تۇركىستانداعى «قۋانىش» بازارى ورتەندى

استانا. 2 ناۋرىز. وڭتۇستىك قازاقستان وبلىسى تۇركىستان قالاسىنداعى «قۋانىش» ورتالىق بازارى ورتەندى. بۇل تۋرالى وبلىستىق توتەنشە جاعدايلار جونىندەگى ءباسپاسوز قىزمەتى حابارلادى. ءورتتى اۋىزدىقتاۋعا 16 دانا نەگىزگى ءورت ءسوندىرۋ تەحنيكاسى, 134 جەكە قۇرام مەن ءورتتى سوندىرۋگە سۋ جەتكىزىپ تۇرۋ ءۇشىن «اقجول» جانە «تۇركىستان سۋ» جشس-تەرىنەن 2 دانا 20 جانە 8 توننالىق كولىكتەر جۇمىلدىرىلعان. ورت 600 شارشى مەتر اۋماقتى جايلاعان. وقيعا سالدارىنان اتالعان بازاردىڭ ءبىر كاسىپكەرى دەنە كۇيىگىن الىپ, تۇركىستان قالالىق اۋرۋحاناسىنا جەتكىزىلدى. ءورت ورنىن وقشاۋلاۋ جانە بازارداعى م ۇلىكتەردى تالان-تاراجعا تۇسىرمەۋ ءۇشىن تۇركىستان قالاسىنىڭ ىشكى ىستەر باسقارماسىنان 231 قىزمەتكەر جۇمىلدىرىلعان. قىزىل جالىن 7 ساعات 48 مينۋتتا وقشاۋلانىپ, 09 ساعات 37 مينۋتتا تولىقتاي ءسوندىرىلدى. ءورتتىڭ شىعۋ سەبەبى مەن كەلتىرىلگەن ماتەريالدىق شىعىننىڭ كولەمى انىقتالۋدا. انىقتاۋ جۇمىستارىن وبلىستىق ىشكى ىستەر دەپارتامەنتىنىڭ قىزمەتكەرلەرى جۇرگىزۋدە. جولدىباي بازار. دەرەك: وڭتۇستىك قازاقستان وبلىستىق توتەنشە جاعدايلار جونىندەگى ءباسپاسوز قىزمەتى. سۋرەت: alashainasy.kz.