فوتو: قارجى مينيسترلىگى
قىتايدىڭ سيان قالاسىندا وتكەن جيىندا شىۇ-عا مۇشە جانە سەرىكتەس ەلدەردىڭ ەكونوميكالارى مەن ينفراقۇرىلىمدىق جوبالارىن قارجىلاندىرۋدىڭ قوسىمشا تەتىكتەرى تالقىلاندى. باسقوسۋعا قارجى مينيسترلەرىنىڭ ورىنباسارلارى مەن ۇيىم حاتشىلىعىنىڭ وكىلدەرى قاتىستى. قازاقستان اتىنان قارجى ۆيتسە-ءمينيسترى داۋرەن كەڭبەيل قاتىسىپ, شىۇ دامۋ بانكىن قۇرۋ جونىندەگى ەكىنشى كونسۋلتاتيۆتىك كەزدەسۋدە ەل ۇستانىمىن جەتكىزدى.
كەزدەسۋ بارىسىندا بولاشاق قارجى ينستيتۋتىنىڭ نەگىزگى ولشەمشارتتارى, قارجىلاندىرۋدىڭ باسىم باعىتتارى جانە كاپيتالداندىرۋ تەتىكتەرى جان-جاقتى قاراستىرىلدى. ۆيتسە-ءمينيستردىڭ ايتۋىنشا, بۇل بانك جاڭا بۋىن تەحنولوگيالارىن قولداۋعا باعىتتالعان ماڭىزدى ينستيتۋتقا اينالۋعا ءتيىس.
باسىم باعىتتاردىڭ قاتارىندا جاساندى ينتەللەكت, بيوتەحنولوگيا جوبالارى, سونداي-اق قىتايدان ترانسفەرتتەلەتىن ونەركاسىپتىك جانە «جاسىل» تەحنولوگيالار بار. سونىمەن بىرگە تاۋەلسىز قارجىلاندىرۋ, جەرگىلىكتى ۆاليۋتالاردى پايدالانۋ جانە بالامالى قارجى قۇرالدارى ارقىلى جارعىلىق كاپيتال قالىپتاستىرۋ ماسەلەلەرىنە ەرەكشە نازار اۋدارىلدى.
قاسىم-جومارت توقاەۆ شىۇ دامۋ بانكىن قۇرۋ تۋرالى باستامانى قولدادى
كەزدەسۋ قورىتىندىسى بويىنشا تاراپتار كونسۋلتاتسيالاردى جالعاستىرۋعا ۋاعدالاستى. كەلەسى جيىن 28-29 مامىر كۇندەرى بىشكەك قالاسىندا وتەدى.
ءىس-شارا اياسىندا داۋرەن كەڭبەيل قىتاي حالىق رەسپۋبليكاسى قارجى ءمينيسترىنىڭ ورىنباسارى لياو مينمەن كەزدەسىپ, قىتاي نارىعىندا پاندا-بوندتاردى شىعارۋ راسىمدەرى مەن استانا قالاسىندا سورعى-سۇزگى ستانساسىن سالۋ جوباسىن قارجىلاندىرۋ ماسەلەلەرىن تالقىلادى.
جالپى, اتالعان باستامالاردى جۇزەگە اسىرۋ:
– قازاقستاننىڭ قىتاي نارىعىنا جانە شىۇ اياسىنداعى جاڭا قارجى كوزدەرىنە قولجەتىمدىلىگىن كەڭەيتەدى;
– ونەركاسىپ, يننوۆاتسيا جانە «جاسىل» تەحنولوگيالار سالاسىنداعى جوبالارعا قوسىمشا مۇمكىندىك بەرەدى;
– كاپيتال كوزدەرىن ءارتاراپتاندىرىپ, ەكونوميكانىڭ تەحنولوگيالىق دامۋىن جەدەلدەتۋگە ىقپال ەتەدى.
قىتايداعى شىۇ سامميتىندە توقاەۆتىڭ ۇستانىمى نەسىمەن ەرەكشەلەندى؟
