فوتو: اشىق دەرەككوز
مينيسترلىك قىزمەتكەرلەرى مامىر ايىنىڭ باسىندا جۇرگىزىلگەن جالپى جانە ارنايى وپەراتسيالار ناتيجەسىندە قالا شەتىندەگى جەكە ۇيلەردىڭ بىرىندە سينتەتيكالىق ەسىرتكى ءوندىرىسى ۇيىمداستىرىلعانىن اشكەرەلەدى. تەرگەۋ مالىمەتىنە سايكەس, زاڭسىز ىسكە اعايىندى ەكى ەر ادام جەتەكشىلىك ەتكەن.
ءتىنتۋ كەزىندە وقيعا ورنىنان جارتى تونناعا جۋىق سۇيىق مەفەدرون مەن 1,5 توننا پرەكۋرسور تاركىلەندى. قازىر اتالعان زاتتارعا ساراپتاما تاعايىندالعان.
سونىمەن قاتار قۇقىق قورعاۋ ورگاندارى رەاكتور, كولبالار, ماگنيتتىك ارالاستىرعىش, كانيسترلەر, پلاستيكالىق ناۋالار جانە ەسىرتكى دايىنداۋعا پايدالانىلعان وزگە دە قۇرالداردى تاركىلەدى.
كۇدىكتىلەرگە قاتىستى قىلمىستىق كودەكستىڭ 297-1-بابى بويىنشا سوتقا دەيىنگى تەرگەپ-تەكسەرۋ باستالدى. اتالعان باپ بويىنشا ءومىر بويىنا دەيىن باس بوستاندىعىنان ايىرۋ جازاسى قاراستىرىلعان. قازىرگى ۋاقىتتا ۇستالعاندار ۋاقىتشا ۇستاۋ يزولياتورىنا قامالدى.
ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى ەلدار ابدىكەنوۆ ەسىرتكى وندىرىسىنە قاتىستى كەز كەلگەن زاڭسىز ارەكەت قاتاڭ تۇردە توقتاتىلاتىنىن ايتتى.
«ەسىرتكى ءوندىرۋدى ۇيىمداستىرۋعا باعىتتالعان كەز كەلگەن ارەكەتكە توسقاۋىل قويىلادى. بۇل باعىتتاعى جۇمىس جالعاسىپ جاتىر», دەدى ول.
قازاقستاندا ەسىرتكى بيزنەسىمەن اينالىسقان 76 شەتەل ازاماتى ۇستالدى
