19

قىزىلوردا وبلىسىندا جىل باسىنان بەرى وسىنشا مۇگەدەك ادام جەكە كاسىبىن اشۋعا نەسيە الدى مۇمكىندىگى شەكتەۋلى ادامدار قوعامنان قا­تىگەزدىك كورمەۋى ءتيىس. ولار دا ءاربىر دەنى ساۋ ادام سەكىلدى جۇمىسىن ىستەپ, وتباسىن اسىراپ, قاجەتتى كومەكتى الۋى كەرەك. سوڭعى جىلدارى مەم­لەكەت مۇگەدەكتەردىڭ قۇقىن قورعاۋدا, ولاردى الەۋمەتتىك قولداۋدا, جۇمىسپەن قامتۋدا كوپ­تە­گەن شارۋا اتقارىپ كەلەدى. تاياۋدا قىزىلوردا وبلىسى اكىمدىگىندە مۇگەدەكتەردى الەۋمەتتىك قورعاۋ سالاسىنداعى وبلىستىق ۇيلەستىرۋ كەڭەسىنىڭ وتىرىسى ءوتتى. مۇمكىندىگى شەكتەۋلى جانداردىڭ وزدەرىن وزگەدەن كەم سەزىنبەۋى ءۇشىن الەۋمەتتىك ماسەلەسى دۇرىس بولۋى قاجەت. وسى ورايدا وبلىستا 2013 جىلدان باستاپ مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى «جول كارتاسى» جۇزەگە اسىرىلىپ كەلەدى. جيىندا 2014-2015 جىلدارعا ارنالعان «جول كارتاسىنىڭ» ورىندالۋى بويىنشا وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى جازيرا جىلقىشيەۆا بايانداما جاسادى. بۇگىندە جالپى وبلىس بويىنشا 27 مىڭنان استام مۇگەدەك بار. ولاردىڭ 4289-ى وكىنىشكە قاراي 18 جاسقا دەيىنگى بالالاردىڭ ۇلەسىندە.  مۇمكىندىگى شەكتەۋلى جانداردىڭ ءومىرىن جەڭىلدەتۋ ماقساتىندا قابىلدانعان «جول كارتاسى» بويىنشا 2014-2015 جىلدارعا 8,1 ميلليارد تەڭگە قارجى بولىنگەن. سونداي-اق, بۇگىنگى تاڭدا جۇمىسپەن قامتۋ ورتالىقتارى ارقىلى 354 مۇمكىندىگى شەكتەۋلى ادامدار, ونىڭ ىشىندە 147 مۇگەدەك تۇراقتى, 188 مۇگەدەك ۋاقىتشا جۇمىسپەن قامتىلدى  جانە  19 مۇگەدەك جان جەكە ءىسىن اشۋعا نەسيە الدى. ايتا كەتۋ كەرەك, قازىر وبلىستىڭ بارلىق اۋدانىندا «الەۋمەتتىك تاكسي» قىزمەت ەتەدى. سونداي-اق, قىزىلورداعا جاڭادان اكەلىنگەن 30 قوعامدىق اۆتوبۋستا مۇگەدەكتەردىڭ ءمىنىپ-تۇسۋىنە جاعداي جاسالعان. الداعى ۋاقىتتا وسىنداي 100-گە جۋىق اۆتوبۋس الىنادى. وتكەن جىلى مۇگەدەكتەرگە ارنالعان 7 اۋلا كلۋبى اشىلسا, بيىلعى جىلى العاش رەت قارماقشى, سىرداريا جانە جاڭاقورعان اۋداندارىندا كۇندىزگى بولۋ بولىمشەلەر جەلىسى اشىلىپ, جۇمىس جاساۋدا. جيىن سوڭىندا وبلىس اكىمى قىرىمبەك كوشەرباەۆ ءتيىستى سالا باسشىلارىنا «جول كارتاسى» اياسىنداعى  جۇمىستاردىڭ جۇزەگە اسىرىلۋى, ەڭبەككە قابىلەتتى ءمۇم­كىندىگى شەكتەۋلى جانداردى تۇراقتى جۇمىسپەن قامتۋ, ولاردىڭ قاجەتتى نىسان­دارعا قولجەتىمدىلىگىن قامتا­ماسىز ەتۋ تۋرالى ناقتى تاپسىرمالار بەردى. ەرجان بايتىلەس, «ەگەمەن قازاقستان». قىزىلوردا.