فوتو: سالي سابيروۆ/ۇوك
لوندون وليمپياداسىنىڭ چەمپيونى سەرىك ساپيەۆتىڭ ايتۋىنشا, وليمپيادالىق تسيكل اياقتالعاننان كەيىن جاڭا دايىندىق كەزەڭى باستالادى. سوندىقتان جاڭا كەلىسىمشارت قاجەت بولادى. بۇل قۇجات سپورتشىنىڭ وقۋ-جاتتىعۋ جيىندارىنا قاتىسۋىنا, حالىقارالىق جارىستارى مەن دايىندىق پروتسەسىنە جۇمسالادى.
«وليمپيادادان كەيىن ءبىز مەملەكەت تاراپىنان قاراستىرىلعان جۇلدەلى ورىندارعا ارنالعان ماراپاتتاردى الامىز. ماراپات ءتىپتى التىنشى ورىنعا دەيىن تاعايىندالادى. وليمپياداعا دەيىن مەن كەلىسىمشارتقا قول قويدىم, وليمپيادادان كەيىن دە كەلىسىمشارتقا قول قويدىم», دەيدى سەرىك ساپيەۆ.
ال پاريج وليمپياداسىنىڭ جەڭىمپازى ەلدوس سمەتوۆتىڭ ايتۋىنشا, كەلىسىمشارتسىز جالاقى الۋ مۇمكىن ەمەس.
«كەلىسىمشارت كەز كەلگەن سالادا بار, تەك سپورتتا عانا ەمەس. سول كەلىسىمشارتقا قول قويىلعاننان كەيىن عانا جالاقى تولەنەدى. مۇمكىن, كەيبىر ادامدارعا شارتتار نەمەسە تالاپتار ۇناماۋى مۇمكىن, جالاقى از دەپ ەسەپتەپ, قول قويۋدان باس تارتاتىن جاعدايلار دا بولۋى ىقتيمال. بىراق جالپى, كونتراكتسىز جالاقى الۋ دەگەن تاجىريبە جوق», دەدى ول.
ميحايل شايدوروۆ حالىقارالىق سىيلىققا ۇمىتكەرلەر تىزىمىنە ەندى
سيدنەي وليمپياداسىنىڭ چەمپيونى ەرماحان ىبرايىموۆتىڭ سوزىنشە, مەملەكەتتىك قولداۋعا يە بولۋ ءۇشىن سپورتشىنىڭ سول سالادا ەڭبەگى ءسىڭۋى كەرەك.
«وزدەرىڭىز بىلەسىزدەر, وليمپيادا چەمپيوندارى, جۇلدەگەرلەرى جانە الەم چەمپيوندارىنا ءومىر بويعى زەينەتاقى تولەنەدى. بۇل – مەملەكەت بەكىتكەن 100 اەك كولەمىندەگى تولەم. اتالعان تولەم سپورتشىنىڭ سپورتقا سىڭىرگەن ەڭبەگىنە بايلانىستى بەرىلەدى. ونى الۋ ءۇشىن بەلگىلى ءبىر تالاپتار دا بار, مىسالى سپورت سالاسىندا بەلگىلى ۋاقىت ەڭبەك ەتۋ قاجەت», دەدى ەرماحان ىبرايىموۆ.
ميحايل شايدوروۆتىڭ بۇگىندە قازاقستان سپورتىنىڭ كوشباسشىلارىنىڭ ءبىرى ەكەنىن, ەلگە حالىقارالىق ارەنادا ۇلكەن جەڭىستەر مەن تانىمالدىق اكەلگەن سپورتشى ەكەنىن اتاپ وتكەن چەمپيوندار زاڭدىق راسىمدەردىڭ تەزىرەك اياقتاۋ قاجەتتىگىن اتاپ ءوتتى.
ەسكە سالا كەتەيىك, بۇعان دەيىن ميلاندا وتكەن قىسقى وليمپيادانىڭ مانەرلەپ سىرعاناۋدان چەمپيونى اتانعان وتانداسىمىز ميحايل شايدوروۆ بىرنەشە اي بويى جالاقى الماعانىن ايتقان ەدى.
