فوتو: اقوردا
كەزدەسۋ بارىسىندا قازاقستاندا تولىق وندىرىستىك تسيكل جولعا قويىلعان ماقتا-ماتا كلاستەرىن جۇزەگە اسىرۋ ماسەلەسى تالقىلاندى.
پرەزيدەنتكە جوبانىڭ يمپورتقا تاۋەلدىلىكتى ايتارلىقتاي ازايتىپ, ىشكى نارىقتى باسەكەگە قابىلەتتى وتاندىق ونىمدەرمەن قامتاماسىز ەتۋگە مۇمكىندىك بەرەتىنى جونىندە باياندالدى.
چجان تسيحاي قاسىم-جومارت توقاەۆقا بۇگىندە بىرنەشە نىسان, سونىڭ ىشىندە ەكى ماقتا وڭدەۋ زاۋىتى قولدانىسقا بەرىلگەنىن ايتتى.
تاياۋ جىلدارى سينتەتيكالىق ماتا ماتەريالدارىن, توقىما جانە كيىم وندىرەتىن نىسانداردى ىسكە قوسۋ جوسپارلانىپ وتىر.
جوبانى جۇزەگە اسىرۋ ارقىلى ماقتا ەگىستىگىن 52 گەكتارعا دەيىن ۇلعايتۋعا بولادى. ەگىن شارۋاشىلىعىنا تسيفرلىق تەحنولوگيالار مەن تامشىلاتىپ سۋارۋ سەكىلدى يننوۆاتسيا پايدالانىلادى.
ماقتا-ماتا كلاستەرىنىڭ العاشقى كەزەڭىندە 360 ميلليون دوللارعا جۋىق تىكەلەي شەتەلدىك ينۆەستيتسيا تارتىلىپ, 4 مىڭنان اسا جۇمىس ورنى اشىلماق.
مەملەكەت باسشىسى كلاستەر ەلىمىزدىڭ وڭتۇستىك وڭىرىندە اگروونەركاسىپ كەشەنىن جانە جەڭىل ونەركاسىپتى دامىتۋ تۇرعىسىنان ماڭىزدى ەكەنىن اتاپ ءوتتى.
پرەزيدەنتتىڭ پىكىرىنشە, جەرگىلىكتى تۇرعىندار اراسىنان بىلىكتى مامان دايارلاۋ ىسىنە ءمان بەرۋ كەرەك.
قاسىم-جومارت توقاەۆ سۋ ۇنەمدەۋ تەحنولوگيالارىن كەڭىنەن پايدالانۋدىڭ وزەكتىلىگىنە نازار اۋداردى, سونداي-اق ماقتا ءوندىرىسىنىڭ شىعىنىن ەسكەرە وتىرىپ, اتالعان سالاعا «اقىلدى» تسيفرلىق شەشىمدەر مەن جاساندى ينتەللەكتىنى ەنگىزۋدى قۇپتادى.
مەملەكەت باسشىسى قازاقستاننىڭ اگروونەركاسىپ كەشەنىن دامىتۋعا ايرىقشا ۇلەس قوسقانى ءۇشىن چجان تسيحايدى II دارەجەلى «دوستىق» وردەنىمەن ماراپاتتادى.
