فوتو: اشىق دەرەككوز
ءىس اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالىپ جاتىر.
ايىپتالۋشى سوتتا قىلمىس جاساعاننان كەيىن ەلدەن كەتۋ تۋرالى شەشىم قابىلداعانىن ايتتى.
«تۇركياعا قاشىپ كەتۋدى ۇيعاردىم. جاسىرىنىپ ءجۇرۋدى ماقسات ەتپەدىم. تەك قۇدايدان كەشىرىم سۇراعىم كەلدى. نە ىستەگەنىمدى ءتۇسىندىم. 10 قاراشادان كەيىن تۇركيا ارقىلى مەككەگە باردىم. ول جاقتا شامامەن ون كۇندەي بولدىم. ءتىپتى سول جەردە ءوز-وزىمە قول جۇمساۋ تۋرالى وي كەلدى. ويتكەنى مەنى قۇدايدان باسقا ەشكىم تۇسىنبەيدى دەپ ويلادىم. بىراق ولار دا كىنالى دەپ ەسەپتەيمىن, مەن ولاردى سەبەپسىز ولتىرگەن جوقپىن», دەدى ايىپتالۋشى.
تەرگەۋ نۇسقاسىنا سايكەس, قايعىلى وقيعا 2025 جىلدىڭ سوڭىندا جانگەلدين اۋىلىندا بولعان. سول كەزدە وتباسىنىڭ ءتورت مۇشەسى – اتا-اناسى, ۇلى مەن قىزى ءىز-ءتۇزسىز جوعالىپ كەتكەن.
ايىپتاۋ تاراپىنىڭ مالىمەتىنشە, كۇدىكتى وزىنە كۇمان تۋعىزباۋ ءۇشىن تۋىستارى ەمدەلۋگە كەتىپ قالعان دەگەن اقپارات تاراتقان. سونىمەن قاتار مارقۇم بولعان 32 جاستاعى بالدىزى ناۋرىزدىڭ اتىنان تۋىستارىمەن حابارلاسىپ, مەسسەندجەرلەر ارقىلى حات جازىپ وتىرعان.
2026 جىلعى 6 قاڭتاردا ەگدە جاستاعى ەرلى-زايىپتىلاردىڭ مايىتتەرى ءوز ۇيلەرىنىڭ اۋلاسىنداعى سارايدان تابىلعان. وسىدان كەيىن كۇدىكتى حالىقارالىق ىزدەۋگە جاريالانعان.
اقپان ايىنىڭ سوڭىندا سارسەماليەۆ جۇبايىمەن بىرگە يندونەزياداعى بالي ارالىندا ۇستالىپ, كەيىن قازاقستانعا ەكستراديتسيالاندى.
قايتا جۇرگىزىلگەن تەرگەۋ بارىسىندا ول كىناسىن مويىنداپ, ايەلىنىڭ ەكى باۋىرىنىڭ مايىتتەرى جاسىرىلعان ورىندى كورسەتكەن.
قازىرگى ۋاقىتتا ءىس بويىنشا سوت پروتسەسى جالعاسىپ جاتىر.
