فوتو: قر تجم
ءبىرىنشى كەزەڭدە اكىمشىلىك بلوكتىڭ, كاپسۋلالىق ۇيلەردىڭ, باسسەيندەردىڭ, سپورت الاڭدارىنىڭ جانە سەرۋەندەۋ ايماقتارىنىڭ قۇرىلىسى قاراستىرىلعان. الداعى ۋاقىتتا كەشەن اۋماعىندا قوناق ءۇي, SPA-ورتالىق, تەننيس كورتى, پيرس, ۆوركاۋت-الاڭى, ءدامحانا جانە وتباسىلىق دەمالىس ايماقتارى سالىنادى. جوبا قۇتقارۋشىلار قىزمەتىنىڭ ەرەكشەلىكتەرى مەن جۇمىسىنان كەيىن تولىققاندى قالپىنا كەلۋ قاجەتتىلىگىن ەسكەرە وتىرىپ ازىرلەنگەن.
استانالىق قۇتقارۋشىلار جارىلىستىڭ الدىن الدى
بازا اۋماعىندا قر تجم جەدەل-قۇتقارۋ جاساعى مەن اپاتتار مەديتسيناسى ورتالىعى قىزمەتكەرلەرىنەن قۇرالعان امبەباپ قۇتقارۋ بولىمشەسىن ورنالاستىرۋ دا جوسپارلانعان. بۇل تۇراقتى جەدەل ارەكەت ەتۋ دايىندىعىن قامتاماسىز ەتىپ, جەكە قۇرامنىڭ دايارلىعى مەن قالپىنا كەلۋىنە قولايلى جاعداي جاساۋعا مۇمكىندىك بەرەدى.
توتەنشە جاعدايلار ءمينيسترى شىڭعىس ءارىنوۆتىڭ ايتۋىنشا, قىزمەتكەرلەرگە ارنالعان الەۋمەتتىك ينفراقۇرىلىمدى دامىتۋ ۆەدومستۆونىڭ باسىم باعىتتارىنىڭ ءبىرى بولىپ قالا بەرەدى.
ء«بىز ءوز قىزمەتكەرلەرىمىز بەن ولاردىڭ وتباسىلارى ءۇشىن لايىقتى جاعداي جاساۋىمىز كەرەك. قۇتقارۋشىلار تاۋلىك بويى قىزمەت اتقارىپ, كۇردەلى جاعدايدا جۇمىس ىستەيدى. ولاردىڭ تولىققاندى قالپىنا كەلىپ, جاقىندارىمەن ۋاقىت وتكىزۋىنە مۇمكىندىك بولۋى ءتيىس», دەدى شىڭعىس ءارىنوۆ.
استانادا قۇتقارۋشىلار ليفت ىشىندە قالىپ قويعان 5 ادامدى شىعارىپ الدى
قۇرىلىس اياقتالعاننان كەيىن كەشەن تجم قىزمەتكەرلەرى مەن ولاردىڭ وتباسى مۇشەلەرىنە قولجەتىمدى بولادى. قازاقستاننىڭ قۇتقارۋشىلارى ءۇشىن مۇنداي دەمالىس جانە قالپىنا كەلۋ فورماتى العاش رەت ەنگىزىلىپ وتىر.
