارىمەن تانىسۋ, دۋالدى وقىتۋ جۇيەسىن ەنگىزۋدەگى الەۋمەتتىك سەرىكتەستەردىڭ ءرولىن جانە ءوندىرىستەردەگى وقۋشىلاردىڭ تەوريالىق بىلىمدەرىن پراكتيكادا قولدانۋلارىن زەردەلەۋ ماقساتىندا كۋرس تىڭداۋشىلارىنا كوشپەلى تاجىريبەلىك ساباقتار ۇيىمداستىرىلۋدا.
مىسالعا, جامبىل پوليتەحنيكالىق جانە №1 كوللەدجدە وتەتىن تاجىريبەلىك ساباقتار تىڭداۋشىلارعا مەملەكەتتىڭ, بيزنەس پەن بولاشاق ماماننىڭ مۇددەلەرىن بىرىكتىرەتىن دۋالدى وقىتۋ جۇيەسىنىڭ مودەلىمەن تانىسۋعا, دۋالدى وقىتۋ جۇيەسىن ەنگىزۋدە تۋىنداعان قيىندىقتار مەن ولاردىڭ شەشۋ جولدارىن قاراستىرۋعا قاتىستى ءماسەلەلەردى شەشۋگە مۇمكىندىك بەرۋدە. الەۋمەتتىك سەرىكتەستىڭ دۋالدى وقىتۋ جۇيەسىن ەندىرۋدەگى تاجىريبەسىن زەردەلەۋ, كاسىبي بىلىكتى كادرلاردى دايىنداۋدا الەۋمەتتىك سەرىكتەستىكتىڭ ءرولى تۋرالى سۇراقتار اياسىندا «قازفوسفات» (ججفز) جشس-ءنىڭ وقۋ ورتالىعىندا وتەتىن ساباقتاردا قاراستىرىلادى. مۇنداي تاجىريبەلىك ساباقتار تىڭداۋشىلاردىڭ بىلىكتىلىكتەرىن ارتتىرىپ قانا قويماي, تەحنيكالىق جانە كاسىپتىك ءبىلىم بەرەتىن مەكەمەلەردە دۋالدى وقىتۋ جۇيەسىن ەنگىزۋدە جاسالىنىپ جاتقان جۇمىستاردى نىعايتا تۇسۋگە قوسىمشا سەرپىن بەرەدى.
گاۋھار تاجىباەۆا, جامبىل وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى باسقارۋ جانە ءبىلىم ساپاسى كافەدراسىنىڭ اعا وقىتۋشىسى.
