فوتو: polisia.kz
پوليتسيا مالىمەتىنشە, تەرگەۋ ەڭبەكتى قورعاۋ ەرەجەلەرىنىڭ بۇزىلۋى سالدارىنان ەكى نەمەسە ودان دا كوپ ادامنىڭ قازا بولۋى فاكتىسى بويىنشا باستالعان.
«وقيعا ورنىندا تەرگەۋ-جەدەل توپتار ىسكە كىرىستى, جاعدايدىڭ ءمان-جايىن انىقتاۋ ءۇشىن بىردەن تەرگەۋ ارەكەتتەرى جۇرگىزىلىپ جاتىر», دەلىنگەن حابارلامادا.
ايتا كەتەيىك, بۇگىن توتەنشە جاعدايلار مينيسترلىگى وسكەمەندەگى زاۋىتتا جارىلىس بولعانىن حابارلادى.
كەيىننەن جارىلىستان زارداپ شەككەن ءتورت ادام اۋرۋحاناعا جەتكىزىلىپ, 2 ادام قازا تاپقانى بەلگىلى بولدى.
سونداي-اق زاۋىتتا ۇيىندىلەردى ارشۋ جۇمىستارى جۇرگىزىلىپ جاتىر. ال ۇكىمەت وتىرىسىندا پرەمەر-مينيستر ولجاس بەكتەنوۆ جاعدايدى جەكە باقىلاۋىنا العانىن ايتتى.
